اسراري الخاصه بالجمال للنفاس بالذات

شلونكم حبيباتي

بصراحه انا كتبت رد على موضوع النفاس وجتني اكثر من 20 رساله عالخاص تسالني عن

اشلون اعتني بنفسي

لاني قلت بعد الاربعين احاول اطلع عروس مثل مره ثانيه

انا الحمدلله جميله وجسمي ينضرب فيه المثل

ببدي معاكم عن كل مشكله جمال ممكن تواجهنا واحاول احط كذا حل لها اذا في وكل وحده تختار اللي يناسبها

بس ماراح احط اسامي محلات او اماكن البيع بس اللي تبي معلومات ادق عن المنتجات ترسلي عالخاص

ملاحظه انا مو دقيقه باللي كاتبته يعني استعمل اللي انا احتاجه واللي يشدني وفي اشياء اهملها حسب شنو

اكثر شي يشد زوجي توفيرا لجهدي

…………
الشعر

معروف ان النفاس مايصير تتسبح وايد ولاتطول بالحمام ولا تخلي الزيت بشعرها فتره طويله علشان مايبرد راسها ويدخلها برد

فانا استعمل زيت خفيف مثلا برشوت الازرق علشان ينظف بسرعه بالشور

واستعمل كبوس بلاستك على راسي لما احط زيت علشان يصير تبخير واستفيد اكثر من الزيت وهم يمنع البرد واقدر البس عليه ملفع بدون ما اخاف يتوصخ

واستخدم شامبو ايفا بالصبار الطبيعي موجود بالجمعيات ممتاز

وبعد الشور استخدم امبولات ايفا بالصبار صحيح تخلي الشعر مدهن بس لما يزوروني حريم البس شيله وريلي مو عندي

واستعمل كبسولات فيتامين خاصه بالشعر والاضافر ماتزيد الوزن

بس كلمه حق انا مو من النوع اللي اهتم بشعري وايد جذي مايهمني

………..

الايد والارجل والاضافر

سبق وكتبت انك ممكن تستعملين فيتامينات تقوي الاضافر و طبعا لاني نفاس لازم اشرب حليب ولاني ما اصلي بسبب النفاس

ممكن احط صبغ اضافر شفاف طبي هذا بالاضافه الى ان كريم جرجنز لمقاومه الشيخوخه ممتاز للاضافر سمعت من وحده

غاليه علي بس ماجربت

الايد والرجل ممكن استخدام كريم لونا للتشقات بالذات للقدم والكوع والركبه

والايد حطي لونا وفازلين والبسي دسوس بلاستك ممتاز تخلي ايدج ناااااااااااااااعمه

ولاتنسين قبل طلعه الاربعين البدكير والمينيكر السبا والبرافين

…………
نقص الوزن ( تبين تمتنين)

في كذا طريقه لزياده الوزن مثل خلطه المكسرات وخلطه العسل وحبوب جينسينج الاصليه اللي نادرا ماتلقى بالسوق

الحبوب المضره هي التقليد

كل هذي خلطات وانواع معروفه لزياده الوزن انا عن نفسي ماجربتها فما ادري شنو الزين وشنو اللي مو زين

بس الاكيد انها تزيد الوزن بفعاليه

انا اكون ضعيفه بعد الولاده بس احرص على الحلبه اول 25 يوم كثري منها بعدين وقفيها علشان الريحه

والاكل الدسم والحليب وماشاء الله استرد وزني بسهوله

بالذات اني اتريق عصيده لان معروف ان الريوق هي الوجه اللي تزيد الوزن

بس اذا استعملتي اي طريقه لزياده الوزن لاتنسين خلطه الكرش وكريم التشققات علشان مايتشقق جسمج من الوزن المفاجا

………….
زياده الوزن (تبين تضعفين)

انا بحياتي ماسويت رجيم لاني اساسا ضعيفه والحمدلله

بس بعطيكم من تجارب نجحت مع غيري

يمدحون الشاي الصيني اللي من مصر يقولون عجيب وسعره بسيط رفيجتني ضعفت 20 كيلو بشهر ونص

وممكن تستخدمين حبوب تنزل الدهون وتقفل الشهيه مثل شانيكال وغيرهم

هذا بالاضافه الى الاكل اللي يفيدج وما يزيد وزنج مثل كورن فليكس الرجيم وشوربه الرجيم

بس انا ما انصح بالرياضه بفتره النفاس لان الرحم ضعيف بس ممكن تمشين والمشي من افضل الرياضات

ولاتنسين خلطه الكرش والترهلات

……………….

