اشرايكم ب د سعود العصفور

السلام عليكم

شلونكم بنات شخباركم

تعرفون قرب التسجيل

حبيت اسالكم عن الدكتور سعود العصفور

تاريخ حضاره

ابي شرح مفصل عنه بليز

واشرايكم اخذها عنده او في احسن منه

لانه منزل الماده بشويخ وانا مالي خلق اروح لكيفان لغيره

لاني طالبه علوم اجتماعيه بس اذا اضطريت اروح شسوي بعد

اما د.العصفور اعرف بنات عنده يحب المشاركه وكميته وايد ..

وموفقه يارب..

بس مافي احد ماخذ عنده

بس وايد يمدحون فيه 🙂

ومازال البحث جاري عند وحده تعرفه

التقييم ملاحظات الطلبة
– النجوم:
– المستوى: متوسط الصعوبة
– الشرح: شرح متوسط
– حصلت على: C
لا ننصح به
المـادة: تاريخ حضاره التاريخ: 2024-08-01
الطالب: eng.maryam رقم التقييم: 14808

اول شي الماده كلها حفظ والدكتور يعني ماسهل علينا
كان كتابين ونحفظ كل شي حتى من بين السطور لكن
الامتحان موضوعي كله مافي مقالي ماعدا تكتب اسامي
الكتب والمؤلفين, بالنسبه للتعامل يحب يضحك ويسولف
وياخذ المحاضره غشمره ووناسه,

بالنسبه للتصليح كان يراعي اذا ناقشتوه مع ان الامتحان
موضوعي لكن يزيد اذا ساحلتوه, بس نصيحه لا تغيبون يوم
الامتحان.

واخر شي انصدمت ان الافرج سي بي قليل الـ أ بالشعبه
الله يسامحه كان يقول لا تحاتون وانصدمت بالقريد

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ و حضارة التاريخ: 2024-07-03
الطالب: pretty lady رقم التقييم: 14457

محاضرتة وايد حلوة و شرحة وايد واضح و سهل … المادة حيل قثيثة و ما حبيتها بس الدكتور حببني فيها لان امتحاناتة كانت كلها من النوت … اهم شي تسونا عند الدكتور:1. لاتغيبون و لا نص يوم. 2. اكتبي كل حرف يقوله. 3.تفلسفي علي بالمحاضرة و قطي جم كلمة(مو ضروري).
و الدكتور مايهمة اي حزة تدخلين المحاضرة بس عاد مو كل مرة تأخرين…. و ترا الدكتور يجكج و يفشلج اذا حضرتي رفيجتج و اهيا غايبة …. و بس

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ حضاره التاريخ: 2024-06-07
الطالب: agr3 رقم التقييم: 13910

ياجماعه انا ماخذ عنده a وعلى الراحه بس اهم شي لاتغيب ولا غياب ويرفعك 3 قريدات على الراحه وشارك ولو من الكتاب واكتب معاه والله اني اكتب معاه طول الكورس ما اطوف شي كل شي اكتبه وبسرعه بسرعه والامتحان ما طلع من النوت والحمدالله بدون البونص ماله يبت a لني انوت معاه نصيحتي حق الي يبي a
1 داوم ولاتغيب ولا غياب
2 اكتب معاه ومو الا تشارك يعني على الخفيف بس اهم شي اكتب لنه الكتب وايد ومعلومات كثيره اكتب معاه كل شي وما يطلع الامتحان من كلامه
الامتحان الاول 20 درجه 10 اكمل الفراغ و10 اختر الاجابه وسهلين
الامتحان الثاني نفس الطريقه لكن اسماء علماء ورقتين سهلين وعليهم 5 درجات بالاخر اكتب معاه وركز على كلمه يقولها مو الا تفهم اكتب وبعدين روح اساله ما فهمت هذي ماده حفظ مو فهم فيها بعض الشغلات بسيطه انا كنت ما اشارك بس كله اكتب معاه اول باول والحمدالله درجاتي زينه ونصيحه من اخوكم اقعد اول واحد وانت اخذ الورقه الي يوزعها مالت الغياب عشان يعرفك خلك كله الاول واخذ ورقه الغياب منه راح يعرفك بدون شي ودكتور محترم بشكل مو طبيعي ويقدر الطالب المتاخر ويقدر كل شي يعني صج رجل يستحق اكثر من الدكتوراه

