اسعار مستشفيات الولادة المتميزة و افضل الدكاترة

مرحبتين كبار و حلوين مثلكم
شلونكم
بسالكم بنات .. ابي افضل المستشفيات بالكويت
انا ولدت 3 مرات مرة بالمواساة و مرتين بطيبة
ومن زماان عن المراجعات و الولادة مو ذاكرة شي زين
حتي اسماء دكتوراتي مو ذاكرتهم
ابي منكم اول شي افضل الدكتورات اللي يولدون وانا لازم قيصرية حوضي وايد صغير .. وابي اسعار المستشفيات
وايهو الافضل للعناية بالحامل و الوالد و البيبي

اب اب اب

انا ولدت بدار الشفا وكنت ماخذه غرفه جونيوور كانت طبيعي بس شفط

المبلغ اتذكر ٩٠٠ وشي

ودكتورتي فوزيه القطان

كانت ولادتي لابااس والرعايه حلوه

يمدحووون رويال حياة عند الدكتوره خالده المجيبل

توكلي على الله … راجعي بالمواساة…….

مادري بس حسب اهلي و معارفي الغالب او بالاحرى الكل صار يروح رويال حياة
و حسب تجاربي فيه صج يستاهل و السعر معقول بس حسب نوع الغرفة

و نصيحة راح تظيعين من المعلومات

انتي روحي بنفسج المستشفيات كلها و شوفي لسته الاسعار و اخذي جولة فيهم

المواساة

انا اراجع عِنـ.̷̷̸̷̐ـدِ ناهده العلي ووايد مرتاحه معاها
وبولد عندها باذن الله ولادتها ب ٣٠٠ ورفيجتي الخاصه وخواتها عندههاا ويمدحونها وبنت منن جماعتنا عندها وتمدحها
والولاده بدار الشفا ماعليه كلام الكل حوالي مجربه ويمدحه
وانتي والي ترتاحين له ي قلبيي راجعي وشوفي

طيب بنات بعد اذن صاحبة الموضوع اشرايكم بالسلام بس انا دكتوري من بره مو من المستشفى جم اسعاره وهم انا اولد قيصريه بس انا توينز

الله يسهل عليج يارب التساهيل من الله

اللي اعرفهم يولدون بالسلام ويمدحون المستشفى
انا اولد بالحكومه لانه فيني تليف على جدار الرحم

السلام

دار الشفاء

سلام عليكم
حبيبتي استخيري
وطالما انتي والدة مرتين بالمواساة قيصري خليك هناك بس شوفي لك دكتورة زينة
لان كل شئ مكتوب في ملفك والسهالات من الله

دكتوره معصومه مخصيد مستشفى رويال حياة ،، ولاده طبيعيه مع ابرة ظهر وغرفه ليلي ١٣٦٠ دينار

اولاااا ليش هالكثر زادو عليج !!!

انا والدة مرتين برويال و اخذ الاجنحة الكبيرة بس سعرج حيل زايد
الولادة الطبيعية في ليلي 700
مع تجميل 50
مع ابرة ظهر 100
المفروض كله 850 دينار !!