اطفال زراعه القوقعه في مدارس الصم

السلام عليكم
شلونكم بنات و شلون اعيالكم الله يشافي الكل انشالله

طبعا مثل ما انتوا عارفين فتح باب التسجيل لرسوم المدارس على نفقه المجلس الاعلى للمعاقين
انا ولدي من زارعين القوقعه لان عنده ضعف سمع شديد و الحمدلله مع العمليه صار تقريبا طفل طبيعي يسولف و يتكلم

طبعا حالنا حال الكل ريلي راح يسجل ولدي و اتفقت انا معاه ان بندخله العالميه الامريكيه دخل على واحد من المدرا اهناك ما ادري شسمه و قاله طبعا المدير ما اعجبه ان بندخله هالمدرسه قاله ريلي ليش ؟

و الصدمه من رده احنا ضعاف السمع اندخلهم مدارس الصم قاله ريلي بس ولدي مسوي عمليه قوقعه و الحمدلله يتكلم الحين
قاله المدير لا اصلا عمليات زراعه القوقعه 90% فاشله ومو ناجحه و احنا نحطهم بمدارس الصم

طبعا ريلي حده انصدم

قاله ليش عيل يسوون العمليه بالكويت و العالم كله اذا اهيا فاشله
يقوله المدير يبون يسكتون الاهالي بأي شي و ان في علاج حق اعيالهم جان يطلعون القوقعه بس اهيا ماله داعي منها ..
حدى ريلي انقهر و بقى يرد عليه و يزفه بس اتحمل لان الاخ المدير واحد من الي يكونون باللجنه و يقرر مصير ولدي وين يدش و يكمل
يعني كل هالتعب و المراجعات و الاشعات والعمليه و فاتحين راس ولدي على الفاضي على شي ما منه داعي وما منه فايده و القهر ان مو دكتور و لا واحد متخصص يطلع الكلام من نفسه ويالف و اهوا الي يقرر مصير هاليهال وين

الله يجازيه على الي قاله صج عور قلبي
انا قلت اذا ما وافقوا بندخله على احسابنا اهم شي مستقبل ولدي

هلا نووونا

على أي أساس يختارون المدرسة اللي يبونها؟؟

انتي لما رحتي تقدمين ماخذيتي معاج ملفه اللي كان في الحضانه؟؟؟ لأن هذا مهم يشوفون التطور والشغلات اللي كان يمارسها بالحضانه والتقدم اللي صار .
الحياة العالمية اللي بالسالمية روعة وكنت أبي أسجل فيها وليدي بس لما عرفت انهم يبون اللي يعرف يكتب ويقرى تراجعت لأن وليدي بأول الطريج .

يقول المدير نقعد معاه عشر دقايق و لا ربع ساعه و نقرر بس خذا اسم الحضانه ولا قال ابي ملف و لا شي
واصلا ولدي ماعنده ملف لان الكورس الي طاف ما داوم ولا حضانه و هالكورس الاسبوع هذا داوم يعني شلون راح يتقيم حدي منقهره على ولدي و باجي اليهال اذا هذا الي يقرر مصيرهم و يمشون على رايه الله يستر على اليهال

لا مو معقولة اللي قاعد يصير

اللي يقعد معاه الطب الوراثي والتطوري ويقررون النسبة علشان يعرفون أي المدارس ينقبل فيها .
ما أدري هذا قرار جديد؟؟؟
انتوا رحتوا الطب الوراثي والتطوري ؟؟؟

لا تحاتين في مدارس في منطقة حولي حق ضعاف السمع أنتي روحي وشوفي والله يوفقج

لا للحين ما رحنه الله يستر الاحد بس الحين مرت حماي اتعرف وحده تشتغل اهناك و جنه بتحاجيهم يعني واسطه لان كل شي اهني يمشي بالواسطات و انشالله تضبط لاني صج احاتي و تقول مالكم شغل فيه هذا واحد يخربط و يطلع حجي من عنده انشالله تكون سهاله و يسهل على ولدي انشالله

اي عدل

لأن المتعارف عليه الطب التطوري والوراثة اهما اللي يحددون نسبة الذكاء .

ان شاء الله ربي يسهل وتبشرينا بالأخبار الطيبة

انشالله و يوافقون على المدرسه
باجر الصبح المقابله معاه الله يستر صج قاعده احاتي
الله يسهل انشالله

ان شاء الله ربي يسهل ويقبلونه لاتحاتين عليج بالدعاء وربي سبحانه معاكم

رفع