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: تاريخ حضارة التاريخ: 2024-01-25
الطالب: علياء رقم التقييم: 12838

الدكتور سعود وايد محترم و محاضرته حلوة يعني صج تاريخ و قرقة بس معاه خفيفة ما تحس بالوقت
امتحاناته يعني حق الداري عدل سهله و كلا موضوعي
يحب المشاركة وايد و حتى الحضور
يعني يعطيك 3 فرص حق الغياب اذا تجاوزتها راح ينقصك درجات
بس امتحان الفاينل و الله كان دقيق ة خبصت فيه بس الحمدالله اهو يرفع و يسوي كيرف

– النجوم:
– المستوى: سهل جدا
– الشرح: شرح ممتاز
– حصلت على: D
ننصح به
المـادة: تاريخ الحضارة العربية الاسلامية التاريخ: 2024-01-07
الطالب: سبحان الله رقم التقييم: 12495

الدكتور وايد محترم
المشاركة : وايد يبي مشاركة و يساعد الطلبة اللي يشاركون واااايد يعني ممكن يرفع جريد كامل للطالب اللي يشارك معاه
الامتحانات : سهل ممتنع و مايطلع من المقرر
البحث :بحث بسيط عليه درجتين بس (( ترا يفيدون ))
صحيح إني مايبت عنده ولكن من منهه مني آنا لأني ما أحب أشارك مع أن امتحاناتي قدمت عدل
بس بصراحة خووووش دكور و حببني بالتاريخ

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: دراسات عليا منهج بحث التاريخ: 2024-12-21
الطالب: bint-el-badw رقم التقييم: 12359

ممتاززززززززززززززز
يأهلك للماستر بسرعة
منهجية علمية رصينة

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: قراءات تاريخ سلجوقي التاريخ: 2024-10-12
الطالب: bint-el-badw رقم التقييم: 11979

مو طبيعي واايد الشرح ممتاز
يعودك على البحث العلمي الرصين
يتعب وايد بكثرة المصادر لكن في نهاية الأمر تتعلم الوحدة شلون تكتب بحث .

النجوم:
– المستوى: متوسط الصعوبة
– الشرح: شرح جيد جدا
– حصلت على: B
ننصح به
المـادة: تاريخ وحضارة التاريخ: 2024-09-09
الطالب: Daffodil رقم التقييم: 11645

أول مادة خذتها بالجامعة .. وطلعت فيها B

الدكتور لا باس فيه محترم اوكي ومتمكن من مادته بس مو وااااو

شكرا

– النجوم:
– المستوى: صعب جدا
– الشرح: شرح متوسط
– حصلت على: B
لا ننصح به
المـادة: تاريخ حضارة التاريخ: 2024-09-08
الطالب: CEO رقم التقييم: 11617

الدكتور لاباس به

بس المادة ثقيلة بالمعلومات

والاسماء كثر شعر راسك ..

والدكتور رح يزيد على وجعك بامتحاناته الصعبة

اغلب الاسئلة من بين السطور

يعني لازم تقرا الكتاب سطر سطر .. وألزمنا انه نشتري كتابين

ومين فاضي للمادة اصلا .. بس الحمدلله على كل حال

موفقين جميعا

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ الأيوبيين والمماليك التاريخ: 2024-09-06
الطالب: bint-el-badw رقم التقييم: 11580

شرح يهبل
ومناقشة للجميع تخلي الوحدة تشارك بثقة
يعزز الجانب الإيجابي في الطالبات
الإمنحانات لا تخرج عن النقاش لذا الحضور عنده مهم جداً
توزيع الدرجات مريح جدا لاسيما درجات المشاركة والحضور
الإستفادة من المادة علمياً تماماً .

– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: تاريخ حضارة التاريخ: 2024-08-10
الطالب: riyath رقم التقييم: 11194

المادة عنده تصير حيل حيل سهله
يقدر الطالب ويرفع الطلبة اذا كانو يحضرون ويشاركوون لانه الحضور عنده مهم

ما يقصر بالبونس يعطيك بونس بأي طريقة ومسهل المادة لأقصى حد

يعني اللي يبي A بالتاريخ لا يفكر غير عنده

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ المغول التاريخ: 2024-08-08
الطالب: شيووم الظفيري رقم التقييم: 11146

ابصراحة هالدكتور شي عجيب
ماشالله عليه حده كيوت وطيب
ويقدر

وشرحه اكثر من رائع يحببك بشي اسمه تاريخ عيني عليه باردةمتمكن من مادته العلمية واختباراته ماتطلع من الماحاضرات يعني بالمختصر اللي يلتزم بالحضور ويركز وياه اشوي (والصراحة مومحتاج اتركز لان اسلوبه في الشرح يشدك غصب ) ,, يعني اللي يحضر يقدر يمتحن بثقة وامتحاناته سهله .
اهو الوحيد اللي كل ماذكروه جدامي دعيت له بالخير يارب يديم عليه الصحة والعافيه ويوفقه ونعم فيه والله .

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ حضارة التاريخ: 2024-08-02
الطالب: bint-el-badw رقم التقييم: 11045

ماشالله عليه
يعطيه العافيه وايد طيب وحبوب
والشرح ممتاز والمحاضرة ممتعه لابعد مدى ايشوقك لمادة التاريخ رغم اني ماكنت احب هالمادة

حده عسل
يعطيه الف عافيه

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: حضارة التاريخ: 2024-07-30
الطالب: Newcastle Lover رقم التقييم: 11009

عين الحسود فيها عود ياحلاوووووووووة
دائما عالي يابن عصفوووووووووووور
مجمع عليك من كل الطلاب وبدون غرورررررر
جان زين كل دكاترة الجامعة مثلك علم وأخلاق وعدم التفرقة بين الطلاب .
للأمانة شوووووووفوا سكاشنه من كل المشارب جايين ياخذون عنده . مو لأنه درجاته عاليه لأ والله لأن أسلوبه واايد حضاري .. دشوا وشوفوا أبد ما يفرق .
الحضور والمشاركة والفهم ركائز وبعدين الأسئلة ما تخرج أبد عن الشرح .
الإمتحان سهل لأنكم راح تفهموووون لكثرة الأمثلة اللي توضح لكم المعلومة .. والله راح تشاركون مهما كنتم مو متعودين على هذا لأنه ما راح يدقركم أبد ويقول دايما شاركي وانتبهي وإذا كانت أجابتك غلط سمعي إجابة زميلتك الصحيحة ، المهم تشاركين حتى لو فتحتي الكتاب يقول المهم تكونين عارفة وين الإجابة الصحيحة . صج أسلوب راقي في التعامل ما راح تلقون مثله .

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ حضارة التاريخ: 2024-07-03
الطالب: عاشقة زيدان رقم التقييم: 10681

كثر ما امدح هالدكتور ما راح اوفيي حقه …
دكتور روعه و عجييييييب و متفهم و الA تاخذونها عنده بالساهل اذا درستوا اشوي حق الفاينل
انا طلعت من هالماده بي بلس بدون ما افتح الكتاب ,,, معتمدة على الفهم و ورقة العلماء اللي وزعها علينا
الحضور و المشاركه اهم شي عنده ,,, و ما يحب الغش كلش يعني اذا طاح عليكم رحتوا فيهاو ال fa راح يحطلكم ياها وهو يضحك
اهم شي الحظوووووووووووووووووووووووووووووووور : )

– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: تاريخ حضارة التاريخ: 2024-06-22
الطالب: ZooZoo رقم التقييم: 10516

