استفســـــار حق المتكمميـــــن بالحكومه بليز تعالو هلب هلب

حبيباتي انا رحت الاسبوع الي طاف وخذيت تحويل من المستوصف حق مستشفى الفروانيه قسم جراحه سمنه عشان ابي اسوي عمليه تكميم

الحين لمن اييي موعدي شسوي وين اروح ؟
ووين صاير مكان جراحه السمنه ما اعرف كلش ولا شي

يصير اجهز تحاليلي وشغلي من الحين ؟!

يعني الي اعرفه :

تحليل دم شامل ووظايف غده
وسيوله دم
وبول تكرمون
وسونار كبد وكلى ومراره
ومنظار

عشان لي رحت له بس يحسب كلتلتي ويشوف تحاليلي ؟؟

وابي المنظار وين اسويه ابي مستشفى خاص الي عندها رقم عياده او مستشفى وعلى جم؟

وغير جذي شنو اسوي ما اعرف ولا شي
مكانهم بالفروانيه وين
ولمن اوصل انا اختار الدكتور ولا اهم يحطون لي ؟

وابي نصايحكم كل شي تعرفونه نصحوني فيه بليز لا تبخلون علي

وامانه عليكم لا تحقرون وتطلون على الموضوع وتمشون على الاقل دعوة حلوة تجبر خاطري
واسفه قرقت عليكم وايد

ونصيحه روحي يوم الثلاثا اوالخميس لان هذي مواعيد عياده الدكتور عبيد الحربي

وروحي مبجر وكوني صايمه عشان التحاليل تسوينها بنفس اليوم

راح يعطيج تحليل دم شامل راح ياخذون منج 5 تيوبات دم وبعدها تصعدين فوق

المختبر الدور الاول راح يعطونج جلن فيه بودر هالجلن راح تيمعين فيه البوم لمده يومين وتردينه على طول وله طريقه معينه

بالتجميع واذا ما مشيتي عليها راح تخترب العينه هالتحليل ياخذله 14 يوم وتطلع النتجيه بعدها تروحين المبنى اليديد

عشان تحطين موعد للسونار هالسونار راح يكون شامل للكلى والكبد والمراره والمعده والنتيجه تاخذينها بنفس الوقت

المنظار ياخذ موعد 3 اسابيع تقريبا انا سويته بالاميري ثاني يوم طلبه مني لان عندي واسطه هناك واذا انتي مستعيله سويه

بخاص يكلف المنظار 120 تقريبا او 130 مو اكثر من جذي النظار بنج عام ولازم تروحين صايمه عقب ما تخلصين كل تحاليلج ناخذينهم

عنده مره ثانيه وهني يحددلج موعد العمليه