|
|
الســــــــــــــــــــــــــــلام عليـــــــــــــــــــــــــــــــــــكم
بنات في موضوع مضايقني وودي اناقشكم وشوووف رايكم فيه…
مراجعات الحريم حق عيادات الدكاتره(عيادة نساء وحمل وولاده) سواء اللي تراجع عشان تحمل عسى الله يرزقها
او تراجع عشان اهي حامل او لأي سبب ثاني…
لاحظت ان وايد حررريم بكل مراجعه بكل موعد لازم قانصه زوجها وراها ..ويكون مالاداعي كلش الحين ماشالله
يعني لا اهي اللي تعبانه او اللي موصله وحدها ثقيله تكون الحمدلله بصحتها وعافيتها بس لازم هالريل يتنقع معاها 3_4
ساعات واغلب عيادات الدكاتره زحمه ونطره والمكان يالله يكفي الحريم واهي قاعده مع ريلها بينا
ترى لا تفهموني غلط الحمدلله كلنا متزوجين وشايفين خير ورياييلنا مومقصرين معانا ويخافون علينا ويودونا اي مكان
نبيه الحمدلله…
بس السالفه سالفة ذوق يعني العياده متروسه حريم وساعات والله استحي والسستر نفسها تستحي لما تبي تسألني
مدام انتي حامل او عليج الدوره؟؟واي يوم؟؟ولا لما يعطونج تحليل البووووول والعلبه بيدج والله فشله
وهالرياييل قاعدين لاحيا ولا مستحا بين هالحريم وساعات مرته ايي دورها او تروح تحلل والأخ قاعد وطاقها زقاره
ومساكين هالحمل اللي دار مداره واللي تتنسى شيسووووون بروحهم؟؟؟
يعني انه اشوووووف السالفه كلش مالها داعي اغلب الحريم يسوقووون وما شالله عليهم ما يخلون مكان مايروحله
ردت على العياده؟؟والا الحب ما يطلع الا بالعياده وجدام الحريم جنها مو مصدقه؟؟ مثل والله مره واحد وزوجته يمي
طولنا بالنطره وهم طول الوقت قاعدين اهو لاف ايده عليها من ورى واهي منزله راسها مو معبره من الحب صايرين كناري الحب
والله انحرجت حدي وماكو مكان ثاني عشان اقعد فيه؟؟
واذا كلش كلش الخوف مقطع بعضه يوصلها وينطرها تحت او يخلصله شغله ويرجع مثل ما يسوي ريلي معاي
لما اكون تعبانه او اخذ اي احد معاي امي اختي صديقتي بس انه احراج الوحده تييب زوجها واهو اذا عنده
احساس فعلا بينحرج لأن بيحس ان قاعد يضايق الحريم وعيب اصلا وجوده بينهم
واللي بتقولي عشان السونار والبيبي موشرط كل سونار لازم يكون موجود اشدعوه تقدرين تاخذين صورة السونار وتورينه او ينطرج ووقت السونار تدقين عليه ويدخل سيده غرفه السونار معاج
بناااااااااااات شرايكم بهالسالفه..؟؟؟
كل وحده تقول رايها والموضوووووع مفتوووووووح للنقااااااااااش
الحمدالله كل مستشفى فيها كوفي يقدر ينطر زوجته من حق الزوج يشوف سونار البيبي من حقة انتي ما تقدرين تمنعين الزوج يعني موضوع كل واحد وظروفة حتى لنفسية المرأة
وقت طووووووووويل
مشكووووووووره
يعني بصراحة لازم ريلي معاي 
وتقبلي مروروي
انا وحده ريلي يوديني ويقعد معاي ويدش معاي عند الدكتوره لان انا مااسوق ليلحين >> يوم حملت توني كنت مكمله 18 مامداني اطلع ليسن وجذي
وبعدين من حق الريال يكون مع مرته .. من حقه يدش مع مرته عند الدكتوره ويشوف السونار وكل شي مانقدر نمنعهم والله
وبعدين شكوو السستر تسال والله انتي حامل ولا عليج الدوره يعني شلون مافهمت قصدج ؟؟
اكيد كل وحده بتاخذ دور >> رقم وبتنطر لين السستر اتناديج عشان ادش على الدكتوره
انا اتوقع هذا شي عادي جدا مايحتاج الوحده تتضايق والله عشان الناس ريايلهم معاهم …
