اسرار الحموات

سلام

حبايبي معليش سامحوني انا مالي غيركم اشكيله الحال وتوني متزوجه يديده عروس وتني متفتحه عيني على الزواج ومشاكله وخاصة مع اهل الريل فعادي كل يوم والثاني كاتبتلكم موضوع مطنقره ولا مستغربه

قريت موضوع سيد الغنادير واستغربت وقلبي فززز من قريت كلامج ياغندور انتي حددده نفسي بالضبط انا حمواتي من الاصل صديقاتي ويوم انخطبت كلهم قالولي يابختج حمواتج اهم صديقاتج بعدين يوم تزوجت وعشت وياهم بنفس البيت شفت شي ثاني اهم بس ثنتين ومتعلمين على بعض بروحهم اثنين محد يثلثهم يعني الاولى ما تخطي خطوة الا الثانيه معاها ووحده ماتسوي شي ولا تقول شي الا مشاوره الثانيه حيل حيل حيل مع بعض فلمن دشيت عليهم توقعت اني اكون ثالثهم بس كنت غلطانه.. المهم واهم فيهم طبيعه مايتحجون مايقولون اخبارهم ولا اي اخبار ثانيه توصلني من بره يعني مرت حماي حملت انا اخر وحده دريت من يدتي!! ولمن خالتي بتسافر ادري بالصدفه ولا لمن في عزيمه ولا شي مايقولون ينطرون خواتي يقولولي وطبعن خواتي وامي ماعليهم شرهه بس اكيد يتوقعون مدام انا ساكنه مع اهل ريلي توصلني لعزايم من اهل ريلي صح ولا لا !! ولمن ادش وياهم واهم يسولفون احسهم بسرعه مرات احيانا يغيرون الموضوع و لمن اكون بالصاله واهم بالغرفه يوطون صوتهم عشان لا اسمع كل شي يقولونه معنه سوالفهم كله حش وقرض في خلق الله.. ومثل ما قلتلكم ولا مره شفتهم يوصلولي خبر اخت خالتي تسافر وترد من العمرة ويروحون يسلمون عليها يوم زوارتي بيت اهلي يستغلون هاليوم بالذااات عشان لمن اقولهم ليش ما قلتلولي يقولون والله انتي كنتي بيت ابوج!! يعني انا متى اروح اسلم عليها بروحي!! استحي ؟!!!

هذي شغله والشغله الثانيه اول ما تزوجت كانوا يدقون على غرفتي او موبايلي ويقولولي ها اليوم بنطلع بنروح السوق او بنروح نتغدا بره اتيين ويانا؟ وبعد فتره بدا يقل اهتمامهم فيني وسؤالهم عني ما يحسسوني اني بلبيت قاعده وياهم يطلعون الصبح لا حس ولا خبر ولا ينطرون نومتي العصر اقعد من النوم ماكو احد بالبيت ريلي عنده شغل او طالع او مداوم وانا مجابله 4 طوف واهم يدرون اني ماشتغل وبابي يقدرون يطقونه اي حزة وتيلفون لبيت موجود حق الانتركم وموبايلي يمي يقدون يدقون بس وايد تصير طلعات ومايقولولي ولمن اعاتبهم يتعذرون عبالنا نايمه ولا عبالنا طالعه مع ريلج ولا عبالنا رايحه بيت ابوج انا حتى سياره ماعندي اسوق واطلع على كيفي اي وقت يعني اعذارهم سخيفه!! يحسسووني انهم مايبوني معاهم وانا ادري فيهم طبيعه ان لمن بيروحون لسوق مايحبون احد يتسوق معاهم ماياخذون راحتهم مايبوني اشوف وين يروحون اي محلات يدشون شنو يشترون جم يدفعون معني انا والله ماهتم ولا اطالع مثلهم واهم اذا انا طلعت وين رحتي شنو شفتي شنو شريتي مع منو ووين قعدتي وشنو طبتي وانا ارد عليهم على قد نياتي عبالي بيسولفون سوالف عاديه بس اهم قصدهم يبون يدققون بكل شي اسويه يحبون يعرفون الناس شتسوي وشتقول حق الحش (…بديت بنقطه وانتهيت بنقطه ثانيه…)

سامحوني عالطواله وعندي اشيا وايد بقلبي ودي اقولها مالي غير الله ثم انتوا يا كويتيات ماقصرتوا ولله عندي سوالف كثيره ودي اطرححها بس ماعندي وقت اشبك كل يوم فكل ما اشبك انتهز الفرصه

