اشلون دوامنا بالرمضان؟؟

السلام مدرسات

اشلون دوامنا بالرمضان

يعني جم الساعة انروح ومتى الهده

وكل عام وانتوا ابخير

هلا حياتي
كل عام وانتي بخير ..

دوامنـا نفس المعتاد على ما اعتقد ..
من الساعه 8 ونص لي الساعه 1 ونص

جان زين ياخذوون فينا أجـر ..
ويخلونه نداوم مثل الوزارات الثانيه في رمضـان ..

من تسع أو تسع ونص لي 12 ونص ..

بعد لا طلبه ولا حصص ..

الحمدلله على كل حال

اتوقع نفس العام ،،، الا اذا صار دوامنا نفس باجي الوزارات بس الا الاآن ما سمعنا اي تصريح رسمي ،،،

جني قريت ان دوامنا بالصيف والشتا وغيره نفس الدوام من 7 ونص الى 1

كلامج صح بس رمضان غير من ثمان ونص الى وحدة ونص

اتزين بالامانه اذا داومنا شنو راح نسوي … اوكي نرتب اغراضنا و نزهب الوسائل ماياخذ الا يومين … شنسوي بعدين ؟؟ والقهر على العشر الاواخر -_____________-

يحليلج نسيتي اهم شيئ والخاص بالحوامل بالذات ( عشان يسقطون قبل ما يداومون التلاميذ )،،،، توزيع الكتب لخمس مراحل والزحف على الغبار عشان نحطهم لـــ 700 تلميذ هههه

والله مليقين و مجابل الناظرة المليقة املقوو الله يعين ..

خخخخخخخخخخخخ
حسيتها فضفضه

نعدل ادراجنا ونظف الغبره ونخم المدرسه بالعبي الجديده بسبب الغبار المكود
وننطر مكان التوقييع متى يطلع الكتب المنتظر ونوقع وعلى السياره ونرد البيت ونصلي ونزهب الفطور
وكان الله غفور رحيم
والله يقدرنا على الطاعات والعبادات يارب

ياااااااااويلنااا الله يعيينااا

والله ناخذ اجر على هالشغله ان شاء الله

اللهم بلغنا رمضان واجعلنا من صوامه وقوامه ..

والتعب موجود بكل وظيفه ..الله المستعان

ان شاء الله على اجر

بنات ماتعرفون مدرسات الاوقاف يداومون برمضان والا اوف؟

،

يالله نرفع الاكف بالدعاء ان ياتينا امر من الله ثم من الوزارة ان يؤجل دوامنا الي بعد رمضان بسبب قيام العشر الاواخر و الله ولي ذلك و القادر عليه يا الله ادعوا لعل الله يستجيب دعاؤنا و نستمتع بالقيام و تحري ليلة القدر جعلنا الله من قوامها و لنا نصيب من قبول دعاؤها اللهم امين و صلى الله على نبينا و حبيبنا محمد و على اله و صحبه اجمعين ومن تبعهم بأحسان الي يوم الدين

الأوقاف أكو دوام مع دوامات التربية..

يعني 6/9

والله يعينا على التعب..

إحتسبوا الأجر خواتي وعسى الله يعينا على صيامه وقيامه..

أمييييييييييييييييييييين..