اسقبال في المستشفى باقل الاسعار

السلام عليكم
احترت باسعار تجهيز الولادة وما خليت مشغل حريم يسويلي طقم الولادة الا الاسعار نار

المهم من لديه حيله فليحتال عرفت انا شنو ابي كفر كشخه وطقم ابوجوره مع شمعدان وشوية ورد وشكولاته المهم رحت ادور كفر سادة بيجي وفعلا لقيته في المترو اللي بالفروانية بسعر45 كامل معاه 3 كوشيات كبار وشرشف ساده وسير المهم رحت للكلف وحطيت علية باطراف الكفر والمخدة هدب بخرز ذهبي وخيطت انا اطرافه بالبيت طبعا بمساعدة الخدامه وشريت خام للمفارش من محل بالضجيج مسوي تنزيلات المتر بدينار وفعلا خذيت ستان للبطانه وتور مزخرف منه وفية ورحت شريت هدب نفس هدب كفري وخيطت اطراف وصار عجبه سويت شرشف كبير للطاوله الرئيسية وواحد لطاوة الحلويات واثنان للطاولة الصغيرة
ما كلفتني اكسسوارات الولادة يمكن اقل من 100 دينار والله شي راقي وناعم وكل من سالني عنه وكنت فرحانه ان شي سويته بايدي ونال اعجاب الناس بس انا ما علمت احد ان شغل ايدي شان يطلعون فيه الف عيب المهم الحلويات من جميع الاماكن واغلبها هدايا اما الشمعدان والشمع شريته من سنتر بوينت كان تنزيلات وخذيت 3 قطع مع ساعه ب25 دينار
شرايكم مو احلى من شغل الحريم اللي ب200 او اللي تقول عشانك 350 دينار شله حادني الله يعافي السوق فاتح نفسه بس يبيله فراغه علمت الخدامه وهي سوت كل شي بس انا معاها

والله زين تسوين ولا هالاسعار اللي شابه ضو وآخر شي ماراح تستعملينه الا مرة وحده وبالولاده الثانيه راح تغيرينه شوفي انا ماسويت استقبال بالمستشفي سويت ببيت اهلى وشريت كفر من الرحاب لونه سكري يهبل ب33 دينار وشريت كريستال وركبته اختي بالبيت على الكفر ويبت جرة كبيره من السوق الايراني وخليتاللي صبغ لي الغرفه يصبغها نفس اللون ونزلت منها ساتان بيج وكريستال والابجورات من هوم سنتر والكاكاو سويته عند وحده ب60 دينار يعني ماكلفني وايد والاهم انه شكله راقي وذرب وموغالي

والله انا اللي ليحن محتارة ومارحت اشتري كفر للولادة
مادري شسوي مرة اقول بروح حق وحدة بمشغلها ومرة اختي تقول دوري بالسوووووق
محتارة وايد وهم بعد ميزانيتي ماتسمح اطلع فوق ال 100 دينار
كفاية المستشفى اقل شي بيطلع 800 دينار!!!
مادري شسوي

صراحة انا شفت شغل دلوعة امها وعجبنى وناوية اخذ منها صوانى شغلها ذرب واسعارها احلى
وبخصوص الكفر افكاركم حلوة وحلو لما تسوين شغلج بنفسج
ياللة بنات للى عندها افكار تقولنا ناطريييييييييييين

اى محل فى الرحاب ….يبيع كفر؟؟لو سمحتى

اي والله خل نروح نشوف المحل؟؟؟؟

والله مااعرف اسم المحل بس اهو تحت يبيع كفرات فظيعه

والله زين تسوييييييييييين

وكفاية احساسج ان شغل ايدج

برافو عليج

يعني اهما شنو بسوون زود

واصلا كفايه انج سويته بايدج …راح تصير له قيمه عجيبه

يعطيج العافيه

بصراحه شغل ايدج غير
وعليج بالعافيه حبيبه

شاطرة والله

زين اتسوين

وافكارج حلوة

3fyah 3leach ………….mohyna wlah …..i think kil ili msween mshaghil o msween ro7hom mo9memat doing the same bs ilsh6ara ili tdwer wtswee 3la mzajhaa il7emdelah 3lah elsalamah

3fyah 3leach ………….mohyna wlah …..i think kil ili msween mshaghil o msween ro7hom mo9memat doing the same bs ilsh6ara ili tdwer wtswee 3la mzajhaa il7emdelah 3lah elsalamah

3fyah 3leach ………….mohyna wlah …..i think kil ili msween mshaghil o msween ro7hom mo9memat doing the same bs ilsh6ara ili tdwer wtswee 3la mzajhaa il7emdelah 3lah elsalamah

والله بصراحه انا زوجي مسكين سافر حق الجبيل في السعوديه لانه انا قبل لا احمل شفت عندهم اطقم كامله تهبل
وجاب معاه طقم كامل للبيبي من شنطه وحامل وملابس له يعني للبيبي 11 قطعه وانا كفر نفس لون البيبي ونفس لون السرير والكبت للبيبي وبصراحه طلعت روعه والكل يسالني طقمج روعه روعه اخذته لون ازرق وسرير كبير بعد وسرير صغير وحامل معاه وبصراحه ما كلفنا غير 60 دينار بس انا ما لقى معاه تكرمون علبه الزباله ولا الشحاطات ولا الدراعه والا الستاره قلت في بيت اهلي كافي الاغراض البيبي والديباج متناسب معاه والله العظيم وعيون العالم علي وشلون طريقتي ورقدت اانا وولدي في المستشفى طلع فيه الصفار وايد وانا لي 8 ايام من الولاده

والحمدلله كل شي عدا على خير
قلت قصه حياتي ههههه

شكرا على ام العيال وعلى تجربتها الحلوه