الكرش (مشكلتنا)

عندي خلطه ممتازه شفتها بالمنتدى الله يجزي صاحبتها بخير لاني نسيت اسمها

كريم بارتنر لايف علبه كامله الفلفل (لقيته ب4 ونص وفي ناس تبيعه باكثر من 10دنانير)

نص علبه كريم الشد من نيفيا

قفشه زيت اللوز المر وقفشه زيت الزنجبيل

خلطيتهم وبعدها لفي بطنج بكيس بلاستك الرول و اربطي بطنج بشماغ او حزام للولاده او المشد الاندونيسي بس ديري بالج

لاتربطين بطنج قبل مايصير لح اكثر من 15 يوم لان رحمج خفيف

ولاتنسين حبوب الفحم للغازات او اي حبوب لطرد الغازات لان طبيعي اكل النفاس يكون غازات

وحبوب القولون او القرحه اذا انتي نفسي تعانين منهم

الغازات و القرحه والقولون احيانا هم سبب الكرشه

……………

تشققات البطن او اي مكان بالجسم

توقعي ان التشققات ماراح تروح الا بعد اكثر من 6 اشهر طيب شالحل

حل مستقبلي : استخدمي كريم بيوتي ماما + بالمز كلهم للتشققات + زيت اللوز المر

وممكن تسوين ليزر اذا كانت التشققات قويه

اما الحل المؤقت على ماتروح الخطوط : تشترين من مركز سلطان او من اي مكان كريم للجسم بخاخ يروح بالاستحمام

هو تان بس ممكن تختارين مثل لون بشرتج فيصفيلج بشرتج ويخفي التشققات والسواد من غير مايبين

…………

السواد بالاباط والمنطقه الحساسه

اولا انا انصح بالليز للشعر بهذي المناطق بالذات ان في مركز ممكن تسوين لنفسج والاسعار صارت بسيطه

تقريبا 20 دينار للجلسه سوي جلستين عالاقل

اما لتبيض الاباط انصح باستخدام ديودرين من ايفا اسمه بي وايت

وللمنطقه الحساسه والاباط واي مكان بالجسم في خلطه خذيتها من منتدى الله يجزي خير صاحبتها وهي عباره عن

الطريقة
1- كوب ماء ورد
2-نصف كوب او ثلاث 3 ملاعق زيت زيتون
3-معلقة ملح او سكر
4- قليل من الماء
5-نصف كوب من بودرة تالك للاطفال
اذيبي السكر او الملح في الماء حتى يختفي تماما واحرصي على ان تكون الكمية قليلة ثم بعد ذلك ضيفيها على باقي المكونات واخلطيهم جيدااا جدا
ضعي الخلطة على النار فترة قصيرة جدا حتى تكون دافئة فقط او مائلة للسخونة قليلا
ثم ضعيها على السواد في المناطق الحساسة وافركي جيدا برفق ودون الم

……….
السلولايت بالزند والفخوذ والخلفيه (الترهلات )

اذا ترهل بسيط استخدمي كريم روك ممتاز للزند والفخوذ والخلفيه

اما اذا ترهل كبير استخدمي خلطه الكرش

ولاتنسين تستخدمين كريم وشور جيل دوف لشد الجسم

ورياضه للفخوذ والايد

…………
الصدر

اهم شي ماتقطين الستيان بالنفاس

اذا كبير ماكو الا كريمات الشد والرياضه الخاصه للصدر (مااعرفهم)

اذا صغير وتبين تكبرينه عندج كريم بارتنر لايف للصدر ممتاز + مساج دائري بمنطقه الاباط

………..
التبيض

في سنفره ممتازه للتبيض وكريم ممتاز اسمهم صبوحه وفي خلطات للبنات يمدحونهم بس انا لاني كسوله

وما احب اخلط بستخدم سنفره لجسمي وكريم صبوحه للوجه والجسم واستخدم زيت اللوز المر واستخدم

بيبي اويل بالحمام لان الجفاف يسمر الجسم واحتمال استخدم كريم مبيض للوجه طبي

بس موعارفه شنو بالضبط للحين

………..
الوجه

لنفخ الوجه

طبعا اذا انتي ضعيفه واكلتي شي يزيد الوزن بيطلعلج خدود بالذات الحبوب الصينيه او خلطه العسل

بس اذا ماتبين يزيد وزنج او تبين خدود اوفر

في كذا حل اولا ابر التفخ وانا ما احبها

ثانيا خلطتي الخاصه للوجه اشتري كذا منتج واخلطهم بس لاني موتاجر ما اقدر احط الارقام

………….
تكبير الخلفيه

مع اني احط كريم روك على خلفيتي لانها حيل كبيره بس اعرف وحده تبيع خلطه صينيه ممتازه

تعتمد على علاج الخلفيه يعني محتاجه 4 شهور ليما تحصلين على خلفيه كبيره مثل ميريام فارس بس صج ممتازه

بس اذا تبين نتايج ممتازه يبيلها صبر

……………..
الرموش
زيت الخروع

……………………..

لنعومه الجسم

استخدمي بالحمام .. صابون مغربي مثل السنفره ماركته زيتونه + سنفره تنعيم

……………
لجمال البشره

ما اقدر اكتب لان مشاكل البشره وايد فاللي تبي تسال عن اي مشكله انا اجاوبها بس اهم شي اشتري ماسك وسنفره

للوجه من ماركه معروفه واستخدميها على طول

وللي اكبر من 27 سنه (مثلي)
استخدمي كريمات وامبولات كولاجين

وممكن تحطين ابر نضاره يمدحونهم بس ماجربتهم

……………………….
باقي عليج الترديد انا اسوي ترديد عند وحده 3 مرات واخر شي اسوي مساج صيني

وطبعا لاتنسين شغل الصالون بالذات المشقر قبل الشيره والحمامات المغربيه

اتمنى مانسيت شي وقلتلكم عن كل اسراري وتستفيدون من الموضوع

واذا تذكرت شي بكتبه

واي استفسار انا جاهز

بس ولا وحده تستخدم اي شي وهي حامل

وادعولي بليز