استفسار عن حضانات صباح السالم والمناطق المجاورة

السلام عليكم ورحمة الله :
اخواتي الحبيبات بغيت اساكم اذا عندكم فكرة عن حضانات في صباح السالم والمناطق المجاورة كمستوى وكسعر؟
جزاكم الله خير

بصباح السالم حضانة الابداع واسعارهم زينه بالشهر 60

اي والله جان زين انا بعد ودي ادخل ولدي حضانه

الابداع ب قطعة 5 يم برجر كنج

عجيـــــــــــــــــــــــــــــــــبة الصراحة تودين عيالج وبالج متطمن والستاف كلهم يهبلووون عن تجربة

انا بنتي عندهم من الحضانه والسنه الياية تروح ثانية روضة هم عندهم والله لو بعد فيه ابتدائي هم خليتها

صج صج صج روووووووووووووووووووووعة

الحضانه الشهر صار الحين ب 65

انا دخلت بنتي حضانه abc عمارات المسيله يم مدرسه الرؤيه وااايد زينه وعلموها كل شي معنى انا دخلتها بس كورس حسافه والله لو ادري مدخلتها من قبل بس الحين راح تروح الروضه انصحج فيها وسعرها بالشهر 50 بس يستاهلون اكثر وسووا لهم حفله تخرج بصاله وكانت الحفله روعه ماقصروا

شنو مميزات الابداع ياريت تكتبون بالتفصيلل يعني شنو يعلمونهم وفيها انجليزي

انا ولدي عمره سنه هالعمر مناسب للحضاضنه والا توه صغير

وabc شنو مميزاتها وبرامجهم

اي صح ابي ارقامهم لو سمحتووو

انا ولدي حضانه بروي
الحمدالله زينه
بس عيبهم صفهم زحمه
بس ولدي مرتاح لها
والستاف يهبلون يخافون على سمعتهم ويتقبلون الشكاوي برحابه صدر

وناويه ادخل بناتي عقب رمضان

مشكورين حبيبات وما قصرتو انا مايل قلبي للابداع والله يكتب اللي فيه الخير
واذا تعرفون حضانات في العدان عطوني فكرة
جزاكم الله كل الخير .

مشكورين حبيبات وما قصرتو انا مايل قلبي للابداع والله يكتب اللي فيه الخير
واذا تعرفون حضانات في العدان عطوني فكرة
جزاكم الله كل الخير .

مشكورين حبيبات وما قصرتو انا مايل قلبي للابداع والله يكتب اللي فيه الخير
واذا تعرفون حضانات في العدان عطوني فكرة
جزاكم الله كل الخير .

هل من مجيب؟؟؟؟؟؟؟؟؟

حضانات العدان واايد بس انا اللي دخلتها وشفتها واايد حلوة ومديرتهم ممتازة (( بيبي اكاديمي))
ورفيجتي امدخله بنتها (( سبائك النوذجية )) اللي بالعدان
وفي ((كاس كيدز))
وفي ((حامل المسك))

أنا جربت حضانة الابداع بصباح السالم عندهم قسمين واحد بالعماير ورى البطريق وواحد بقطعة 5 بس أنا افضل الي بقطعة5 لان عندهم حديقة كبيرة حق يلعبون فيها الاطفال.
مميزاتهم: أهم شي تعاملهم مع الاطفال حلو وحنونين
يعلمونهم عربي وe ويحفظونهم قرآن
وسعرهم بالشهر65
آنا جربت أبلة أمل ممتازة حييل بس ألحين صارت اتدرس بالروضة وعندج أبلة بدور بعد تهبل