د.سعود وااااايد محترم وخوش دكتور , وعشان تضمن القريد الزين ركز معاه بالمحاضرات لانه كله داش بالامتحان, داوم ولا تكثر غيابات, شارك معاه حتى لو تبطل الكتاب وتقرا منه ممتاز

ال A- الي خذيتها وايد كانت سهلة و بجهدي د.سعود مارفعني

الله يوفقه ويكثر من امثاله

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ حضاره التاريخ: 2024-06-08
الطالب: abood رقم التقييم: 10070

الدكتور موطبيعي انا صراحه احب اسميه الدكتور الانسان وانا صراحه اقول ان اهو من الدكاتره النادرين بالتعامل وبالتدريس وبالاخلاق العاليه ….؟

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: تاريخ حضارة التاريخ: 2024-06-06
الطالب: i.eng رقم التقييم: 10014

اذا ما تحب التاريخ اخذ تاريخ حضارة عند دكتور سعود العصفور
يبسط المادة و امتحاناته سهلة و اهم شي عنده المشاركة و الحضور

– النجوم:
– المستوى: متوسط الصعوبة
– الشرح: شرح ممتاز
– حصلت على: D
ننصح به
المـادة: تارريخ حضاره التاريخ: 2024-06-02
الطالب: floridy رقم التقييم: 9929

دكتور طيب وخلوق وشرحه حلو
بصراحه انا توقعت اسقط بالماده وكنت خلاص غاسل ايدي اني اطوفها ماخذ بلامتحان الاول 11 من 20 والثاني 4 من 20 والفاينل خرته ورحت اشوف درجتي وكنت واثق اني ساقط مع مرتبة الشرف بس بصراحه افحمني وحطالي D الله يوفقه بالدنيا وبلاخره بصراحه فرحني ورفع من معنوياتي
انصحكم فيه بس ركزوا بلامحاضرات

– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: تاريخ الحضارة العربية الإسلامية التاريخ: 2024-05-05
الطالب: abo_isa رقم التقييم: 9629

دكتور تستفيد منه….إلا أنه جعل المادة حفظ في حفظ
و الله يوفقه

– النجوم:
– المستوى: صعب
– الشرح: شرح ممتاز
– حصلت على: A
ننصح به
المـادة: تاريخ المغول التاريخ: 2024-02-05
الطالب: momo رقم التقييم: 8776

الدكتور محترم و حبوب حيل و المحاضرات روعة و المادة اسمها يخرع بس دراستها ممتعة الدكتور امتحاناته صعبة شوي و دقيقة و الدكتور ما راح يتردد في ان يساعدك و هو يشوف ان الامتحانات موهي اللي تحدد مستوى الطالب المشاركة هي التي تحدد .

– النجوم: لا يستحق نجوم
– المستوى: صعب جدا
– الشرح: شرح متوسط
– حصلت على: B
لا ننصح به
المـادة: تاريخ الحضارة العربية الاسلامية 0330102 التاريخ: 2024-01-24
الطالب: عزوز يوز رقم التقييم: 8603

والله الصراحه الدكتور هذا زين و مو زين
زين بالشرح بالدرجات
و مو زين انه ما يرفعك لو تمووووت وو امتحاناته صعبه و دقيق وااايد و الاسئلة الي يحطها في امتحاناته اذا تبي تجاوب عليها لازم تاكل الكتاب عشان تعرف الجواب من كثر ما اهو دقيييييق جدا جدا

و انا ما انصح في

************
ادري انكم ما راح تصدقون بس هذا الصج لاني قبل لا آخذ عنده قريت التقييمات الموجودة اهني و لما خذيت عنده تفاجات فيه

******************

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ حضاره التاريخ: 2024-08-02
الطالب: رقم التقييم: 6287

حده يهبل وطيب وحبوب حبيت التاريخ منه من كثر ما اهوه حليو…
واتحاناته حدها سهله واهم شي عنده ان الطالب يحظر ويحب اللي يشارك وايد وما عنده برزنتيشن نفس الدكاتره الباجي