نسيت اوضح اهم نقطه بالبدايه عشان ماظلمهم الظليمه شينه تراهم زينين واقعد وياهم عادي نسولف ونضحك ومرات نطلع وحدنا كول ويا بعض بس فيهم اطباع كريهه انهم يخشون مايتحجون وانهم ي بغوا يطلعون جنهم ينحاشون مايقولولي تعالي ولا تقدرين معنهم يدرون بظرفي ماشتغل ومرات ريلي يكون مشغول ولا عندي سياره ولا عندي عيال يعني اكون فااااضيه حدي حتى مره اشتكيت حق ريلي وراح كلمهم وطبعن تعذروا بنفس العذر للي اهو ((عبالنا)) اي ليش عبالنا ليش خو دقي تأكدي موجوده ولا لا اقدر اطلع ولا لا …. (يايه بكتب ملاحظة صغيره صار رد طويل لول)

و الله ما ادري شرد عليج
الله مطيحج بين ريا وسكينه

حبيبتي دام تغيروا شلج فيهم …!!
وبعض الرفيجات جذي اول ماتتزوجين تتغير عليج يمكن غيره الله اعلم
بس انتي بعد عندج ريلج وصديقاتج واهلج دام اشكره حركاتهم يعني مايبونج عطيهم طاف
طلعي واستانسي ولاتهتمين واذا بيستغلونج ويسألونج وين رحتي وشنو شفتي لاتقولين مو شرط يعرفون كل شئ عنج
والله انا انقرصت من رفيجاتي مثلج بالضبط وحاسه فيج……اللي زينه معاج حطيها على راسج والله تغيرت بدليها باللي احسن منها حتى لو كانوا خوات ريلج حياتج ماتوقف عندهم

والله يوفقج

والله يابنات انا ما ادري ليش تزعلون من تخشش الحموات واسرارهم الله والاسرار شنو اسرار عسكرية؟؟؟؟!!!!!!!! كبرو عقولكم واعتبروها حرية شخصية والرسول عليه الصلاة والسلام قال(( واقضو حوائجكم بالكتمان))

طيب وانتي اشحارج

كيفهم

خوات وكيفهم موو ضروري تكونين وياهم وين مايروحون وانتي قلتيها مايهمني ششوف والا من وين يشتروون

لاتصيرين حسااسه زياده عن اللزوم

كبري عقلج حبيبتي لانج ان ظلتي على هالوضع بتتعبيين واايد

تخيلي مره اخووج وبنفس الوضع معاج تبينها تصير ظلج وين ماتروحين وين ماتيين معاج

لاطبعا

خوات وكلمتهم وشكوتهم وبجوتهم وحده بعد لي قلنا خوات يعني هذولي الخوات

شلي مخليج مستغربه من وضعهم

فعلا ليش ماتقولين عبالهم مثل مايقولون يعني تلتمسين لهم العذر

والله يااا اختي لوو انج تكبرين مخج وتقولين لي حياتي ولهم حياتهم الزم ماعلي ريلي وسعادتي ويااه جان ماصار هذا همج

خلهم ويا اسراارهم اقصاها تنوره وتي شيرت والا سالفه بفلانه وعلانه

مو انتي تقولين حش وقرض

الله يحبج لا تقعدين وياهم تشيلين اثام

وعليه عليييه هالريل يشيل هم المسئوليه اليديده والا خواتك ياطلابه خواتك

وبعد هم ماقصروا كانوا يدقون عليج يقولون لج تعالي ويانا بس بحكم انج عرووووس ماتروحين وياهم فشي طبيعي بينسحبوون شوي شوي بحكم انشغالج بزوجج الي هو اخووهم

مادري ليش دايما الخاله والحموات وحريم الحمى اكبر هموووووومنا

طوفي عيشي يوومج وتوكلي على الله وخلي شعارج دايما وابداا

انا بكبر عقلي

عسى الله يرزقج بالذريه الصالحه الي تنشغلين بتربيتهم التربيه الصحيحه علشان تشوفينهم يرفعون راسج ويخدمون الديره وتشوفينهم باكبر المناصب ويسخر لج ريلج واهل ريلج بعد اشتبين

انتي شدخلج فيهم خليهم على كيفهم نشبتيلهم نشبة ولا تزعلييييييييييين مني انا حتى حمواتي وامهم يطلعون ولا قلت شي الحقهم بضغيره وكبيره وافتن اخوهم عليهم خلاص العنوان واضحة
البنات مايبونج نروحين معاهم ليش قطت الويييييييييه لا تحرقين نفسج
خلي ريلج يقطج عند بيت اهلج واذا خلص شغلة مرج واخذج تستانسين عند اهلج وعلى راحتج ولا تشغلين بالج معاهم
هذولي خوات مع بعض حيييييييييل على قولتج مايحبون احد يدخل بينهم

اعذريني الي يسونه مو غلط

خوات وبيطلعون وبيردون مع بعض يبون ياخذون راحتهم اوكي يقولون لج مره مرتين بس مو بكل طلعه لازم انتي معاهم
انتي اشغلي نفسج لي طلع زوجج زوري امج طلعي مع خواتج

ياربي الناس لهم خصوصيه ……….. يعنى لازم كل شي يقولونه والا لابغو يروحون لازم يبلغونج حشي امهم مو مرة اخوهم !!

