اشهر ببغاوات متكلمه بالكويت:)

الموضوع هذا اهداء حق بنات منتدانا الغالي
وان شاء الله يكون كااامل والكامل الله

الببغاوات وااااايد ومتنوعه توصل ل353 نوع

اشهرهم والموجودين بالكويت(الافريقي – الامزون – المكاو – الكوكاتو)
وفي وايد بس هاذي احسن الانواع

واهل الكويت ما قصروا من شهر لشهر يستوردون انواع اغلى وارقى

اول شي اعطيكم ترتيبهم باحسن ناطق

1-الرمادي الافريقي ((اسماء ثانيه=الزنجباري-الهولندي)3 انواع)
2-الامازون (انواعه وايد)

3-الكوكاتو (انواعه وايد)
4-المكاو (انواعه وايد)

___________________________________________

الرمادي الافريقي:

النوع هاذا يقدر يتعلم 800 كلمه
وهي من اذكى الببغاوات
وعمره يتراوح بين 50-70 سنه
وهو يملك مخ يعادل مخ طفل عمره 3-5 سنوات
يقدر يقلد الاصوات (صوت الماي-الاصوات الغريبه مثل الليزر اللي بالالعاب -صوت الباب-البوسه-صوت الانذار..الخ)
ويقدر ينطق الكلمات ويحفظ جمل
والمميز فيه انه مرات يفهم الاشياء اللي يقولها
شرط التدريب
يعني مثلا مع التدريب
كل ماترفعين اصبع وتقولين له واحد ومع التكرار
بيعرف ان اذا رفعتي اصبع بيقول واحد
وجذي يتعلم الارقام
والنفس الشي مع الالوان بيقدر يفرق بالالوان ويعرف اسم لون لون
والاسئله ما ننساها
(عطني بوسه)…ويبوس لانه يفهم المطلوب لوووووول
(شنو اسمك)…..يقول كااااسكو

هذا دليل:
https://www.youtube.com/watch?v=K7ht0…eature=related
واذا كان بروحه ويبي يونس نفسه تلقينه يسال نفسه اساله ويرد يجاوب على نفسه
لوووول

نجي حق انواعه

1-الكونغو Congo African Grey
2-التيمنه Timenh African Gery Parrot
3-غانا -الغينيPsittacus erithacus princeps
**الاختلاف بس بالشكل اما قدرته على الكلام ماتختلف**
_____________
الكونغو Congo African Grey:

له تسميات وايد منها(بالكاميرون جراى-والنيجيرى الرمادى-و…. الرمادى حسب مكان أصولة إن كان تفريخ أو مكان اصطياده إن كان من البرية )
اهم مميزاته:لونه رمادي وذيله كله احمر والمنقار اسود فحمي
الطول : 30- 45 سم ومسافة ما بين الجناحين 45- 52 سم .
الوزن : 400- 600 جرام .
العمر الافتراضى
:50-60 سنه

الموطن : افريقيا كما هو اسمه ، وسط افريقيا و الكميرون وساحل العاج و كذلك من كينيا ونيجيريا وهما عادة اغمق من الكاميرونى .

التيمنه Timenh African Gery Parrot:

اهم مميزاته:لونه رمادي غامج وذيله احمر غاامج مايل للبني *المنقار لونه اسود فاتح والفك العلوي لونه ابيض عاجي
الطول : اقصر من الكميرونى .
الوزن : 250-400 جرام .
العمر الافتراضى : 50-60 سنه .

الكاسكو هاذا حيييييييييييل مظلوم اهو مثل الكونغو بالكلام واقل عصبيه ويقدر يتعلم الكلام بعمر اصغر من الكونغو
لان اغلبه بالسوق صيد فيكون شرس وحتى سعره اقل
الا اهو احسن من الكونغو

3-العادي Psittacus erithacus princeps :

هاذا النوع فيه نقاش كبير
اهو مايختلف عن النوع الاول الا بالحجم
يكون حجمه اصغر

هاذي خووووووش صوره عشان تعرفين الفرق بينهم

يتبع,,,

معلومات عامه:

