|
|
السلام عليكم ورحمة الله وبركاته ..
شلونكم خواتي .. ان شاء الله دوم طيبين والله يدومها عليكم سعاده
خواتي انا حامل بشهر الخامس وهذا 3 حمله لي عندي بنت وولد والحمد الله
بنات محتاره اسوي استقبال او لا ؟؟
سبب حيرتي ان اهلي وناسي وربيعي الي يوني بالمستشفى هم يردون اييوني بالبيت بالاربعين
وطبعا عيب عندنا ناس تدق تبي تييه وانقولها لا 40 يوم الباب مفتوح .. حياهم الله
طبعا المخاسير دبل بالمستشفى وبره المستشفى
فناس تقولي انتي 3 حمله ماله داعي تسوين بالمستشفى والتكلف اخذي غرفه عاديه وبعد الاربعين سوي عشى وطبعا الي بييه بالاربعين حياه شاي وقوه وحلو ؟؟
وناس تقول فشله الناس تييج المستشفى وتشوفج بغرفه عاديه وكفر عادي ؟؟ حتى لو كنتي ثالث حمله
وبصراحه بنات حسبت تكاليف الولاده والستقبال طلع شي رهيب
اقل كفر سعره 200 دينار
الورد وغيره مو اقل من 80 دينار هذا اذا قلنا 4 باقات ورد وكل باقه 20 دينار
ستاند الككاو والككاو 40 الي 30 دينار
الحلو نوعين كل نوع 8 او 6 دنانير يعني يطلع 16 دينار
المعجنات نقول نوعين نقول نفس سعر الحلو 16 دينار
ملاحظه :- هذا اذا كان اسنقبال ناعم وبسيط … محاوله اقتصد كثر ما اقدر
الكلي 352دينار
غير سعر الغرفه 980 اذا غرفه مرتبه جناح ملكي
الكلي 1332 دينار …………. هذا غير اذا تعسر او صار شي يبيلج تزيدين
غير هذا ارجع استقبل مره ثانيه بالبيت بعد ومصاريف ومعجنات والحلو والتناتيف الصغيره هذي الي مو بالعين شي تاخذ
محتاره اسوي بالمستشفى او لا ؟؟
ناس تقول حرام دام يرجعون ايوونج البيت لا تسوين سوي مره وحده لم تطلعين من الاربعين ؟؟
وناس تقوول عيب وفشله الناس تدش عليج بغرفه عاديه ومو متجهزه ؟؟؟
بصراحه احترت ؟؟؟
ودار راسي اسوي او لا ؟؟؟
شنو رايكم ؟؟؟
والله يتمم عليج الحمل يارب
واذا ولدتي بالسلامه بلغى بس القراب منج وباقي دزي لهم ثاني يوم
وتعذري انج نسيتي تبلغينهم
لان بتصير عليج مخاسير وايد اذا كل يوم زواره وكل يوم حلو فطاير ……………..الله يعينج
ليش ماتسوين نفس الموضه الحين يحددون يومين بالاسبوع
والله اختي فولار انا اقول مثل قولج بس الي حوالي يقولون عيب وفشله الناس تزورج المستشفى وانتي مو مستعده وبغرفه عاديه
ومشكوره اختي بنت الخليج .. ياريت اقدر اسوي مثل الموضه بس عندنا عيب الناس تدق تبي تزور الوالده واقولهم لا وله بس عندكم يومين للاستقبال
ياكلوني اهلي واهل ريلي يقولون لي عيب ما يصير تتحكمين بالناس وتحدينهم على يومين
والله احترت اسوي وله عادي بس اكتفي بزواراتهم في الاربعين وبعد الاربعين عشاء ؟؟
والله يقومك بالسلامه وماتشوفين شر
انا مستغربه من اللى يشترون ورود حق نفسهم
الناس اهي اتييبلج
وبعدين عادى لا يهمونج الناس تقول اهم شيء راحتج
اخذي غرفه عاديه وكفر ناعم وعندج الفروانيه يهبلون وكشخه
وبعدين مدام بزورونج بالبيت كل يوم خلاص ماله داعي الاستقبال بعد الاربعين
بدعي بالبيت لما يزورونج وبس
مو لازم كل هالامور جنج اول ياهل ..
انا ما انصحج لا تضيجيين على عمرج و الفلوس ملوت الاستقبال سافري فيهم
شوفي انتي تعلنين من الحين باي يمعه ياي قعده انه راح تاخذييييييييييييين غرفه عاديه وماتبن تسوين استقبال
بالمستشفى وبتسوين بابيييييييييت عى ماتوصين التاسع الا الكل دره
فلما يون بالمستشفى راح يتوقعووووووووووووون انه الغرفه تكون عاديه والتجهيزات هم عاديه
وبهالطريقه تكونين وفرتي الي بالمستشفى
انا ماراح اسوي استقبال بس بقول حق الناس تفضلوا حياكم وبحط بس شاي وقهوه وحلو قهوه بس لاغيييييييير
وكفر شايفته يلع 100 عادي وبسيط وحلو يعني ماراح اخسر ان شاء الله
بس اذا مو اول ياهل وانتي تعرفين اهلج اييون بالبيت
ماله داعي المستشفى
وقطي فلوسج حق العشا
وبعدين مافيها فشلة انج تحددين للناس يومين يزورونج فيه
يعني الواحد ماله خلق كل يوم ناس وهم الناس لها ظروفها
مادري شوي استغربت من هالنقطة
بس الشي الي يريح وراح يونسج سويه
مالج شغل بكلام الناس
الله يقومج بالسلامة حبيبتي
وجزاكم الله الف خير ..
شوووركم وهداية الله شكلي بخليها مره وحده بعد الاربعين وبلا تعب ومخاسير