ويرفعك قريد كامل وحده يريح الواحد …
وعادي تغشون عنده بس اذا جكك مايسوي شي بس يقعدك يدام يعني يخرعك

– النجوم:
– المستوى: صعب
– الشرح: شرح متوسط
– حصلت على: B
لا ننصح به
المـادة: تاريخ حضاره التاريخ: 2024-06-07
الطالب: س.ق رقم التقييم: 4925

بصراحه هذا الدكتور مزاجى قالنا اول الكورس انا برفعكم كلكم قال الى تحضر وماتغيب اعطيها تسعه من عشره حتى لو ما تشارك اول امتحان كان سهل وقالنا الامتحان الثانى اسهل منه لكن كان صعب وايد والفاينل اصعب واصعب ولا رفعنا ولا شى بس ما ابى اضلمه عطانى حقى بس الى قاهرنى انه رفع الى عاجبينه والباقى لا يعنى فى تفرقه ما انصحكم تاخذون عنده.

– النجوم:
– المستوى: متوسط الصعوبة
– الشرح: شرح ممتاز
– حصلت على: B
لا ننصح به
المـادة: تارخ حضاره التاريخ: 2024-06-04
الطالب: DoDo رقم التقييم: 4674

احسن دكتور خذيت عنده بالجامعه واتوقع انكم كفيتوا ووفيتوا بالحجي عنه انصحكم فيه انا كنت مو مقدمه بالفاينل زين المفروض -c بدون لا اقوله رفعني 5 قريدات وحطلي B ولما دشيت عليه رحب فيني ووراني درجاتي

– النجوم:
– المستوى: صعب
– الشرح: شرح ممتاز
– حصلت على: A
ننصح به
المـادة: تاريخ وحضاره التاريخ: 2024-05-21
الطالب: دم دم رقم التقييم: 4362

حده عجيييييييييييييييييييييييب
محترم يهتم بالحضور والمشاركه
دكتور بمعنى الكلمه باسلوبه وكلامه
صج دكتور متعلم باسلوبه الله يوفق بالحياته ان شالله
حددددددددددددددددده انصح فيه

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ الحضارة 0330102 التاريخ: 2024-04-24
الطالب: دلوعة ابوها رقم التقييم: 3795

دكتوررررر رائع رائع االلي بياخذ تاريخ حضاره لاياخذها الا عنده نصيحتي والله نصيحتي

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: حضارة التاريخ: 2024-04-22
الطالب: لولوه رقم التقييم: 3704

ماكو منه الله يعطيه العافية

– النجوم:
– المستوى: متوسط الصعوبة
– الشرح: شرح متوسط
– حصلت على: B
لا ننصح به
المـادة: تاريخ حضارة عربية إسلامية التاريخ: 2024-03-23
الطالب: asooma رقم التقييم: 2928

ابصم بالعشره انه كل الي كاتبينه مكلمينه ومعطيهم كيرف قوي
لوول مو لأنه كيرفاته حق ناس وناس
انا ما كنت أغيب الا ما ندر يمكن بالكورس كله مرتين وكنت اشارك وامتحاناتي كله اييب فيها زين
بالأخير حطالي b يعني بمجهودي ما عطاني ولا شي من عنده
ورحت له آخر الكورس دكتور انا عايدة المادة شدعوه ارفعني منت معطيني وايد بس ارفعني قالي آسف ماقدر
بعدين جداميييييييي والله حتى ما طلعت من الدار وحدة سي خلاها بي يعني حالي حالها !! وانا اللي ادرس واحضر الله يالدنيااااا
الظاهر كان يبيني اسويله دعاية شامبو

وموفقــه

يالله بسجلها واخليها على الله انا شاطره بالتاريخ واصلا مولاقيه مواد لاني سنه رابعه وموادي شويه

واغلبيتهم بنفس الوقت

الله كريم

من كثر الطلبة ما يثبت

بس بشكل عام الدكتور ممتاز و آخر الكورس يسوي كيرف للكلاس كله واذا رحتي له يرفعج

الناس واسطات عشان يسجلون عنده

توكلي على الله

والله يوفقج