|
|
السلام لوسمحتم بنات انا ماعرف حق البحرين وكورس الياي انشااالله بدرس بالبحرين بالعلوم التطبيقيه وبغيت اعرف …
شنو اقرب فنادق حق الجامعه او شقق وجم اسعارهم … ابي حق الي يعرف يقولي ارخص فندق جم سعره واغلا فندق وهم مميزات كل فندق او نظام شقق ايهو ارخص وابي شي يكون قريب من الجامعه عشان اروحلها مشي.
وشنو في مكاتب في بالمطار عشان أأجر سياره ابي ارخص شي حق احسن سيارات او حتى لو كحيانه بس ابي شي رخيص وجم مبلغ التامين وهل اخذه كله لمن ارده وهل يكون بانزين سياره full لمن اخذها.
ويريت تذكرولي السعر بالدينار البحريني …
على مااعتقد جامعتج في منطقة جفير صح ؟ اذا هناك،، عندج الشارع اللي جباله صوب البحر ،، بالضبط ورى المسيد الكبير فندق اسمه بارس الدولي، هذا يسوي سعر خاص حق الطلبة + خدمة التوصيل والسعر للشخص الواحد في الغرفة 25 دينار .
ومنطقة جفير فيها خدمات جمعيه + مطاعم شيليز ووماك وبرجر كنج.
واذا تبين خدمة تأجير السيارات ، موجودة في المطار وحسب الساعات اللي تبينها او الايام يحاسبونج وتبتدي الاسعار من 8 دنانير لمى 100 وفوق، حسب المواصفات والموديل اللي تبينه.
وحسب المكاتب يعطونج فيها بنزين متروسه نص ـ او ربع ، او فول، انتي وحظج
وانشالله البنات يفيدونج