اذا انتي ريلج كان بيه معاج ماراح اتخلينه ؟؟ يمكن اهو يبي ايي ويدش معاج عند الدكتوره ؟؟
هذاا شي عادي انا شايفته … لان انا لمن اروح حق موعدي اشوف كل وحده معاها ريلها وناطرين موعدهم عادي
|
المشاركة الأصلية كتبت بواسطة ضي
 لا الصراحة انا اسوق واقدر اروح بروحي بس ابي ريلي معاي وصح ابيه عشان السونار ولازم كل سونار معاي لانه من شهر لي شهر يفرق والصووووووورة غير السونار.. الصراحة السوونار واااااايد اوضح
يعني بصراحة لازم ريلي معاي وتقبلي مروروي |
مشكوووره عالمرووووووور
بس البنات اللي مأيدين وجود الزوج ما قاعد يناقشوووووون الأسباب اللي تكلمت عنها وان اشلون وجود الريال يضايق الحريم..جنه كل وحده اهم ما عليها يكون ريلها موجود ومو مهم عندها اذا الحريم ماخين راحتهم او لأ؟؟
بس مره وحده لما يه دوري دقيت عليه و على طول دش علشان يشوف السونار و كانت المره الوحيده ….و بعدين كل مراجعه يقعد بالكافيه يشرب قهوه على راحته
اما في حريم يايين و صاطرين رياييلهم و ماكو كان نقعد … يشوفني بطني اشكبره قولي ان يقوم و يقولي تفضلي
و لا ولا يهتز كان تريله ماره جدامه مو وحده بطنها اشكبره جدامها
وحلو الريال يحس بمرته اذا تعبت احملت مو يقطها جنه ماكو احد اروح ادق على امي والا اختي والا رفيجتي ريلي اهو المسؤل يعني اذا ريلج الله لا يقوله وبعيد الشر تعب تخلينه ما تروحين معاه والا ليش سموه شريك حياه انا صراحه احترم الريال الي يهتم بمرته ويوديها حتى لو شمخ فيها ما فيها شي وعلى العيادات الشره عليهم مفروض قعده حق رياييل وقعده حق حريم وحزت الي ينادون المره يدش معاها لانه المكان ضيج بس بالمستشفيات عادي خل يقعد ويسولف مع مرته ما فيها شي عادي حبيبتي ما نقدر انحرم على الرياييل ما يروحون مع حريمهم علشان والله عياده حريم بدش مع مرته بيتطمن عليها الحين يدشون غرف الولاده يايه على المراجعه وعندي تعليق اذا الدكتور ريال عادي ما يتضايقون الحريم ما هذا ريال وهذا ريال واذا بنطالع شنو يضايق الناس نقعد بالبيت حتى ما انراجع الطبيب كل وحده بحالها الرياييل بكل مكان مو بس بالعيادات بالمستشفى عياده سوق جمعيه بنك كل مكان
|
المشاركة الأصلية كتبت بواسطة om_3azoz
حبيبتي كل واحد وظروفه مثل ماقالت ( ام تركي )
انا وحده ريلي يوديني ويقعد معاي ويدش معاي عند الدكتوره لان انا مااسوق ليلحين >> يوم حملت توني كنت مكمله 18 مامداني اطلع ليسن وجذي وبعدين من حق الريال يكون مع مرته .. من حقه يدش مع مرته عند الدكتوره ويشوف السونار وكل شي مانقدر نمنعهم والله وبعدين شكوو السستر تسال والله انتي حامل ولا عليج الدوره يعني شلون مافهمت قصدج ؟؟ اكيد كل وحده بتاخذ دور >> رقم وبتنطر لين السستر اتناديج عشان ادش على الدكتوره انا اتوقع هذا شي عادي جدا مايحتاج الوحده تتضايق والله عشان الناس ريايلهم معاهم … اذا انتي ريلج كان بيه معاج ماراح اتخلينه ؟؟ يمكن اهو يبي ايي ويدش معاج عند الدكتوره ؟؟ |
ام عزوز مشكوووووره على مشاركتج..حبيت اوضحلج ساعات السستر قبل لا تدخلين على الدكتوره تكتب بملفج اذا عليج الدوره واي يوووووم؟؟فتكون الدكتوره عارفه قبل لا تدخلين..
