|
|
السلام عليكم
اشلونكم
شخباركم
عساكم بخير بس
هذي اول مشاركه لي في هل منتدى اللي سمعت عنه كلام وايد يسر
بدش بالموضوع على طول
بنات انا طالبه وصارلي متزوجه تقريبا 6 اشهر
يعني ماعندي لا معاش وولا شي .. ماعندي غير الاعانه مالت الكليه اللي كل شهر 100
يعني اول ماتزوجت جم شهر مايصرف علي كلشش مايعطيني مصروفي اللي اهوا معاش حقي وولا شي
بعد فتره صارت مشكله ورحت بيتنا ويات خالتي وكلمتي وقتلها كلش شي وقتلها انه مايصرف علي وقالت ملزوم يصرف عليج وكل شهر يعطيج بيدج وراحت وشكلها كلمته لانه من بعدها قام كل شهر يحط باحسابي اميه صار هل حجي من قبل شهرين يعني بس عطاني شهرين
يمكن تقولون ليش قلتي لخالتج مو لانج لانه امي الله يرحمها توفت من فتره وابوي هم متوفي فماعندي غير خالتي اخت امي اهيا بحسبت امي
والحين انا حامل لمن راجع عند الطبيب يكون معاي اهوا لمن بروح احاسب يوقف يمي وولا يقول انا اللي ادفع لا طاف انا اللي ادفع والحمدلله انه انا عندي جم بيزه من ورث ابوي خاشتهم
بس هم مايصير انا العب بفلوسي واهوا قاعد حاط ريل على ريل مايصرف علي وانا ملزومه منه
وقبل فتره سافرنا يوم وردينا تخيلو قبل السفره بجم ساعه دق وقالي ترا انا ماعندي افلوس كل اللي برصيدي جم فلس يعني جنه نقزه لاتصرفين اهناك واهوا يدري اني مسافره عشان بتسوق وارد وسافرنا وشريت كل شي بفلوسي
فانا حدي تعبت من هل سالفه مايصير لين مته انا بظل جذي انا اللي اصرف واهوا مو مهتم
فيريت بنات تعطوني حل شسوييييي ؟؟؟؟؟
وفي احد صار معاه جذي مثلي ؟؟ وشنو سوا عشان يتغير الوضع ؟
وسوري على الاطالع بس لاني محتاجه احد يعطيني حل بهل مشكله
بس حبوبه انا مشكلتي استحي اتكلم بسالفت لفلوس وبعدين انا لو شنو ما احب اطلب من احد يعطيني حتى لو كان ريلي معنه هذا حقي ولازم اخذه بس انا متعوده انه ما اطلب شي من احد كل شي ابيه يكون عندي
على فكرة هذي فرصتج دامج في بداية المشوار اهني يا انج تخربينها علبو طيبة وتخلين المصرف عليج او انج تحسمين موقفج من الحين وتكلمينه بكل حزم انه حقج لازم يلتزم فيه معاج ولايقصر عليج باي شي خصوصا انج مو طالبة شي عظييييم بس مصروفج وانج بتقديرين ظروفه اذا ما عنده والله يوفقج ويقومج بالسلامة 
وعقب الحوار والنقاش راح تعرفين بالضبط شنو ماهيته …يعني هل اهوا بخيل او راح الموضوع من باله
والا مايبي يصرف يعني لازم تعرفين
والنقاش لا يصير بهواش وخناق ..لا !!
بهدوء وتفاهم ..
