|
|
السلام عليكم
راح ابدي بمشكلتي عالطول قبل جم شهر رحت سويت تحليل هرمونات طلع عندي هرمون الحليب مرتفع شوي وصدري ينزل منة حليب عطاني الحبوب اللي تنشف الحليب وبعدين سويت تحليل التبويض طلع 22 الدكتور قالي لا هو زين ولا شين بين الاثنين قتلة زين دكتور ابية يكون زين حيل قالي ما في الا الكلوميد قالي اخذي من 3 يوم الدورة لمدة 5 ايام انا الحين قاعدة اخذة ومسوية تحليل الغدة بس بعد ما اطلعت النتيجة
بس ما ادري هل النسبة زينة واقدر احمل عليها بدون الكلوميد ولا لا
بنات ردوا علي وريحوني بردودكم
ولا حتى كلمة اب
وانتي خليج مداومه علي البردقوش تراء زين لهرمون الحليب وتنضيم الهرمونات
وقد ماتقدرين بعدي عن الاجبان ومشتقاته
وربي يرزقج يالغاليه ويرزقنا وياج
اول شي وقبل لا تاخذين الكلوميد
لازم زووجج يسوي تحاليل وتتاكدوون انه نتايج تحاليله كلها سليمة…
وانتي لازم تخلصين كل تحاليلج وبعدين شوفي الدكتورة شنو تقولج…
انا اكلمج بحكم تجربتي اول ماشافتني الدكتووورة طلبت تحاليل اسويهاااا ووصفت لي كلوميد وقالت اخذيه وعقب ما اخذته لله الحمد
نتايج تحاليلي سليمة والمشكلة كانت بزووجي يعني الكلوميد ما كان منه فايدة…
وبالنسبة لحجم البويضة 22 اهوا زين والافضل يكون من 18 الي 20… عسي ربي يرزقج وتفرحين بشوفة ضناج…
و إذا زوجك ما فحص خليه يفحص
|
المشاركة الأصلية كتبت بواسطة ابدا يالغالي مانساك
 حبيبتي دام الدكتور طمنج خلاص
وانتي خليج مداومه علي البردقوش تراء زين لهرمون الحليب وتنضيم الهرمونات وقد ماتقدرين بعدي عن الاجبان ومشتقاته وربي يرزقج يالغاليه ويرزقنا وياج |
أنا مرة سألت دكتور الغدد عن شرب الحليب و مشتقاته إذا له علاقة بارتفاع هرمون الحليب؟
و قال لي: لأ ما له علاقة لأن هرمون الحليب اسمه ما له علاقة بشرب الحليب!!!!!
الحين منو أصدق؟
بنات زوجي سليم ما في شي
انا المشكلة اللي كانت عندي فقط ارتفاع هرمون الحليب والكلوميد الدكتور قالي ادام تبين تحملين بسرعة اخذي كلوميد يساعد انا راح اجرب الكلوميد هالشهر واليوم ال21 بروح اسوي البروحستون بشوف جم صار
والحين ناطرة تحليل الغدة يطلع
وان شاءالله ما يكون فيني شي
ادعولي