وانه ما قلت مو من حق الريال يشوف السونار يقدر ينطرج بره ووقت السونار تدقين عليه ويدخل سيده لي غرفه السونار
وفي طريقه ثانيه تورينه صووورة السوووووونار مافيها شي ترى الواحد مثل ما يبي راحته يدور راحة غيره
واللي ما تقدر تروح بروحها تقدر تروح مع امها اي احد من اهلها مثل ما قاعد تروح تجهز وتطلع معاهم ما وقفت على العياده
|
المشاركة الأصلية كتبت بواسطة miss_kw_81
والله عيادات ما اراجع والمستشفيات فيها كراسي وايد وفي رياييل وايد يحبون يطمينون على حريمهم عادي ما فيها شي احسن علشان يشيل المسؤوليه واذا تبي تسأل السستر عن الدوره والا هالسوالف عند الدكتوره ماله داعي جدام خلق الله حتى لو في بس حريم هذي خصوصيه وعلى تحليل البول عادي مو بس عيادات النساء اهم يحليلون يعني اذا اي عياده فيها تحليل بول واشيل القوطي بيدي محد يروح انروح مختبرات ونعطيهم جدام الناس عادي ما فيها شي لو تروحين حكومه المستوصف شنو تسوين تنزلين المختبر ألأف واحد قاعد
وحلو الريال يحس بمرته اذا تعبت احملت مو يقطها جنه ماكو احد اروح ادق على امي والا اختي والا رفيجتي ريلي اهو المسؤل يعني اذا ريلج الله لا يقوله وبعيد الشر تعب تخلينه ما تروحين معاه والا ليش سموه شريك حياه انا صراحه احترم الريال الي يهتم بمرته ويوديها حتى لو شمخ فيها ما فيها شي وعلى العيادات الشره عليهم مفروض قعده حق رياييل وقعده حق حريم وحزت الي ينادون المره يدش معاها لانه المكان ضيج بس بالمستشفيات عادي خل يقعد ويسولف مع مرته ما فيها شي عادي حبيبتي ما نقدر انحرم على الرياييل ما يروحون مع حريمهم علشان والله عياده حريم بدش مع مرته بيتطمن عليها الحين يدشون غرف الولاده يايه على المراجعه |
|
المشاركة الأصلية كتبت بواسطة تمر حنا
والله ياهيلو انج صاجه بكل كلمه قلتيهاا واصلن انا زوجي بنفسه ينحرج من النطره بين الحريم بس اذا تعبانه حيل او مضطره شيسوي لازم يقعد معاي… وموضوع السونار اذا حيل متشوق يشوفه ادق اذا صار دوري او يشوف الصوره بعدين
|
هلا وغلا تمر وحنا شخباااااااارج حبيبتي؟؟بالضبط هذا اللي قصدي اوصله بموضوع السونار ان لا يصير شماعه
ونقعد نتعلق فيها عشان الرياييل يرتزون يعيادات الحريم في كذا طريقه مثل اللي قلتي عنهم
الله يهون عليج وتولدين بالسلامه