|
|
ابدخل بالموضوع بدون مقدمات ..
انا بصراحة من سنة تقريبا حسيت بالالام بصدري (الثديين) وبعد فترة قام ينزل من الحلمة مثل الماي لونه مايل للابيض خفيف حيل … المهم رحت سويت فحوصات جان تقولي الدكتورة انه معاي (زيادة في افراز هرمون الحليب ) وهذا اثر على الغدة الدرقية عندي بشكل بسيط ..
فــــ بالله يابنات منو صارت معاها هذي الحالة ؟
تقولي شلون تعالجت ؟
ووين اي مستشفى ؟
وياليت تحط اسم العلاج اللي استعملته ؟
وتشافت منه والا للحين؟
وبسأل اللي تعرف له تأثير بعد الزواج ؟
علما بأني مو متزوجة … وحيييييل تعبانة من عوار الصدر .. الله المستعان ..
ااااااااب
بس الافضل تعالجين من الحين وترى علاجه سهل وبسيط
تاخذين نص حبه اسبوعيا لحد ما ينتظم عندج الهرمون انا دكتوري كان يعطيني جذيه
بس اعالج بمستشفى حكومه مو خاص
واصلن العلاج سهل ما يبيله خبير روحي حق اي دكتور هرمونات وغدد اكيد يعرف
انزين لما تشافيتي الغدد راحت والا ظلت معاج ؟؟
ان شاء الله فهمتي السؤال ..
ربي يسعدج ..
انا كنت بنت 21 سنة وكان فيني رحت خاص وعطوني دوا ونزل
تقولي شلون تعالجت ؟
حبوب نص حبة بالاسبوع
ووين اي مستشفى ؟
انا اخر مرة عالجته عند دكتورة خالدة لا نه عقبهاا تزوجت وجبت عيال بس قام ما يهدني كلة مرتفع مرتفع ولا ينزل
ومن اسباب ارتفاعه نفسياا شوفي نفسيتج تعبانه من شنو يسبب هذا الشي
وياليت تحط اسم العلاج اللي استعملته ؟
دفستنيك مادري نسيتة بس العلبه فيها حبتين بس
وتشافت منه والا للحين؟
تشافيت منا والحمدالله بس يرجع لانه هرموني ونفسي
وبسأل اللي تعرف له تأثير بعد الزواج ؟
ياخر الحمل لازم تنشفينه وتحملين