|
|
بدأ سلك التربية ينحدر شيئا فشيئا الى الأسوء بحيث يتطورون التربية بطريقة خاطئة مما أدى الى ضياع التلاميذ الي مسوونهم حقل تجارب والي المعلمات مغلوب على أمرهم وأولياء الأمور ساكتين في البداية لما حطو الملف الانجازي أولياء الأمور عجبهم أسلوب النجاح بدون الرسوب فسكتوا عن التغيرات مما أدى الى استهلاك طاقة المعلمة وآلات التصوير والأحبار والأوراق مع انهم يطالبون بتوفير والاقتصاد والحين يبي يخلون بايد كل طالب حاسب آلي يعني الدراسة بالحاسب الآلي تخيلوا عيون عيالنا راحت أكبر الدول المتقدمة ما سوت الي احنا قادعين انسويه قاعدين يوقفون عقول عيالنا وما يخلونهم يعتمدون على أنفسهم بالتفكير بدل على الكمبيوتر الحمد لله والشكر والحين المناهج اليديدة حده حده مبين مو مدروسه الترجمة كله بدليات وبالأصح لبناني وبعض الأنشطة تطبيقه صعب لأنه ما يلائم دولتنا الصحراوية والكتاب مبين عليه ما خذينه من دولة أوروبية لأنه معتمد على الحدائق والزراقة واحنا حتى النخل ميت , والحين انقلب الموضوع على التلاميذ وهم ساكتين أولياء الأمور والمعلمين برايي زين يصير فيكم
لو تبون اتوقفونهم عند حدهم المفروض أولياء الأمور والمعلمات وبالأخص أولياء الأمور يعتصمون جدام وزارة التربية ويمنعون عيالهم يداومين والمعلمين ما يداومون أو ما يدرسون اعتصام سلمي مثل ما سووا الموظفين النفط والهندسة والطب جان اتعدلت الأوضاع بس احنا خوافين بس نشتكي وبس
والحين اهم مرتاحين خذوا الي يبونه واحنا تعبانين عبالهم ان التدريس بس ندرس وبس ما يدرون انه قاعدين نحفر الصخر بالأصخ من الأعمال الشاقة كافي ما عندنا اجازات واذا نبي اجازة خصم من راتب الله يسلط على كل ظالم الي أطلم منهم
وأبي رايك لنوقف الي قاعد يصير بالتربية باسم التطور ( أي تطور الا فلسفة ):
الله كريم
والله كيفهم بعد نشيل هم المناهج
شغلتهم هذي انا اسوي اللي علي وبس يفكونا من شرهم التوجيه ..
وين اقعد احاتي المنهج واصلحه لهم
هم المشكلة انه تطبيقهم بدون دراسة او تجربة على طول قرار خذوه فغلوه يطبقونه سنه او سنتين ويثبت فشله من اول كورس بس عن ماي الوجه يخلونه جم سنه بعدين يحطون قرار افشل منه
أي اعتصام اللي بيسوونه؟؟؟؟؟؟ ما أعتقد عندهم الشجاعة .. اسمحيلي
لو أي أحد ثاني غير فئة المعلمات جان يمكن يكون عندج امل يوقفون معاج و يسوون اعتصام .. أما المعلمات .. سلملي على المعلمات
قالها دكتورنا بالتربية الله يذكره بالخير (انتوا المعلمات قوة .. إذا وقفتوا و قلتوا لأ محد راح يقدر يقولكم شي .. لكن انتوا جبناء) .. الله يذكره بالخير ما جذب
بس تدرين الشرهه على جمعية المعلمين لان اهم بالاساس ضعاف
لو مثل باجي الجمعيات والنقابات جان نظموا اعتصام وخلو الكل يشارك بس شتقولين
ما تشوفين الكل يبي ينحاش من التربيه والتدريس صارت مهنه طارده
والله أنا معاج في الإعتصام بس يبي أحد ينظمه ويحطون بالجرايد إعلان
يبيله أحد يوقف بويهم ويقول لأ بس الضمير اهو الي ذابحنا مو قادرين انطنش ها التلاميذ ولا قادرين انواكب التجارب على حقل الفئران ما نبي كلمة نبي وقفه
انا معاهم قلبا وقالبا
اداوم .. وأرفض أدرّس .. اقول معتصمة
بس نبي تشجيع …………
خل الناظرات يتنافضون ويدقون على المنطقة .. والمنطقة تدق على الوزارة ..
خلونا نتحرك نشوف شلون يعطونا حقوقنا كـ معلمات !!
مع ان ودي هالحلم يتحقق
اذا اعضاء مجلس الامه ماسوو شي يعني هالاعتصام بسوي شي
تذكرون الدوام برمضان قالو مانبي وبنغيب وبنحتج ومن هالحجي الكل غصب عليه داوم وريله فوق رقبته
صدقوني لو الوافدين يحتجون لا لقيتو من اول كلمة ينفذون كل طلبات الوافدين بس ااحنا مالنا سند ولا ظهر
لا جمعية معلمين مثل الاوادم لا اعضاء مجلس الامه لا وزيره يالله من فضلك ولا احد
مالنا الا الله وشوي شوي وبيصير التعليم الحكومي بفلوس
وبيطيح التعليم حظه اكثر من ماهو طايح
الوقت صاير بسرعه يطير فماابي اضيع وقتي بشي مومفيد
انا مابي اعتصم واضيع وقتي بشي مامنه فايده ولا عايده
بدال لا اضيع وقتي باعتصام مانه نتيجه اشوفلي شي مفيد اسويه اريح جسمي وانام
ولا اسويلي ورقة عمل ولا ادورلي مطويه في النت حق تقريري تفيدني
و لااروح اسويلي وسيله حق درس باجر وافكر شبسوي للنشاط الاذاعي
واذا ماسمعتو عن اعتصام الطياريين الكويتين
شنوو سوو فيهم روحو سألوهم شقالهم وشسووا فيهم !!!
قالولهم اذا مارديتو دواماتكم خلال 12 ساعه كل واحد فيكم يالله يعتبر نفسه يالله فوووووونيش
وعنااااااااد بنييب من دول آسيويه وافدين نشغلهم طيارين بدااااااااالكم
ومعاشاتكم اللي موعاجبتكم راح نعطيهم للآسيويين وبالعكس اريح لنا راح يوفر علينا
معاش الكويتي = معاش طيارين من دول آسيويه
وكلهم ردوا شغلهم وريلهم فوق رقبتهم لا سوولهم شي ولا استفادوا وحطوا عليهم ووقفوا ترقياتهم