|
|
مرحبا بنات
موضوعي هذا للنقاش
واللي صارلها موقف ياريت تسدحة
البنت لا خلصت اربعينها منو المفروض يسويلها عشا طلعتها امها والا خالتها ام ريلها
نبي سوالف العادات والتقاليد
واذا كانت الخالة بخيلة ماسوت شي حق جنتها وسوت لها امها
يصير تتليقف وتعزم الاولي والتالي بستقبال جنتها بدون ما تستأذنها؟؟؟؟
لان هالشي صاير معاي طلعتي الاسبوع الياي انشالله والخالة ماسوتلي شي ولاراح تسوي
وبعد عمري امي اللي بتسويلي فأكيد اغلبية المعازيم من اهلنا وماشالله وايد
وانا كنت متفقة مع خالتي قبل ولادتي اني بعزم بس حريم عمام وخوال ريلي وعماته وخالاته حق استقبال مستشفا بس تكنسل
والحين طالعتلي طلعة تبي صيغة المسج ادزهالها عشان بتعزم خالات مرت حماي اللي ماعرفهم وبنات عمام خالتي
اللي ماقدروني ولا امي بأي مناسبه
وامس اعتذرت منها لانها بلغتهم بدون ماتستأذني وطبيعة اهلهم عين حارة وحش وبيون يتفرجون شنو مسويه بالاستقبال
وانا ماحب هالسوالف…
واصلا المبلغ كله دافعته امي واهيا ما ساهمت بولاشي.. وتبي تعزم علي حسابي
فقولولي شنو رايكم وشسوي بهالموقف….
انا الحمدلله ودي اسوي الخير بس هذا موعرس عشان تعزم الدنيا
ودام امج الله يخليها لج الي كرمتج
فمو من حقها تعزم
؛؛؛؛؛
وصراحه مو من حقها تعزم الناس
ليش مو انتم تحددون لهم جم وحدة يعزمونها قولو المكان مايكفي واذا فية مجال خل تعزم بنهاية خالتج
يعني الخاله تسوي وتعزم بس التكاليف على زوجج
احنا كلنا ريياييلنا يسوولنا العشيات وخالتي تعززم
بس اول ياهل اما الثاني لا عشاا خفييف وبيينا
احسن لج افتكي خل ايشوفونج مرة وحدة كاشخة ولا ايولج بيت اهل ريلج ولازم تتزهبين وتكشخين مرة ثانيه ،،
اذا قصدج ماكو مكان فقولي حق خالتج هالشي وحرصي عليها
لا تحبكينها
خو الناس اللي بتجي جاية توجبج
لولا غلاكم ما تعنينا
يا حبيبتي لا تكرهين الناس فيج من غير سبب الخير واجد سوي اللي ناوية عليه و كيفهم
اللي يجي حيا الله و اللي ما يجي ما يشوف شر
يعني بس الحريم الكبار هذا اللي نعرفه ان الريال يقول لامه عن طلوعة مرته ويعطيها فلوس وهي تطلب العشا
ماهي ملزومه امه تدفع
حبيبتي الحين اكثر الناس ما يسوون طلوعه يسافرون ثلاث ايام لاي دوله حتى لو دول الخليج وتخلي البيبي عند امها وخلاص
انا بناتي جذي الاولي بالبيبي الاول سوولها طلوعه والبيبي الثاني وبنتي الثانيه من اول بيبي انا قلت ليش تسوون طلوعه
وعشا سافروا جم يوم واستانسوا والفلوس اللي بتقطونها على العشا صرفوها بالسفره
والله استانسوا حتى رياييلهم استانسوا على هالفكره
والحين اكثر بناتنا يسوون هالطريقه احسن من العشا
وبعدين خلي خالتج اتعزم لا تكبرين السالفه وتكرهينها فيج
وتالي تقولون عين حارة ما صلت ع النبي
الله يهنيج بالبيبي ومع ريلج وماله داعي هالشكليااات كلش
بناات عمهاا أتقبلهاا شوي بس خآلاات مرت حماااج شكووو ..
إيه مااكوو شغل والحساابه بتحسب الضغط كله عليكم ..
إذاا هي تبي تعزم خليهاا تسويلج إستقــبآل وتعزم أهلهاا وطواايفهاا ..
خالتي سوتلي استقبال بسيط بس علي حسابي
يعني انا اللي يبت الموالح والحلو من فلوسي حتي ريلي استحيت اخذ منه ( كنت علي نياتي عروس يديدة استحي من ريلي واهيا استحبت اردها) وفوق هذا مانادت امي ولا احد من اهلي
وريلي مومقصر معاي بفلوس تكفل بمصاريف المستشفا كلها وصاله الاستقبال وتجهيزه
بس للاسف ان فلوس الاستقبال راحت للعناية المركزة لي وللبيبي ( لاني تعبت وايد) وكثر خيره مواعدني بسفرة بس بعدالعيد
لكن اهي امه المفروض العشا موعشاني عشان حفيدتها تسويه حق اهلهم
واستقبالنا محدودين بعدد معين متفقه معاها من قبل بس الحين اشتهت تعزم اهلها الباجين اللي مايعرفوني ولا اعرفهم ولا وجبوني بأي مناسبه
من غير ماتستأذن بالاول
والمفروض اذا تبي تناديهم علي يوم في بيتها حتي لو علي جاي وموالح ويباركولي