اطعام الرضيع

سلام عليكم حبايبي شلونكم ز شلون كتاكيتكم انشالله بخير

حبيباتي بغيت اسالكم انا بنتي عمرها شهرين و نص بقى اسبوع تقريبا و تخلص الثالث و تدش بالرابع
شنو ابدي معاها شوية بسكوت فارليز مع رضعتها والا ميلوبا الارز
و هل عادي اعطيها بداية الرابع
شاكرتلكم

انا كنت بعطى عيالى نفس طريقتج

بس قريت مو ضوع الدكتوره رشا وتكلمت عن هالموضوع وقالت ما انصح بالاكل وهالسوالف الا بعد 6 شهور

حبوبة توالناس عليها لمن تكمل 6شهور ابدي معاها هذا كلام الدكاترة

حبيبتي لا بدري عليها انا بنتي خلصت السادس وتوها جم يوم داشه السابع بديت اكلها هالشغلات الي قلتيها
بس الله يعينج انا الحين بنتي اي شي اعطيها اول قفشه وترجع ما ادري الظاهر مو متقبله الاكل
بس كلام الدكاتره لا بدري والله يخليهم لنا ويصلحهم امييين

انا من دش ولدي الراابع امي تقول عطيه عشان يتعود ع الاكل ومايستنكره لافهم ودش السادس فعادي ابدي عطيها شوي شوي عشان تتعود على الاكل حبيبتي

انصحك تعطينها في بداية الشهر الخامس

شغلات خفيفة مثل زبادي قليل الدسم مقدار فنجا ل القهوة

والله يخليها لك

حبيبتي لا تعطينها ولا شئ لي عمر 6 شهور

قبل هالعمر بس حليب وماي

وانا الماي عطيته ولدي بالشهر 3 بعد

حبووبه لا تحطين لها فازليز قبل 6 شهور يقولون يسبب حساسيه بس في ميلوباا رايس حق عمر 4 شهور

انا بديت اعطي بنتي عقب بالخامس تقريبا
بديت معاها سيريلاك

لين السادس عقب بديت اشوب بالخضرا و الفواكهه

بالرابع اعطيه نتفت بسكوت صغيره بالحليب
و ماقدر يتقبل الاكل
الحين عمره حبيبي سبع شهور و نص تقريبا توني صار لي اسبوع اعطيه خضروات مسلوقه س هم نتفه

الدكتور قال لا تأكلين ولدج الا بالشهر السادس
لان قبله مو زين

اسمعي نصيحتي

في عمر ولدج الحين تقدرين تعطينه باليوم وجبه غير الحليب ..عطيه منقوع حبه تمره مع ماي(مقدار استكانه شاي) …تقدرين تعطينه عصير برتقال مخفف مع شوي ماي

الياهبل في الشهر السادس يبدون يعطونه خضاااااار مسلوقه (بطاط..كوسا..جزر..قرع العسل……….الخ) لمده شهرين لين يتعود على الخضار وايحبه

بعدين ابدي معاه فواكه (موز..برتقال..تفاح………..الخ) بعدين اولدج بيصير ايحب الفواكه والخضار

اكــــــــــــــــــــل مفيد..اكل طبيـــــــــــــــــعي ..دام اولدج حاب ياكل ..عطيه اكل طبيعي وقد ما تقدريـــــــــن وخري عن الاكل لمعلب ..وخلي البسكوت لبعدين

خليه ينمو بصحه ..وخاااااااصه التمر وقرع العسل يخلي الياهل ذكــــــــــــي

لا تقولين ما يمديج ولا تملين تسوين اكل الياهل ..دام تحبين ولدج بتسوين كل شي مفيد له انشاء الله

عليج بمنقوع التمر….

انا ادري ان اغلبية الدكاترة يقولون من الشهر السادس بس على الاقل نبدي بداية بسيطة عشان يتعود الياهل على طعم غير الحليب ميلوبا عندهم من 4 اشهر جربت البسكوت مالهم مع ان نتفة بسكوتة بس كلش ما ذابت بالحليب مادري ليش و في عندهم ميلوبا رايس مع الحليب هذا ناس يمدحونه هم حق 4 اشهرو في ارز بالحليب 4 اشهر مافيها جلوتين ولا بيض يعني ما تسبب حساسية
بس بنات في احد جرب بسكوت ميلوبا و الي جربوه ذاب و ياهم بالرضعة لان انا ما يذوب و مسكينة بنتي بس تبجي لان ما يطلع لها شي

ليش ماتجربين لها سيرلاك الزر وايد زين