اشراف الاجنحه السنه القادمه . من يمسكه؟؟؟اشاعه!

السلام عليكم

الموضوع باين من العنوان سمعت من وحده معانا بالمنتدى جزاها الله خير تقول ان السنه الجايه اشراف الاجنحه بيكون مسؤليه شؤون الطلبه هل الخبر اكيد؟؟
السؤال يا ليت الناظرات او الوكيلات او رئيسات الاقسام يجاوبون عليه صج هالحجي؟ القرار من منو ؟؟؟؟؟؟؟؟
متى وصلت النشره وهل من المنطقه او الوزاره وهل سيطبق ام لاا؟

وشكرا

ما سمعنا .. و لا شفنا نشرة

و ما اعتقد ان هالقرار ممكن ..

شئون الطلبه اصلا عددهم مو كبير لدرجة يشغلونهم باشراف الاجنحة ..

متى يخلصون شغلهم عيل ..

عموما يا خبر اليوم بفلوس … بعد شهرين ببلاش

جان زين

ويــفكوناا

اب اللي عندها معلومه موثقه تقول

رئيسة قسم او وكيله او ناظره؟

انا رئيسه قسم ما سمعنا ولا اوصلت نشره بالموضوع
سمعنا بس عن ظابطات امن يمكن يشتغلون في المدارس في محافظات معينه كتجربه اما طبيعة عملهم شنو ما ادري
وبعدين مثل ما قالت الاخت عددهم اشويه و عندهم اشغال ثانية مثل المقصف و الصندوق المالي و غيره

ماعندنا خبر

انا مدرسة

احنا بمدرستنا فعلا شئون الطلبة الناظرة تخليهم مع الاشراف كل خمس دقايق يطلعون يشيكون على الصفوف
كل وحدة لها جناح .. انا عبالي هذي شغلتهم فعلا مع المناوبة
لان المناوبة ما تحوش المدرسات الا اذا اضطروا

رئيسة قسم

ماعتقد :/

مشكورين على الردود
وما زلنا ننتظر

ماسمعت بهالشي
انا معلمه

ما سمعنا شي
لكن بشكل عام
الادارات القوية عارفه شلون توزع الشغل
والادارات الركيكة تبقى ركيكة في كل شي مهما تغيرت القوانين والضوابط!

مشغوله ومحتاسه عدد موظفات شؤون طلبه مو السكرتاريه في اغلب المدارس كبير بالنسبه لمدرستي عددهم كبير وقاعدين لا شغله ولا مشغله حتى ما يرضون يمسكون مناوبه ولا يصورون اوراق الا بطلعة الروح يمكن انتوا بمدرستكم الوضع يختلف

ما شاء الله شنو اسم مدرستكم ؟؟ طرشيلي بالخاص بليز لانه كل المدارس اللي اعرفها ومنها مدرستي المعلمات اللي ماسكين اشراف الاجنحه والمناوبات كلها مع العلم انه عدد شؤون طلبه كبير ومايسوون شي بس منظر داخل الاداره