|
|
استفسار وسوال إلي كوين .. ارجوا المساعده
السلام عليكم ورحمة الله بنات ..
كوين من قبل انا سمعة بانج تستخدمين مانع للحمل التحاميل ..
فحبيت اعرف عنها اكثر وبتفصيل ازا ممكن وسامحيني لو في بعض الاستفسارت احراج بس مضطره لانه ابي اعرف عن الموضوع بشكل شامل ووافي ..
نبدي بالاسائله :
1- منو إلي قال لج عنها وعن طريق منو( دكتور او عن طريق رفيجاتج)؟
2- طيب استخدمتيها إشكثر المده ؟
3- إلي فيها ضعف تبيض او عوائق أوخرى ما تضرها ؟
4- سببت لج اضطرابات بالدوره ؟
5- وبعد استخدامج لها تخربطت عندج الدوره (تجدم او تاخر)؟
6- طيب ممكن استخدامها اكثر من مره باليوم؟
7- إلي يمارسون وايد تفيدهم او لا ؟
8- إشلون طرقة استخدامها بضبط؟
9- انا حابه استخدمه لمده بسيطه 4شهور وبعدها اركب لولب فعادي مو مهم المده ازا بسيط او لا
10- طيب في بعض المرات وقت الممارسه تكون المعاشره اكثر من مره وره بعض شلون تحمليه وحده تكفي ؟
11- وازا بين ممارسه واخره مده بسيطه ساعتين او اكثر نستخدم تحمليه بعد ثانيه ؟
12- ابي اعرف اسم التحاميل ازا ممكن؟
زين تعرفين احد من رفيجاتج او اهلج استعملوها ؟ وهل احملوا عليها او لا ؟
كوين ادري طولتها بس اسفه حبيبتي ابي اعرف عنهم بالتفصيل ومالي إلا انتي ..
وأشكرج مقدما ..
وانتوا بنات لو تعرفون عنها بليز فيدونه واكون شاكره لكم …
شسالفه مافي احد من البنات يعرف عنها وينورني
سوري علي التاخير بس كنت باجازه
المهم وقبل الاجابه
سمحيلي بنقل الموضوع للقسم المختص فيه
1- منو إلي قال لج عنها وعن طريق منو( دكتور او عن طريق رفيجاتج)؟
خواتي كانو يستخدمونها ومنهم عرفتها وبعدين سمعت حجي مو طيب عنهم ( ان نسبه منعهم ضعيفه وانها اتسبب التهابات ولويه) ورحت راجعت دكتور سامر الريس ومدحهم لي قالي اهم شي انج مرتاحه عليهم وماسببولج مشاكل ومناسبين حق منع الحمل
2- طيب استخدمتيها إشكثر المده ؟
من عمر بناتي
يعني سنتين والحمدالله
3- إلي فيها ضعف تبيض او عوائق أوخرى ما تضرها ؟
هذي تاثيرها موضعي ماتاثر علي الهرمونات مثل الحبوب فمالها علاقه بالتاثير علي الهرمونات وافرزهم بس بالنسبه للعوائق الاخرى سمحيلي ماعرف شنو تقصدين فيهم فيفضل تستشرين دكتورتج
4- سببت لج اضطرابات بالدوره ؟
لا نهائيا ، لان مثل ماقلتلج تاثيرها موضعي وليس هرموني فمالها دخل بالدوره او التبويض
5- وبعد استخدامج لها تخربطت عندج الدوره (تجدم او تاخر)؟
الدوره تخربطت عندي بسبه عوامل اخرى ، تغير الوزن بالزياده والنقص ، عوامل نفسيه ، الانيميا الحاده اللي يتني وظروف صحيه اخرى
6- طيب ممكن استخدامها اكثر من مره باليوم؟
اي
7- إلي يمارسون وايد تفيدهم او لا ؟
اهي وسيله لمنع الحمل حالها حال اي وسيله اخرى
8- إشلون طرقة استخدامها بضبط؟
اهي تحميله مهبليه توصع قبل الانتركورس ب 14 دقيقه وتاثيرها لمده ساعتين ، تسبب رطوبه وتعمل علي تغيير الوسط الرحم وبالتالي تعيق حركه السبيرمز وتبطئها وتغير البيئه المناسبه لهم
9- انا حابه استخدمه لمده بسيطه 4شهور وبعدها اركب لولب فعادي مو مهم المده ازا بسيط او لا
مو مهم يوم يويمين شهر شهرين سنه سنتين
10- طيب في بعض المرات وقت الممارسه تكون المعاشره اكثر من مره وره بعض شلون تحمليه وحده تكفي ؟
مده تاثير كل تحميله ساعتين
اذا زدتو علي هالمده تحتاجين ثانيه وهم تنطرين فتره السيف اللي اهي 14 دقيقه
– وازا بين ممارسه واخره مده بسيطه ساعتين او اكثر نستخدم تحمليه بعد ثانيه ؟
اي
12- ابي اعرف اسم التحاميل ازا ممكن؟
ايجن 53
زين تعرفين احد من رفيجاتج او اهلج استعملوها ؟ وهل احملوا عليها او لا ؟
خواتي استخدموها ومشت وياهم تمام
مرت حماي استخدمتهم وحملت من اول تحميله 
والعفو ليزا
واي اساله تفضلي حبوبه
شكرا مره ثانيه
وفيما العجب؟
امممممممممممممممممممممممممممممممممممممممممممم
خلينا على مينوننا
ومره بالروضه
يعني انتي وحظج
علي كل موجودين
وسعرهم ثلاثه وخرده
فيهم 12 حبه
فشله اقوله تحاميل من الحمل
اسمهم ايجن 51
الله لا يوريكم اشلون استعملتهم اول مره, راحت الاخت حطتهم وقعدت انطر ثلث ساعه وانا ادري ان بو الشباب ينطرني , وعقب الثلث ساعه رحت له الدار ولا اهو نايم , عادي تحصل باحسن العا يلات ,قلت خيره وخلني انام وا احس ان شي نزل علي ولا ماده بيضا الي اهي التحميله ذابت ودمرت الدنيا ,جان اروح اغسل واغسل بس ما راحت . عاد اهني حمدت ربي ان ريلي نايم ولا جان لاعت جبده .
ومن يومها وان قاطه القوطي وما استعملته عقبها.