|
|
قووووووه
صباح الخير خوووواتي
بحكم أني مؤ متزوجه بس اسمع من أهلي انه فلأنه تملجت او فلان بس شارطين انه زوجته ما يبيها موظفه
شرايكم بهالسالفه. بس حيل مستغربه منها احس الزوجه لازم تكون استقلاليه ويكون لها معاش خاص فيها
ومالا داعي الزوج وشرط على زوجته ماكو وظيفه
شرايكم
فعلا حلات الوحدة
باستقلاليتها
المادية
ووجود جزء خاص من حياتها
بعيدا عن الزوج والعيال
بس اللي اوله شرط اخره نور
حلاته قبل الملچة وقبل الزواج
كل واحد يقول اللي عنده
ومايفرض عليها عقب
دام قاعدة توفق بين بيتها ودوامها
جربنا الاستقلال المادي و هالسوالف
بس يستاهل اني اترك بيتي وعيالي و اداوم وانا مشحوونة معصبة ولا قلقة
اقعد بالبيت و ادير بالي على مملكتي
ولما اشوف روحي تضايقت ولا مليت اقدر اطلع و اروح و ارد
وحتى الاجانب ترا المرة الراقية مايخلونها تشتغل
اذا متزوجة واحد عصامي يخليها اتربي عيالهم واهو يشتغل
والمفروض هذا الطبيعي
الا اذا ضاقت فيها الوسيعة اتسوي تجارة
بس شرط يصرف عليهل عدل
أنا ريلي شارط علي أني أترك الشغل مع وصول البيبي ..
دام ما عندي إرتباطات فـ/عآدي عنده أشتغل .. كوننا عايشين بروحنآ ومستقلين عن العائلة ..
فـ/الملل يلعب دور .. أداوم الصبح والظهر ف البيت .. من حسن حظنآ أنا وريلي توقيتنآ وآحد ^^
بآلعكس إللي يشترط على حرمته أنه ما تشتغل حلو .. أهم شئ يقدر يصرف عليهآ…
أفضل المراءة تكون لها حياتها الخاصه بعيد عن زوجها و عيالها
بس من ناحية نظري الوحدة فينا ما تتنازل عن وظيقتها لان ما في ضمان للزوج ولا غيره ولا الدنيا بكبرها الضمان رب العالمين فقط .
والريال معروف من البداية يبي يكسر ويحطم من الزوجة عشان تكون تحت رحمته ويقعد يتمنن
بالعكس احنا تحت رحمة رب العالمين
واذا كان مقتدر والله رازقه من حقه يطلب ومن حق المرة ان توافق او لا.. الفكرة مو بس فلوس الفكرة كيان واستقلالية وحياة
لانه يقدر المرأه وعارف مكانتها صح وانها ملكه ينصرف عليها وتدلل
وطبعا استحقر وبقوه الرجل اللي همه البحث عن زوجه موظفه تساعده وتقوم بنص واجباته هو
هذا وينه ولد أبوه
والله أنا كل الي أعرفهم اول شي يهمه موظفه عشان يفتك من عبئ مصاريفها
مأكو مره بهالزمن تقدر تعيش بدون راتب !
والناس تطورت وكل البنات موظفات انقضى زمن ربة المنزل
هاذي فيها قصـــر نظر !!
الزوج مو دايم لج .. ماتدرين لو الله ياخذ بأمانته (بعيد الشر)
او ظروف الحياة تصير صعبــه .. يمرض ، يطيح .. إلخ
منو بيشيل عيالج وبيتج حزتها ..؟؟
طبعا ناهيك عن كون بعض الرجال تحوشه نعرة النذالة !!
تهاوشتــوا ، تطاققتوا ..إلـخ ..
حزتها بتكونين تحت رحمـته ! يمكن يصرف ويمكن مايصرف عليج !!
فـ ليش تخلين مصيرج وحياتج بيد شخص ثاني ؟
بس كل مره لها راي في حريم يبون جذي وفي لا
انا عن رايي الشخصي ماوافق على هالشي
مهمن كان الزوج كريم وزين بس مرات تحتاجين فلوس بدون علمه يعني بعطي امي بساعد اخوي عيب اقول لزوجي عطني من فلوسك لهشي
ولو لاسمح الله طلع الزوج بخيل او مو زين بتندم المره انها مو موظفه