افكر بالانتحار بسبت هاالزوج

خواتي الله يرضى عليكم الي عندها خبره تردعلي انا متزوجه من 4سنوات ونص وللحين ماعندي عيال تعبت نفسيتي مره وللعلم انا عندي ضعف تبوض وتكيس وعملت تلقيح صناعي مرتين ومانجح والحين قررت اعمل اطفال انابيب بس خايفه تفشل من المره الاولى لان زوجي رافض يسويها بس انا حلفت لا اسويها بعد ماعرفت انه ناوي يتزوج علي زهقني في عيشتي وبدا يضغط علي بالمصروف ويعايرني على اني مافيني عيال واذا قلت له الله بيرزقنا قال ماضنتي فيك عيال ويذكرني بخالتي ويقول انتم وراثه فيكم العقم صدقوني كرهته وكرهت اهله الي يحنون عليه بالزواج وتعبت نفسيتي وزدعلى كذا حارمني من الطلعات احيانا اتمنى اموت وارتاح على هالعيشه واحيانا افكر اتطلق منه بس لما افكر اقول منو راح ياخذ وحده ماتييب عيال مرضت وحالتي تدهورت بعد ماكنت مرحه والناس تحبني على فرفشتي صرت كئيبه وحزينه ولما اشوف الاولاد اموت حسره واقول ليش العاصين عندهم عيال وانا لا اوستغفر الله بس وزجي الي كرهني في الدنيا وصرت اخاف اضم او ابوس طفل اخاف هله لا يقولون تحسده غير نظرات الشفقه والرحمه من الناس في الاجتماعات وسؤالهم الي ماله داعي للحين ماحملتي كن الحمل بيدي مو بيدي رب العالمين كل كوم والتجريح حتى من هلي وخواتي لما االيهال يزعجونا اقولهم روحوا للحوش بسولف بهدوء يقولون ايه حنا مومثلك متعودين على الازعاج وانتي تنامين مرتاحه وتقومين بكيفيك مادروا اني مانام الليل من البكي على حالي وعيشتي بدون اولاد وغير كلام هالزوج الي يسم البدن من النغزات والمعاير اني عقيم انا الحين ابي العرف عمليه اطفال الانابيب هل ممكن تنجح من اول مره لاني عارف ان زوجي اول ماتفشل راح يتزوج ردوا علي ضروري لانها الحل الاخير لي بعدالله

حاولي تسوين أطفال أنابيب أو تلقيح
وممكن انها ما تضبط بس لازم تحاولين أكثر من مره

الله يفرج علييييييج يارررررررب

لاحول ولاقوة الا بالله
والله عورتي قلبي
انتي خلي ايمانج بالله قوي …. وهذا اختبار من رب العالمين
وبعدين الدنيا هذي مرحله قصيره وبعدين عندنا حياة ثانيه بالجنه … حياة طويله وأبديه … يعني حتى لو ربي مارزقج بالدنيا اكيد بيرزقج باللي تتمنينه بالأخره ….
وبعدين حاولي تكسبين زوجج وحاولي بطفل الأنابيب …. وصدقيني ربي ماراح يخيب أملج
وانتي لاتفكرين بالحمل لأن التفكير يأثر عليج وممكن يخربط هرموناتج … كملي دراستج اذا قدرتي أو اشتركي بنادي صحي … او فكري تسوين لج شي يشغل وقتج وراح يرزقج ربي ….. كل شي بوقته حلو
وحاولي تتفنين بالدعاء لرب العالمين …. ربي يحب يسمع صوت العبد لما يدعيه ويناجيه

والله يرزقج ياااااااااارب

eh,fe e7temal wayed men awl marrah ,o marat men thany marah

if u wanna read stories u can have a look at this website
https://www.ivfconnections.com/stories.htm
allah yerzegej
o SORRY BUT
I CAN SY THAT
RAYLIJ METHAL 3AL TA5ALOF EL 3ARABY
,

الله يرزقج ان شالله بالولد الصاااااااااااعاجلاااااااااااالا وليس اجلاااااااااااااااااااااااااا

