|
|
هاااااااااااااااااااااااي كرووشات شلووونكم
ابي اغرف شنو الاغراض الي اخذها من الجمعية باللتفصيل الممل خصوصا اغراض البيبي من عدة تنظيف
والي يستخدمون ماركة سيباميد شنو ياخذون بالضبط
وشكرا 
انا بعد ودي اعرف لانه هذا اللي بقى لي الحين
انا منهم اب
اب
اب
للبجريات
انا بعد بس هذا الي باقيلي وابي ارووح مره وحده اشتري الاغراض كلها
عبث طفلة مشكوره حبيبتي وناطرينج ان شاء الله تلقينه
زيت جونسون بعد الحمام تحطينه+ بودرة التلك علشان سر البيبي+شامبو جونسون+بودرة الجسم جونسون
كلونيا عطر الجسم البيبي
طبعآ فرشايه الشعر البيبي +ليفه الجسم مع الليفه اللي تنحط تحت جسمه في البانيو حتى ماينزلق لاسمح الله من ايدك
حضري رضاعاته والافضل زجاج انا استخدم(بايجون) كذلك الحلمات الافضل ميديم المقاس
والعلبه حق تقسيم الحليب
جهاز قياس الحراره+آدول للاطفال+ علاج للنفاخ والمغص وفي واحد جدآ ممتاز بالكراويه والكمون واليانسون اسمه(انفاكول)
بس ان شاء الله تحصلينه لان بنتي ماكانت ترضى تشرب اعشاب
ولهايه اذ بتعودينه عليها بالاضافه الى مشمع التغيرالحفاظه حتى ماتوصخ ملابسه
مقص اضافر صغير للبيبي
طبعآ شنطه لأغراض البيبي اذ طلعتي مناديل جونسون للتمسيح
والله هذا اللي اذكره هلحين وان شاء الله اكون افدتكم…
up
ما عليكم هذي نقزة بيني وبين نيلفار … حبيبتي والله ابيه بديت احس انج بنتي واحاتيج ههههههههه …
المهم … لا تشترين البودر مال اليهال … البودر وخصوصا التلك ضااااااااااااااااااااااااار جدا للصحة حق التنفس واللي عندهم بنات مو زين حقهم .. ديروا بالكم ….
الفازلين ماله حاجة … كريم الحفاظات اللي فيه زنك احسن شي … يا سودو كريم أو اذا رحتي جمعية فيها مذركير اتلاقين اللي نفس تركيبته (اللي فيه زنك) مسوين عليه تنزيلات من 3 وشوي الى 2.500
تحتاجين شامبو للشعر … مال سيباميد عشتوا يخلي شعر خلودي يدهن ههههههه جنه صج … جربي مال جونسون … انا استعمل الصغير اللي راح يعطونج اياه بالمستشفى لأن بالمستشفى يمرون ملوت الشركات ويوزعون منتجات مالتهم دعاية حق الامهات اليدد … حت سامبل حفاظات يوزعون …
وغسول للجسم … ومناديل للتنظيف … ومن بيجون غسول للمميات … وحفاظات … انا استعمل ليبرو حجهم اصغر من الباجين علشان اتقللين من التسرب … واللي بعد اصغر منهم وعندي احسن منهم مقاس 1 مال بوووتس … وترى هم ارخص … وعواد الاذن … بيجون ملوتهم صغار …
اذا تبين اشتري قوطي حليب صناعي للطوارئ بس تدرين انا مااا اأيد الصناعي …
مصاصة اذا تبين … ماركة bebe عندي زينة مع ان عيالي ما يحبون المصاصة … ونصيحة لا تقدمين المصاصة للبيبي اول الايام الا لما يضبط الرضاعة الطبيعية اول …
وصابونة علشان اتغسلين البيبي وقت تغيير الحفاظة …
وفرشة تنظيف المميات … وغطاء الصدر اذا مو شارية للحين … ترى ملوت شيكو شيحليلهم … خفاف وكل واحدة مغلفة بروحها …
واذا تذكرت بعد شي اقولكم
<< بجر مع شلة البجريات اللي مايعرفون وين الله قاطهم
عود للاذون وعود للانف تلقينه حييل اضعييف
كريم بيبانثيين للوجهه
كريم حفاظ من سيباميد
بيبي اويل وشور جيل وشامبو وبودره وكلونيا بس كلونيا للمولود ما يفضل الا بعد 4 شهور …ساعات اخذهم من جونسون وساعات من بيجون
واخذ كريم مال الليل مادري اذا ينفع ولا لا انا شخصيا ادهن بنتي منه للجسم اذا سبحتها بلييل
وممممممممممممممممممممممممممممم
كلينكس للحفاظ
ومميات من ماركات السنعه بيجون او جونيور او نوبي او ديزني تلقيينهم بسنتر بوينت ((يفضل زجاااج لين الياهل يمسك ابروحه بعدين تاخذين بلاستيك اخف للياهل))
هذا الي اذكره
ولا تنسين شفااط كهربائي افضل مع فوطه للصدر وقطن للصدر وكوتكس من الحجم العود والزين للنفاس
اي واخذي من بيجون جنطه صغيرونه فيه كل العده لجنطه الياهل للطلعات
نيلفار ما لقيته بس ما شاء الله ما قصروا البنات
أغراض البيبي : أهم شي و أول شي مصاااااااااااااصات عدد 2 – غلايه للماي – مطاره لحفظ الماي الحار وحده كبيرة ووحده صغيره للطلعات – جهاز معقم للمميات – زجاجة حليب صغيره زجاج عدد 2 تدريج 2 و عدد 4 تدريج 4 – فرشة تنظيف المميات – زيت أطفال بيبي أويل من جونسون أو تاخذين زيت زيتون من الصيدليه تدهنين فيه جسم البيبي أفضل – ( ولا تشترين البودر للبنات مو زين ديري بالج ) و شامبو و صابون سائل جونسون صغار- صابون جونسون حق غسيل البيبي لما تبدلين له البامبرز – سودو كريم للبامبرز – مشط ناعم – قطن إذن- قطن مدوّر – كريم للجسم سيباميد – مناديل جونسون الرطبه – إسفنجة السباحة تحطين عليها البيبي – مقص أظافر صغير للأطفال من الصيدلية – أكياس للحفاضات ( آنا آخذهم من سوق بو100 ) – فرشاة تنظيف المميه – ينسون – سكر نبات
لا تشترين حليب أو بامبرز إلا بردتج بالسلامه للبيت و قبل لا تطلعين من المستشفى إخذي منهم حليب جاهز و جم حبة بامبرز
أغراض الأم :
قطن الرضاعة – نعال للحمام و إنتو بكرامه -شامبو – صابون طبي – إسفنجة – مزيل عرق بدون رائحة ( آنا أشتري واحد مكتوب عليه beuty shop و لونه أصفر يهبّلللللللل ) – فرشه و معجون- ديتول صغير – مشط و شباصة – قطن إذن -زبدة شفايف )- كوتكس ليدي سوفت حجم كبير جداً للنفاس
انا اخذ من سيبا ميد بس غسول البيبي اللي استخدمه لما اغسلها بعد تغيير الحفاظ او حق ايدها وجسمها اذا سبحتها
والشامبو اخذ من بوتس لونه اصفر وايد زين
والكريم لمنطقه الحفاظ من الجمعيه علبه حديد لونها ازرق بذهبي يسمونه الراعي
ما احب استخدم بودر او اي شي ثاني