|
|
هاي بنات ………….
انا عندي مشكله ويا ولدي مو راضي يقط الحفاظه عمره سنتين وشهرين ومو راضي يتعلم حاولت معاه كل الطرق والحين بخلص الصيف واهوا مو راضي ، وانا ما دخلته الحضانه بسبت الحفاظه مادري شسوي؟؟؟؟؟؟؟؟؟؟؟ .gif "Eh S(22)")
ولدج من اللي يلبسه الحفاضه شى اكيد انتي صح؟ لاتلبسينه خليه وتحمليه مره وثنتين وثلاث ادري بتتضايقين شوي وتتعبين بس بالنهايه ترتاحين صدقيني انا عانيت ومريت بنفس معاناتج بس وسعت صدري وتحملت والحين اظن الموضوع اسهل من قبل يعني الأرضيات كلها سيراميك وسهل تنظيفها ههههههههههه الجنه تحت اقدام الامهات …تحملي ياقلبي والله يعينج
للحين ما يتكلم ولا يقول حمام ولا شي بس ماما وبابا 
و اعرف وحده بعد بنتها سجلتها بالروضة يعني 3,5 و هي للحين تلبس حفاظه.
المسألة يبيلها وسعة صدر.
ومثل ما قالت الغالية نونو الحين الله يعافي السيراميك سهل المهمة حيل.
طبعا لاتزفينه اذا سواها على هدومه لانه نفسيته مهمه
وجربي اشتريله القيصريه شكلها حلو وخل يقعد وقعدي يمه على طرف البانيو وسولفي معاه وانت يتسولفين شرحيله على قصه مثلا وفجي الحنفيه قوليله جذيه وطلعي صوت مثل صوت الماي
اشتريله بامبرز جمب ان اللي تنلبس مثل الصروال ولمن تشترينه سوي لووويه يعين قولي الله صار ولدي او بنتي كبيييييره خلاص تلبس مثل الكبار ومن هالحجي وكل ماتشوفين احد اهو يحبه مثل خاله او يده مدحيه قولي ولدي صار كبير مايلبس بامبرز الياهال يلبس جمب ان اللي على صروال
وو اشتريله هدايا انشالله اللي على ربع او 100 فلس اذا صوى على طول عطيه عشان تكافئينه
انا سويت جذيه مع بنتي وانشالله تستفيدون من موضوعي
انا بصراحه ولدي احس انه للحين يبيله وقت عشان يفهم ، بس اسمله عليه يقولي غيريلي الحفاظه اذا توصخت يعزكم الله عشان جذيه ودي اعلمه يروح الحمام
مع تحياااااااااااتي………
فخليته ولما صار سنتين و9 اشهر بروحه يقولى بروح الحمام والحمدلله ما تعبت بعدين لانه اهوة قام يفهم ويتحجى
بس مايقدر يتحكم بالبول عموما خليه لغاية سنتين ونص او 3 سنوات بيتعلم
انا بنتي خليتها ليما بدت اهيا ترفظ الحفاظه
نصيحة وتعب
انا ام لولدين واحد عمره 3 سنوات وشهرين والثاني سنتين
العود تعبني بالبامبرز ما قطعها الا متاخر بس تدرين شنو قلت له ترى اسوي لك حفله اذا صرت ريال تسمع الكلام وتروح الحمام وماتلبس بامبرز وماتنسى وانت تشوف بباي ولا وانت تلعب اكو حمام
ينني تلف البيت تلاف
المهم في يمعتنا شريت كيكه وتفافيخ وزينه وطرشت مسج ان عيد ميلاده واهوه مو عيد ميلاد الهدف ان اييبون له هدايا
طبعا اهوه فضح عمره انا اروح حمام وما ما تسويلي حفله
كنت البسه بس باليل بس قام يقعد باليل ويفصخ البامبرز يروح الحمام ويرد ينام
نظام المكافئه زين معاه
الحين الصغير بس بالبيت بدون بامبرز صج يسرب وينسى عمره
الحين بسوي حفله ثانيه حق اللي يشرب حليب بقلاص
جربي نظام المكافاه
شوفوا خواتي في طريقه اتبعوها وايد وحتى اختي اتبعتها مع ولدها …وانفعت معاها
والطريقه كانوا حاطينها بسايت وايد حلو اذا حطيتي تاريخ ولادة ولدج ويقولج كل مره
جم عمره وشنو تصرفاته وشنو تسوين معاه والموقع اهوه :www.babycenter.com
المهم جني طولت عليكم … 
المهم تعودين ولدج انج تودينه الحمام كل 10 دقايق وخليه يقعد بالحمام تكرمون حتى لو ماكو شي …واذا مالج خلق خل الخدامه توديه …وراح تعجبكم النتيجه صدقوني
لاتقولون مالنا خلق …هذي الطريقه اللى بتفيدكم …وتسوينها معاه يوم اذا صار عمره
سنتين ونص واكثر لانه بالعمر هذا يقدر يتحكم بنفسه( للذكور) …
وسلامتكم.