استفسار ضروري الحامل والسفر

السلام عليكم ورحمة الله وبركاته..

حبيباتي كويتيات عفيه منو سافرت وهي حامل بالطياره عادي ولا في خطوره

انا فالشهر السادس وهالاسبوع بسافر حق ماليزيا وماراح اطول

وضعي بالحمل اوكي طبيعي ماعندي اي مشااكل حاليا هل في خطوره السفر لي

منو سافرت واهي حامل لان الرحله 7 ساعات بالطياره ..

اتمنى ألاقي الاجابه عندكم وتجاربكم ومشكورين مقدما ……….

حبيبتي بدام الدكتوره قالت وضعج طبيعي يعني خلاص رووحي والألب دااعييلك انا بعد سافرت ماليزيا وبالسادس اسبوع تغير جوو بس بالطياره قالتلي الدكتوره امشي تمشي شويه حركي ريلج وكثري من شرب الماي وهناك لاتجهدين نفسج يعني تمشي بالمجمات لا تعبين نفسج وايد وماكو الا العافيه وياما بنات اعرفهم سافروا بالثامن بعد

الله يطمن قلبج يااارب مشكوره حبيبتي الله يعطيج العافيه

ماقصرتي بس لازم اخذ ورقه من الدكتوره ولا عادي مو ضروري اخاف يلعوزوني بالطياره او اشعة التفتيش او شي

شالله حادج الطيارة قعدتها تلوع الجبد وانتي مو حامل فما بالج وانتي بالسادس واذا مصممه لازم تاخذين روقه موافقه من دكتورتج عشان المطار ما يلعوزونج

انا راح اسافر بالسابع بس لازم اخذ موافقه من دكتورتي عشان لمن اركب الطيارة مايسوون لي سالفه

حبوبتى استخيرى ترى السفرة طويلة موسجدة وتسليمة

ولا تحطين نفسج فى شغلات انت فى غنى عنها فهمتى يعنى ولادة مبكرة وانت فى الغربة وبعد ممكن ادوات ودم ملوث

ترى صارت حق وحدة سنة من السنين

وعسى تولدين بالسلامة ويامالج من السفرات والخير ان شاء الله

انا سافرت وكنت بالسابع بس رحلتي كانت قصيره لمصر مدتها ساعه ونص بالطياره بس انتي 7 ساعات كثير
احسها مغامره وبعدين ماراح تستانين وتمشين وانتي حامل