لاتزعلين منى بس مانى لاقيه مبرر لسالفتج ……. يبه كيفهم الناس لهم خصوصيه مثل مالج انتى وخواتج خصوصيه والا انتى منتى حماه ولج مرة اخوى !!

انتى لابغيتى تروحين اتزورين احد او تبين تنتقدين احد باط جبدج وربج تقولينه جدام حريم اخوانج او تقولين لهم انا بروح لفلانه …….. لاء لسبب انه لج خصوصيه انتى وخواتج يعنى بينكم حجوه اتخصكم بتروحون لفلانه وتبون اتكونون على راحتكم اين كان السبب كل انسان وله خصوصيته ياقلبي ………

واذا مرة حماج حامل ومحد علمج ……… يبه لا انتى خالة المولود ولا عمته شكو شرهانه وزعلانه !!!

لاتزعلين منى كبرى عقلج واحمدى ربج انه ماكو احد يتدخل في سوالفج مع ريلج ولا يقول وين راحت وين يت يعنى بنات الحلال كافين خيرهم شرهم ….

ياجمااااعة شفيكم على البنية ….
اهى توهاااا ماتعرف هالاموررر
انا اقولج اهم ماعليج بيتج وريلج…. وحمواتج ردة فعلهم عاااادية …وطبيعية انتى شيليهم من بالج
وعلى فكرة تر الميانة الزايدة بينكم ممكن تسبب مشاكل , يعنى جت منهم حاولى انتى هم تخفين عنهم شووى

حمواتجطبيعيينوما سوو شي غلط وكلام سنا الفضة عين العقل ..

ودامج في بداية حياتج يمكن مو منتبهة لهالشغلة ..

لا تخلين الحمولة اكبر همج عامليهم مثل معاملتج لاهلج صح بس ستل اهمه مو اهلج لا اهمه ملزومين فيج ولا انتي ملزومة فيهم عامليهم بالطيب بس لا تتوقعين ان لج حقوق عليهم مثل بناتهم ..

يروحون يردون كيفهم الله يخليلج اهلج قوي علاقتج فيهم

بنات اشفيكم شوى شوى عليها اهى مو قصدها تدخل وتليقف اهى توها داشه على حيات زوجيه يديه ومعتبره حموتها رفيجتها اهى مستغرربه من تغير الجذرى الى صار بس وقاعده تقولنا شلون يتعاملون معها حبيبتى عااااااادى بلعكس انتى صيرى احسن منهم وصيرى انتى حليوه وهينه وشوى شوى تقربى منهم وترى عادى حبيبتى فى ناس مايحبون احد يعرف عنهم شى ويبون يعرفون عن ناس كلشى وفى ناس عبالهم اذا تحجوا راح تحسدينهم عادى عقليات الناس تختلف انتى خلج بحالج ولاتحرين عمرج ولهى روحج بشى ثانى واهم كيفهم وصدقينى لي شافوج انتى كافه وصاده راح تكبرين بعينهم

حبيبتي الواحد يحط نفسه مكان الغير يعني إنتي لو كنت عند أهلج أكيد ماتبين حريم أخوانج يتدخلمن بينج وبين خواتج يعني يكون لج خصوصية إنتي حساسة حيل والأفضل تكون العلاقة بينج وبين حمواتج شبة رسمية والله نصيحة

هالنصيحه من تجربه والحمد لله لجل اقولك المفيد ياعمرى عليك بالصبر وثانى شى خلى نفسك دوووم محبوبه لاتنتظرين الناس كلها تقابل الشى بالمقابل خلك بشوشه والكلمه الطيبه لها فعل السحر وصدقينى يوووم مع يوووم بتشوفينى هالشى ولا تشكين لريلك منهم ترا هذا بيزيد المشكله حاولى تتقرب منهم
انا كنت مثلا اسوى اكله يحبونها واناديهم
او ادش اساعدها بغرفتها
او افتح مووووضوووع حلو نتناقش فيه
ولاحظى انك توج عروس يديده مو بيوم وليله بيقولون لج اسرارهم
لكن مع الوقت لما يشوفونك صج خوش بنت ويشوفن روحك الحلوه بيكوووون كل شى نفس ماتبين بس اهم شى الصبر وخلى يشوفون البسمه بويهك واحلا استقبال ومعامله
وصدقينى بتصيرين اكثر من اختهم ولا تنقلين اهم شى سوالفهم لاحد خاصه ريلك والله يهديهم لك ويصلح حالك وحالهم