شكثر عالجو التكيس ووحملووووووووووو صدقيني

ومافيها شي الانانبيب نفس الشي وشكثر ناس صبرو 11 سنه من اهلي وسبحان الله قامت تجيبهم ورا بعض ماشالله من بعد 11 سنه

وياقلبي الله يعينج والله حاااسه فيج ياربي الناس ما تخلي احد شنو يعني اذا بستي عيال الناس بتخاف امه يموت بنفس اللحظه شهالعقد

الناس ما ترحم صدقيني

ولا تفكرين انه بيتزوج عليج صج اهو ما عنده ذوق يوم جرحج بس همن عديهااافكري بالحل

وخليج متفائله روحي لماجده اليتااامى شاطره بهالسوالف

والله عورتي قلبي والله يكون بعونج
بصراحة أنا من رايي أول تعالجين التكييس
ساعات يكون هو السبب ويمدحون د.معصومة مخصيد
و د.ناهد العلي بهالسوالف والله يعطيج على قد نيتج

وحبيبتي ودي أقولج طوفي كل اللي تسمعينه وقوي إيمانج
بالله وادعي دايما وحاولي تكثرين من الاستغفار وقراءة القرآن
ترى وااايد زينه

والله يرزقج بالذرية الصالحة بإذن الواحد الأحد

بقووولج شي من وجه نظري

دام يعايرج .. وبيتزوج عليج ..

شلج بالقعده عنده .. اللي مثله ما يستاهل تحرقين دمج عليه واعصابج ..
وبعدين اللي ماصبر عليج .. ماعليه حسوفه
يعني ناس صابرين 15 سنه وساكتين .. وراضيين بنصيبهم .. لاتقولين اطلق ومحد ياخذني ..
ماتدرين يمكن ربج يرزقج واحد مطلق وعنده كمن طفل او ارمل او او ..
من رايي لاتحبطين نفسج ترا النفسيه تاثر .. وربي يكتبلج الخيره ..

لا تيئسين من رحمه ربج وان شالله ربج بيرزقج ويفرح قلبج

وريلج الله يهداه لج ويسخره

سويها وتوكلي على رب العالمين

مافي أحد بالعالم كله يقدر يجزم لج إن ممكن أطفال الأنابيب تنجح من أول مره لأن
نجاحها أو فشلها متوقف على قرار من العلي القدير وحده مافي أحد ثاني بالكون يقدر يجزم بنجاح العلمية

والشي الثاني يا أختي

الله يهديج بس شنو هالكلام أفكر بالإنتحار ؟؟
إنزين إنتحرتي وبعدين ؟؟؟

لا طلتي لا سما ولا أرض ؟
لا طتي الجنة بالآخره ولا السعادة بالدنيا

طولي بالج وخلي إيمانج بربج أقوى من جذي

عيل شيقولون الناس إللي صبروا 20 سنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وأعرفهم معرفه شخصية بعد

وديري بالج لا تسقطين من أول إختبار رباني لج ياقلبي

والله يرزقج بالذرية الصالحه يارب

يارب يارب يارب ترزقها وما تحرمها من الضنى .

عالجي وسوي الي تقدرين عليه ووكل يامرج لله وكل ما ضاق خلقج من ريلج وغثج والا احد من اهله جرحج

افوض امري الى الله انا الله بصير بالعباد
حسبنا الله نعم الوكيل , نعم المولى ونعم النصير

الله يرزقج ..

بأربع توائم ..

حبيبتي .. انت مافيج شيء مجرد ضعف .. ويتعالج ..

عليج بالبقرة ..

وبإذن واحد احد .. بتحملين .. مالج غير الله سبحانه .. توجهي له ..

والله يرزقج ويفرح قلبج .. ويصلح زوجج..

عسى ربي يرزقج بتوأم يارب وتقر عينج بشوفتهم والله يهدي زوجج ويشيل من باله الزوجه الثانيه بس مالج الا الدعاء والاستغفار وتفائلي وربي ماراح ينساج اذا انتي ما نسيتي