افكار لحفله العزوبيه

وييبو لها كيكة
والكيكة يكون مطبوع عليها ورقة فيها تمنيات كل وحدة فيكم وتكون بخط ايدكم

وسوو لها يلوة<جلوة> بسيطة بينكم البنات

أو ليش ما يكون ثيم الحفلة
نفس قرى الأتراك والإيرانيين
اللي نفانيفهم تكون كذا خامة وكذا لون

يا حلو البساطة

وتييبون لها هدايا بسيطة شرط تلبسها بثاني يوم من زواجها
مثل باجاما أو نفنوف ساتان
سليبرز
سلسال ناعم
تراجي ناعم
شباصة ناعمة
عطر بارد
ومن هالأشياء
عساس تتذكركم

وتفخو بالونات وكل بالونة يكون مكتوب فيها
طلب تطلبونه منها لما تتزوج
ولازم تنفذه مثل عزيمة, طلعة شي بخاطركم
>> مسكينة توهقت فيكم

وتيوبون دفتر تكتبون فيه توقعاتكم لحياتها الزوجية
يعني عدد أولادها وأسمائهم ومن هالسوالف

ربي يوفقها ويسعدها بحياتها
وأتمنى إني أفدج

وإن تذكرت شي كتبته