اذا تبين تعرفين عمره >>عشان ماينقص عليج:
من لون العيون

1-اذا كانت اعيونه كلها سوداء هذا يتراوح عمره من التفقيص الى 4 او 5 شهور

2-واذا كانت عيونه رماديه غامجه يتراوح من 6 اشهر الى سنه او سنه وسنه وشهرين

3-واما اذا كانت اعيونه بيضاء الى الرمادي الفاتح يكون عمره من سنه ونص الى سنتين او اكثر بشوي

4-واذا كانت عينه صفراء من 4 سنوات وما فوق

وهاذي صوره توضيحيه:

اما اذا تبين تفرقين بين الذكر والنثيه:
1-الدي ان ايه احسن طريقه لان الباجي مو موثوق فيها بس بحطها لعيونكم

2-العين:
ذكر
في سواد بالطرف

نثيه

مدوره مافيها سواد

3-ريش الذيل:
ذكر

احمر كامل

نثيه
اطراف الريشه مرشوشه رمادي خفييييف مو مبين

4-الجناح:ذكر
اللون مو متدرج
رمادي بعدين اسود

نثيه
اللون متدرج
رمادي- ابيض- اسود

5-الراس:
(الذكر) راسه مستطيل تقريبا ومنقاره اكبر واعلى.
(الانثى) راسها مدور تقريبا ومنقارها اصغر وارق.

بالكويت اذا سالتي عن كاسكو اي نوع؟؟وقالج عادي افهمي انه مو كونغو ولا تيمنه <<لووووووووول
لان هاذا اللي بيفهونج اياه

واذا انتي حبيتي تشترين هالنوع بيصادف معاج الاسماء هاذي:
كوري-كاميروني-غيني-عادي-هولندي كونغو-جامبو-غاني-نيجيري-زانيري…الخ
انتي لاتضيعين … كل هاذا تسميات
انتي الحين تعرفين الفرق (واحد كبير واحد منقاره فاتح واحد صغير)

هاذا موضوع كامل لشكل النوع هاذا
والتفرقه بينهم

ان شاء الله في تابع لباجي انواع الببغاوات
اشهر ببغاوات متكلمه بالكويت *2*

الموضوع هذا من عرق جبيني
مووو منقول
واللي بينقل يكتب المصدر بليييييييييييز

واستاهل تصفيق على الاقل:P

يعطيج العافيه

نسيتي المينا واهي احسنهم بتقليد الاصوات

الله يعافيج
في انواع وايد وهذول اشهرهم بالكويت واضمنهم كلام

بس المينا طير مو كاسكو
انا دخلت بالكاسكو اذا دخلت بالطيور ماراح اخلص لووووووووول

وااااااااو يعطيج العافية ..
عاد خالي عنده واحد بس والله ما عرفت اثبت اهو من اي نووع .. كلهم يتشاابهوون

مشكــــــــــووورة حيـــــــــاتي عالمـــــــوضوع الحلــــــــو مثلــــــج ….
تقبـــــــــلي مــــــروووووووووووري يــــــــا عسل …

العفو
ومنو مايحبهم يهبلون

المينا تقدر تتكلم مو بس تقلد اصوات
بس كلامها خفيف وثقيل

لووووووووووووول
روحي اثبتي له
بس مو يقص عليج يعطيج اسم غريب
عطيه الاسم الاجنبي وماراح يقدر يرد عليج
لووووووووول

العفو
ومنوره الموضوع بطلتج ديووم

مشكوره حبوبه

العفو

خوش موضوع متعوب عليه
قتلج انا ودي اخذ بس مزعجين ههههههههه
اتوقع لو اخذ ما يطول بالكلام راح تعلمه امي بسرعه لانها تحبهم

لوووووووووووووول
حددددده دخلت يالله 30 الف موقع بس عشان اتاكد من المعلومات واجمع من مكان ومكان
ورفع الصور لوويه

حتى بكمل موضوع الامزون يقولي موقع رفع الصور رفعتي صور وايد

توني مسويه سيرج كامل

الافريقي مو ذاك مزعج

الكوكاتو اللي يبط الراس

اصحابه ينغثون منه يقولون نضطر نغطي القفص عشان يسكت

حتى التلفزيون مايقدرون يطالعون والسبه ازعاجه

ولما يتكلم يتكلم بطريقه غريبه مايثبت بمكانه يلف راسه يدنق ويرقص ويرفع راسه شكله يخرع جنه مختنق لوووول

نطري تكمله المووضوع وتشوفين لووول