افيدوني إزالة تركيبات الزيركون

لا تحاتين حبيبتي

أكيد تقدرين تعيدينها وترى سالفتج بسيطه بس أهم شي تروحين حق دكتور شاطر عشان تضبط الإبتسامه

ندى الروح اسأل الله العظيم ان يفرج عليك ويحقق كل امانيك
انا في هم كبير ومن كلامك ارتحت يارب تنتهي هذه المعاناه
اهم شيء انتهيت من برد الأسنان ومعالجة العصب ياليت الاقي دكتور شاطر يعدل لي أسناني يارب
يسر امري

الله يسهل أمورك ويبعد الهم عن قلبك

وياليت تشوفين تجارب العضوات في بيلا كلينك شي يفرح القلب

إلا نسيت شلون أنتي مسويه في عيادة د. مجد ناجي ومو رآضيه عن النتيجه !!!

ان شاء الله اشوف التجارب يعطيك الف عافية يارب
اي نعم اختي مسويتها عند دكتور مجد ناجي عيادة ليبرتي
وماطلعت بالشكل اللي كنت اتمناه

ايه ينفع ولا يضيق صدرك تطمني

بس علميني انتي وين ساكنه؟ وانا ان شاء الله ادلك على الدكتور الي يحل لك مشكلتك ويساعدك
بأذن الله

المهم تطمني كل مشكله ولها حل

بس علميني وش مضايقك بشكل اسنانك بالظبط؟

هتانة الغيمة/يعطيك العافية اختي
يعلم الله اني في هم كبير انقهرت بسبب الأمل الكبير اللي حطيته فيهم
قلت بطلع بابتسامة مقبوله ..يبين اني عامله شيء جديد بالأسنان
والله طلعت من عندهم بشكل جدا عادي الأسنان ماهي متساويه سواها مثل ماكانت وش الفايده طيب؟؟
وايش فايده المختبر والبروفه ؟؟اذا كلامهم هو اللي بيمشي على المريض اللي جاي من اخر الدنيا
شيء يقهر وربي
انا قريبه من جدة اقدر اجي جده بنفس اليوم لو لقيت دكتور شاطر وثقه ممكن اجي حتى الكويت بعد كم سنة
ان شاء الله ربي يسهلها لي
تحطمت نفسياً خليها على الله

اخت هتانة الغيمة
جزاك الله كل الخير وكأن الحظ قادني لهالمنتدى وكتبت مشكلتي ولقيتك تساعديني انتي من الناس اللي
تقضي على أيديهم حوائج الناس
يالله سعادتي لاتوصف شكرا على مساعدتك لي
ارتحت لأسلوب الطبيب
شعرت بأني في الطريق السليم لمعالجه الخلل اللي حصل لي من عيادة دبي لابارك الله فيهم
والله الألم احيانا يجي ويروح
بكرا اتصل على عيادة الدكتور ويارب اتوفق بسفره لجدة
الله يجزاك خير ويفرج عليك ويحقق امانياتك
ارسلت مشكلتي امس لدكتورة عبر النت قالت لي لازم يبعدون 4 اسنان "تركيبه الزيركون" وقالت لي روحي لطبيب ماهر بهالمجال
يعطيك الف عافية

حياك الله

وانا بعد سعيده اني قدرت اساعدك بالي اقدر عليه

وان شاء الله يتصلح الغلط الي صار ويتعدل

وطمنينا وش يصير عليك ننتظر سماع اخبار حلوه ان شاء الله

بمشيئة الله الأمل بالله كبير يارب يسر امري وامرك
وان شاء الله اخبرك بالنتيجة املي بالله كبير

ندى العطر

انا موظفه بعياده تيجان فرع السالميه .. يتلنا وايد حالات ازاله الزيركون ,.
و اعتقد كان الحل بكسر سن الزيركون
و طبعا انا ماقدر افتي بهالموضوع
بس اذا حبيتي .. تشرفينا العياده و يشوفج الدكتور المختص و يقولج شنو الحل .. و راح اخليلج فتح الملف و الاشعه مع الاستشاره مجانا
و اذا نويتي تتعالجين عندنا انشالله ,. لج احلى خصم بعد
المهم تكونين مرتاحه من العياده و من شغل الدكتور
و اذا تبين اي شي .. اتصلي على العياده و طلبيني و ما يصير خاطرج الا طيب انشالله

22251515
جمانه اشكناني .. فرع السالميه

هتانة الغيمة يعطيك الف عافية وكل سنة وانتي بخير وكل الأخوات
ماعندي ميزه الرسائل الخاصة ودي ارد عليك ان شاء الله تكثر مشاركاتي واصير استخدمها
انا حاليا عندي الم قوي قوي
مكان التركيبات واتصلت على عيادة ريتال بجده وحددت موعد

اختي ندى انصحك ترجعي لعند د. مجد ناجي لانه افضل طبيب في هذا المجال و اكيد سوف يغيرهم لك اذا فيهم اي مشكلة

انا ذهبت لعنده وعملى اسناني و اسنان زوجي بالزيركون منذ 3سنوات واذكر اني غيرت لونهم مرتين قبل ان يركبهم لي وزوجي غير شكل سنيين منهم ولكن د. مجد رفض تغير سن واحد له ونصحه ان يبقيه شهر اوشهرين بعدين اذا ما تعود عليه واحبه سوف يغيره له بدون مقابل وبالفعل بعد فترة لاحظة انا وزوجي ان الشكل اللي نصح فيه الدكتور افضل وما شاء الله الكل يمدح باسناني واسنان زوجي والشهر الماضي زوجي اخذ امه لعنده وعملها زيركون بعد وما شاء الله اسنانها روعة مع انها عملتها هنا في الكويت مرتين وما حبتهم لانهم في عيادة ليبرتي ما يركبون شي قبل ما يذهب لمختبرهم ويوافق على الشكل واللون وبعدين هم يعطوك عليهم ضمان لخمس سنوات

وبعدين هذه اول مرة اسمع ان احد عمل اسنانه عند د. مجد ناجي واشتكى منهم وخصوصا انه عامل اسنان كثير فنانين ومنهم من عنا من الكويت ومن مصر وسوريا وانا شخصيا شفت عنده الشيخة موزة عم تساوي اسنانها لو انه مش شاطر ليش كل هؤلاء يتركوا بلادهم ويسافرو لعنده