اشلون انظف ويه القطاوه الصغار؟

قوه بنات
عندي قطاوه صغار توهم مكملين شهر ويهم متوصخ صوب العين و الخشم وصوب الحلج <<< ما بقى شي

ابي شي ينظه ويهم و اهما توهم صغار بالغصب يخلوني انظفهم جربت امسح ماي دافي مع قطن بس ما ينظف عدل و هم يحتاج وقت طويل

اذا تعرفون شي ممكن اشتريه او اي طريقه ثانيه علموني

مشكورين مقدما

جربي مناديل ديتول

او بعود الاذون

او كلنكس مبللته شووووويه ماي

انا قاعد افكر بمناديل بيبي جونسون اما الديتون اخاف قوي عليهم

مشكوره

عادي نشوف صور قطاوتج ؟
و Up Up Up
وان شاءالله احد يفيدج

قطن اذون مبلل حق صوب العيون

شوفي قطن وماي وفركي عيونهم
ومعا الوقت بيروحون
انا قبل قطوي جي قمت انظف يوميا لما خفوا واييييد عن اول
و في بعد مناديل يبيعونهم على 750 فلس
انا شريتهم من البيطري الدولي الي بالوفره
وايد حلوين ومريحين
بس طبعا حبيبتي اذا بتنظفينهم كل عين ولها قطن بروح مو تنظفين كل العيون بقطنه وحده لان هالشي يضرهم

جربي المويه الدافيه و الشاش بدل القطن لفي على اصابعك ( السبابه و الابهام ) بعدين اضغطي من زاوية العينن ( الي من عند الخشم ) بحركه دائرية وبعدين امسحي العين عادي من عند الخشم لبرا

وفي قطره ممكن تاخذيها من البيطري

.. و لا تنسي اذا اكلهم ريحته سيئه امسحي حولين الفم بعد ماياكلوا بموية و شوية صابون <<< عشان البوسات

يتربوا فعزك ان شاء الله

مشكورين بنات ما قصرتو

بس اصعب شي مسكتهم حق النتظيف ما يخلوني احسهم حيل صغار و بس يبون يتمشون و يستكشفون المكان

شكلي راح استخدم الشاش مثل ما قلتي مس دودي

وفوط البيبي جونسون شرايكم بالفكره؟ ما ادري اخاف اتأذيهم

لول اي والله امهم مو سنعه هاذي ثاني مره تحمل اول مره يابت 2 اللحين ثاني مره مشالله يابت 5 و شكلها مو ملحقه

احسن شي بيبي جونسن

حبيبتي
فوطة وماي دافي ومسحي فيه ويهم
وعندج بعد مناديل تنباع ببيطري الري وبيت زون حق تنظيف القطاوه