والله يسخره لج
لاتعودينة على هالطبع لانة راح يتعود
قعدي معاه وتفاهمو بالهداوه ومافيها شي هذا ريلج وملزوم يصرف عليج خصوصا وانتي طالبة
مشكورين خواتي على الرد
مو هذا اللي انا خايفه منه انه يتعود وانا مابيه يتعود بس شسوي ماقدر اواجهه بهل شغله وانقاشه
مشكوره اختي على الرد
انشالله بحاول ادورلي طريقه حق المناقشه لانه حدي استحي
وااااااااااااااااااااااااااااااااااااااايد بنات تقريبا 90% من الي يتزوجون اول سنه هذي مشكلتهم
صدقيني لااااتحاتين ولاتخلين هالسالفه تأثر بعلاقتج بزوجج
انا من الناس كانت هذي مشكلتي بس انا مااااااااتكلمت كلش وكنت متضايقه وانا موظفه ينزلي راتب بعدين عرفت ان الريال اول سنه من الزواج يكون مو فاهم وضعه وكل واحد بيعود الطرف الثاني على مزاجه
وانتي قلتي عندج ورث واهو عارف بهالشي اكيد
فلااااااااااااااااااااااااتصرفيييييييييييييييييييي ين كللللللللللللللللش من الفلوس الي عندج عيشي على قد مصروفج الشهري
بتتمين تسحبين لين تشوفين رصيدج صفر وساعتها بتتندمين
وصدقيني بعد الطفل له دوووووووووووور كبيييييييييييييير في تنظيم الحياة الاسريه من كل النواحي
واهمها الناحيه الماديه
راح يحس انه مسؤول عن اسره وملزوم يصرف عليها
والحمدلله زوجج يعطيج 100 واغلب الحريم هذا مصروفهم اذا مو اقل بعد
وفي موظفات يكون رواتبهم مشتركه بينهم اهم وازواجهم يعني لااااااااااااازم تتوقعين هالشي
وفي النهايه انتي عارفه قدرة زوجج الماديه
اذا اهو ماعنده شي وراتبه عادي وعنده التزامات ماقصر عطاج مصروفج وسفره وسفرج مو مجبور يتشرالج وتتسوقين لان احنا ان تسوقنا ماااااخلصنا اعشره الاف ماتكفينا بالسفر اذا راد الامر علينا
فانا اختي من وجهت نظري الي اتمنى انج تحترمينها
وضعج جدا عادي كبداية حياة زوجيه
وبعدين اذا انا ماصرفت من عندي من وين بصرف من وين بشتريلي اغراض ؟؟؟ .. يعني اهوا كلش كلش ماله شغل فيني مايصرف علي
وعلى سالفت رصيدي بيصفر شكله هذا اللي بيصير وحتى خواتي معصبين علي وودهم يسحبون كروتي مني عشان ما اصرف من عندي شي
ماعطاني 100 الا شهرين ومايندرى على هل شهر يعطيني والا لا
والسفر اهوا ماسفرني على حسابه كلش انا طلبت منه بس اني اغير جو لاعت جبدي من الديره فرحت يوم واحد ورديت بنفس اليوم رحنا بسياره
واللي قاهرني مادري وين يودي معاشه معاشه الحمدلله وايد زين
بس ماقول غير الله كريم
نفس مشكلتي وماكو فايده عيزت وانا اتحجى اكثر المتزوجات جذي ؟؟ والله يهديهم هالرياييل وحده اعرفها دامجه معاشها مع ريلها ومن تزوجت من 7 سنين ماسفرها الا بالسياره الخبر .. ومرجعاتها كل بالمتوصف وولاداتها بالصباح .. كل سنه يقولها السنه اليايه اسفرج .. بس مرتاحه مع ريلها اهم شي ماعنده خرابيط ومشاكل ومستانسه معاه .. الفلوس تروح وترد
وترا مرات الريال يكون متعسر ماديا ونفسيته تتعب وما يحب يبين لزوجته بأول ايام زواجهم ..
والله يسخر زوجج لج ان شاءالله ويسهل عليج ولادتج
واذا سكتي راح ينهضم حقج ترا واتمين باجر تصرفين على روحج وعلى ولدج وعليه اهو وعلى الشقه
ترا وايد حريم جذي متلعوزين من هالسالفه
واذا ما تقدرين خلي احد من اهلج يكلمه مع اني ما احب هالفكره الاحسن انج انتي تحسمينها وتواجهينه وتطلبين منه كل شي وهذا وشرع الله وملزوم ينفذه ومو من حقه يقول لج صرفي على نفسج من فلوسج وعلميه انه وين ما تروحون انه اهو اللي يدفع مو انتي فهميه انه مو حلوه جدام الناس انتي تدفعين ومعاج ريال