|
|
صباح الخير للشعب الغير
شلووونكم وشخباركم
بصراحه كل ماأدخل منتدى الحياه الزوجيه ينغمت قلبي ماعندكم الا مواضيع طحت على ريلي وخاني وطقني ومادري شسوى ياجماعه مثل مافي المر في الحلو بس احنا مايعجبنا العجب ولا الصيام برجب الله يخليكم غضوا النظر عن عيوبهم والله انه مثل ما الريال فيه الشين ترى فيه الزين الكثير والدنيا حلوه .gif "Eh S(14)")
المهم موضوعي ماله شغل بالكلام اللي فوق بس هالشغله تقرقع بقلبي لأني صرت أكره أدخل هالمنتدى بسبة المآسي وكإن الدنيا بس سوده
موضوعي ياجماعة الخير اهوا راس الشهر نزل المعاش ورحتي الجمعية تشترين الماجله حق البيت شنو الأشياء اللي لازم تشترينها من الجمعيه 
بصراحه انا وحده أحس العب ومااشتري شي له فايده ونفس الشي ريلي نتشرى خرابيط صكونا ب100 دينار ونطلع على ولا شي
يالله كل وحده تقولنا شنو احتياجاتها الشهريه من الجمعيه للبيت وخلونا نكتبها بورقه ونروح راس الشهر نشتريها ترى فيها اقتصاد وتوفير للوقت وللمال 
ناطره ردووووووووووووووووودكم وحكمتكم
بي تعلمت من الغربه هههه
خل اكتب شنو نشتري كل شهر
عيش
حليب
طماط
بصل
ثوم
بطاط
جزر
خبز
توست
عصير
ايدام(لحم مفروم- لحم -دياي-سمج)
فواكه على حسب الميزانيه بس مو كل شهر
زيت
صابون مواعين
هذا اهم شي والي يه في بالي
اختي اهني خصوصا هالقسم يتعلق عن الحياة الزوجيه فشي طبيعي يقولوج البنات عن مشاكلهم واحنا لازم نسمع لهم وننصحهم
لانه تلاقينهم ماعندهم احد يشتكوله او تستحي او خبرتها قليله والبنات اهني مو مقصرين
وهاذي الدنيا شنسوي
وانا وياج انه الريال فيه اطباع حلوه
والله احتياجات الجمعيه كل مالذ وطاب
_03ba:
|
المشاركة الأصلية كتبت بواسطة ام محمد3
 اولا لازم تسجلين بورقه الطلبات الى ناقصه من البيت وتركزين على الطلبات الضرورية الاساسيه يعنى مثل عيش ، دجاج ، لحم ، سمك ، زيت ، خضار ، خبز ، اغراض اليهال الضروريه يعنى بامبرس وحليب ، وتتقيدين بالى انت كاتبته فى الورقه ، الشغلات الضروريه الى يحتاجها البيت كل يوم ، خليها تولى الخرابيط الى مافى منها فايده ، تدفعين فلوس اكثر على شغلات مافى منها فايده ، بطاط وكاكاو وخرابيط وافضل شىء الشغلات الى ما تستعملونها لا تشترينها قصدى الى تقعد عندك وتخترب وتنقط وانصحك كل شهر تجيبين اغراضك مره وحده يعنى نطرى لما تصير وايد واشترى مره وحده واتمنى اكون عطتك الفايده
|
_03ba:
|
المشاركة الأصلية كتبت بواسطة ام محمد3
_03ba: |
وعن الجمعيه والله انا بالشهر اروح لها عشرين مره كل شوي ناقصتني شغله ما سجل بورقه اروح افرها من اولها لي اخرها واشوف الي ابي واخذه
لاني ماعرف اطبخ بس الحين لمن ادخل اشوفهم شلون يطبخون ومع الصور قاعده اتعلم شوي شوي فعرفت شنو ابي وشنو مابي
اول ايام زواجي كله خرابيط وبرابيط
وما استفيد شيء
بس بعدين تعلمت شغلا ت وايييييييد
بس اهم شيء تشترين الضروريات مثل مااقلوا البنات
بعدين تقسمين ورقتك
ثلاث اقسام
منظفات
مثل صابون غسيل ملابس كلوركس صابون مواعين
كمفرت فلاش للحمام معطرات للحمام
ليفه مواعين واكياس بلاستك للزباله الحمام تكرمين
وبعدها
الماجله
نبدا بالخفايف الاجبان المرغوبه عندك
مثل الزيتون والمربي والعسل والقيمر والبيض
وغيرها اللي تحسين ان البيت كله يستهلكها
يعني لا تشترين شيء وانتي تعرفين انه محد ياكله
وعندك بعد المجمدات
مثل الهبرجر والنكتس والكفته والكباب وغيره
لحم مفروم ونقانق
زيت عافيه ولا نور للقلي
وزيت زيتون
وبعد تمرين على الدجاج ….واللحم
والقسم الاخير
تكون فيه الخضره والفواكه
بصل وثوم وطماط وفلفل رومي جزر وخيار وبطاط
وخس
والفاكهه انصحك اسبوعيا تشترينا وتكون بكميات بسيطه
يعني بالعدد علشان ما تتعفن
وان شاء الله اكون افدتك
اول شي اخلي ورقة على الثلاجة اكتب فيها الاغراض اللي ناقصة واي شي يخلص اسجله في هالورقة علشان بداية الشهر اروح اشتريه واغلب الاغراض اللي اشتريها
فواكه وخضرة
اجبان
مكرونة وعيش اذا مخلص
ادوات تنظيف وصابون وشامبو لنا ولأولادي واجياس الزبالة
كورن فليكس وبسكوت
بهارات وصلصة وكاتشاب وزيتون ومعلبات وفول سوداني ومربى
اشياء مثلجة مثل الهمبرجر والنجتس
زبدة وزيت
دجاج ولحم مفروم
حفاضات لولدي
اخر شي استلم قسم الخرابيط انا وبنتي وولدي ونحط في العربة من كل شي اجباس وخفايف وكاكو وهالسوالف
ولي ييت اروح الجمعيه ابطل الثلاجه واجابلها اشوف شنو ناقصني …
عموما انا ماحب الخرابيط .. اهو الصراحه احب الخربايط بس ما اشتري لانه اذا شريت راح اكل وراح اكلي يصير خواره لووول…
ابتدي بقسم الخظار والفاكه الخظروات الاسايه يعني خس وطماط وخيار وبصل وبطاط وجزر وثوم …
تالي تفاح وموز وبرتقال هذول لازم موجودين … وان شفت فاكهه موسمها ومشتهيتها خذيتلي يعني خوخ ولا عرموط ولا فراوله…
تالي اروح قسم الاجبان واخذلي الاجبان الي عليها طلب من البيت .. حلوم جبن فيتا موزرلا شدر بارميزان
وتالي حليب فرش وحليب الصويا ولبنه وزيتون ….
عقب قسم اللحوم .. طبعا ماحب اخزن لحوم احب اشتري حق بو يومين اخذلي صدور دياي ولحم مفروم وشغلات على احتياجي … وهم اشتري خظروات مثلجه مثل الذره والبزاليا وفاصوليا …
وكلششششش ماشتري نجت وهمبرغر وفرايز وهالسوالف!!! بنااات مامنه فايده حرام هالشغلات ادش بطونكم لوووووووول اشفيها الصحيه؟؟ بس جد قاعده اقرى كتاب يخليج تتحسفين تاكلين اي شي ماله فايده
المهم .. واختم الجمعيه بقسم الحلويات ونواقص الكيك والحلو اذا كنت بسويلي طبق ولا شي… 
