استفسار للي جربوا طفل الانابيب

شرح للعملية .. طفل الأنبوب / تلقيح مجهري مع الفحص الكروموسومي للأجنة قبل زراعتها بالرحم

تراجعي المستشفى يجرون لك مسحة عالرحم و تصوير مهبلي ( سونوجرام ) و تحاليل لك و لزوجك

بعدها تراجعي منشان النتيجة و يحدد الطبيب معك اما العلاج الطويل او القصير

طبعا الفرق بين النوعين راح يكون ببداية العلاج فقط

طلب بدء دورة علاج

تتصلي عليهم اول يوم بالدورة الشهرية

و يحددون لك موعد ثاني او ثالث يوم بالدورة

و بالمستشفى تجري لك الممرضة سونوجرام مهبلي للتأكد من الرحم و المبيض

العلاج الطويل

تاخذي فيه ابرة تحضيرية

بعدها باسبوعين تبدئين

مشوار الأبر المنشطة للمبيض ابرة واحدة في العضل لمدة ست ايام

مع متابعة المستشفى لحجم البويضات و عددها

بكل مبيض لحد ما يوصلون للعدد المطللوب و الحجم المناسب

ويزيد عدد الأيام اللي تاخذي فيها الابرة بالعضل حسب نشاط المبيض عندك

العلاج القصير

ابرتين كل يوم

واحدة في العضل و الأخرى تحت الجلد

لمدة ست ايام

مع متابعة المستشفى لحجم البويضات و عددها

بكل مبيض لحد ما يوصلون للعدد المطللوب و الحجم المناسب

ويزيد عدد الأيام اللي تاخذي فيها الابرتين حسب نشاط المبيض عندك

بعدها في النوعين من العلاج .. الآن بيكون العلاج موحد للاثنين

تاخذي بعدها ابرة تفجيرية بعدها بـ 36 ساعة تستعدين لعملية سحب البويضات

يوم السحب ( سحب البويضات )

و تكوني صايمة تروحي للمستشفى مع زوجك

لأنه تواجده ضروري بهاليوم منشان السائل المنوي

و انت منشان سحب البويضات بالبداية راح ياخذوا العلامات الحيوية

من حرارة و ضغط و يعطونك تحميلة ( مسكن )

و تتخلصي من كل ملابسك و تلبسين روب الفحص الخاص بعملية سحب البويضات

يجهزوك من تحليل دم ومن مغذي بالوريد

و تنتظري دورك للسحب عالسرير تدخلين للغرفة الثانية ومعك ممرضات

أقل ما يقال عنهن ملائكة رحمة

وهناك بغرفة السحب راح يعطونك ابرة تخدير موضعي راح تشوفي

بالشاشة سحب البويضات لكن ماراح تشعرين بأي الم

بعد ما ينتهي السحب راح ترجعين غرفة الملاحظة منشان يتأكدون من سلامتك

مدة ساعة او اكثر و راح يخبروك بهالوقت عدد البويضات اللي تم سحبها

وراح تغادري المستشفى بنفس اليوم

بالبيت ممكن تعاني من مغص بسيط وتاخذي مشانه مسكن

( فترة تكون الأجنة ) أصعب فترة تسلحي بالدعاء و الصلاة و القرآن و المناجاة

باليوم الثاني او الثالث الى الخامس راح يتصلون فيك المستشفى

و يخبرونك اذا تكون عندك اجنة و باي يوم راح يكون ترجيعها و زراعتها بالرحم

طبعا لو في العيلة امراض وراثية معروفة لدى المستشفى الكروموسومات المسببة لها

راح ياخذون من خلية من كل جنين و يفحصونها اذا كانت سليمة و لا فيها مرض و راثي

منشان يتم زراعة الأجنة السليمة الخالية من الأمراض فقط

يوم ترجيع الأجنة

تروحي لموعد الترجيع و المثانة مليانة و يقوم الطبيب بزراعة الاجنة بالرحم

الإجراء غير مؤلم بس مزعج بسبب ضغط جهاز السونار على بطنك و المثانة مليانة

راح يرجع لك الطبيب الأجنة المتوفرة على ان لا يقل عن جنين و ما يزيد عن 3 و الباقي يجمد بموافقة الزوجين

و راح يعطيك بعدها ابرة مثبتة

الهرمونات المثبتة

بتكون إما ابر في العضل للعلاج الطويل

او تحاميل للعلاج القصير

راح تستمري عليها 3 أشهر اذا كان في حمل

اختبار الحمل

بعدها بأسبوعين يجري لك الطبيب فحص حمل

اذا كان ايجابي بعدها بأربع و عشرين يوم يجري لك الطبيب سونار للتأكد من

وجود جنين و عدد الأجنة

فتاة حااااااااااااااااااااااااااااااااالمه

عساج الجنه البارده والله يوفقج ياختي

ربي لا تذرني فردا وانت خير الوارثين

الله يرزقج الذريه الصالحه .. انا مسويه اطفال انابيب .. واذا سويتيهاا انصحج انج ما تتحركين كلش ودايما شربي حليب واكل ومفيد ومن الاكل الممنوع لمه تعالجين وتسوين العمليه المشروبات الغازيه و الككاو والقهوه اي شي فيه كافيين ممنوع حتى الجاي وعسى ربي يتمملج على خير

الله يتمم لج ويرزقج بالذرية الصالحة

انا انشالله ناويه ثاني يوم من الدوره اليايه اروح حق الدكتور ناهض واقوله ابي اسويحقن مجهري