اشرايكم بعملية التضييق للمرأة الوالدة؟؟؟

السلام عليكم بنات…
حبيت اخذ رايكم ( وانشاء الله ما راح تطنشونى ) في موضوع العملية التجميلية ….

مادري احس انه شي مو طبيعي لانها على حد علمى انها تخيط لحم جدار المهبل

ويعور على كلام وحدة مجربته..

ودى اسمع اراء البنات اللى سووها لانى مرات اتردد فيها بالحملة الثالثة انشاء الله

ممكن تفيدونى خواتى ؟

للرفع ..

الدكاترة يقولون انها تصعب الولادة اللي بعدها

انا ماعندي عيال
بس ليييييييييييه هي ضروريه والا بس تجميل

شوفي الخياط اهوه اصلا يعور
ولازم تستحملين وانتي قاطة فلوس قاطة للدكتوره فخليها تسويلج عشان ما تتحسفين
انا مو قصدي التجميلي اقصد التضييق العادي اللي بالولادة و مافيه زيادة فلوس
انا بولادتي قالولي بجر ما يحتاج بس والله حمواتي يسونها ويقولون ترجعين احسن من اول
وانا تحسفت اني ما سويتها بس هالمره اذا الله يسر بسويها

انا انصح انج تسوينها

ان شاء الله بسويها عقب ماولد دام الوجع موجود خلاص خله على شي يفيد

الله يوفقنا ويتمم لنا على خير

لا مو ضرورية .. تجميلية علشان عقب الولادة الوحدة اشوي تتوسع عن قبل فهالعملية تقدرين تقولين انها تضيجها

انا الولادة الاولى خيطونى عادى مو تجميلي لانه على قولتج كنت بجر فمايحتاج تجميلي,, اما الولادة الثانية همن خيطونى بس خياط اخف من المرة الاولى حتى والله استانست لانى كنت اقدر امشي احسن من الولادة الاولى والعوار كان اخف بس لاحظت انه في فرق صوب ….. اللى خبرج… فما ادرى بالثالثة اخاف يصير اوسع بعد بشوي.
بس انا قلت مثلج ابي خياط عادى مابي تجميلي اللى من داخل مادري شهببون فيني.. لانه وحدة من اهلنا توها طالعه من الاربعين وتقولي انها تعبت واااايد بليلتها مع زوجها حتى يمكن ماقدرت فخترعت حدي وشلت الفكرة من راسي

وانا ما فهمت شقصدج بحمواتج يسوونه؟ قصدج العملية العادية؟

بنات كيف يعني اطلبها من الدكتوره ؟؟؟ تضييق مو تجميل وفي حد جربها بمستشفى لندن؟؟؟ الله يخليكم فيدوني

انا اللى اعرفه انتى تطلبينه من الدكتورة ويكون له حسابه الخاص غير حساب الولادة ,,, بس ديري بالج يقولون من دكتورة لى دكتورة تختلف العملية . يعنى كل وحدة وشطارتها
لانى سالت ثنيتن وحدة تمدحها وتقول العوار خفيف والثانية تقول يذبح ازود مما كنتى بجر!!
يقولون كل دكتورها وشطارتها بالخياطة!!
وبالنسبة حق مستشفى لندن ما عندى فكرة عنه.