استفسار بخصوص الوسائل

قوه يا ابلات ياحلوين والله صرت احتار ياربي انا مرتبه واهتم بالوسائل يعني بطاقاتي احطهم بفايل واهتم بترتيبهم والصور احاول اغلفهم تغليف حراري ووسائلي احطهم بسله والصور بفايلات واووزعهم بفايل كل موضوع له صور خاصه … المهم مو هذا موضوعنا اللي يبط جبدي الاستغلال ….. يعني ابلات عندهم كل الامكانات وتطلب منج كل شي ممكن اخذ صورج ممكن شفافيه ممكن قلم عريض مو مره لا بشكل مستمررررررر يعني اذا كنتي مرتبه ومهتمه بشغلج بصراحه يعز عليج توزعين شغلج على الناس لا واذا عندج حصه وتبين شغلج والاخت لي اللحين ما شرفت القسم قعدي نطريها عشان تاخذين شغلج شرايكم بنات انا نحيسه ولا شسالفه …. لا واللي معانا يطالبونج جنهم يامرونج شرايكم بنات ؟

لا مو نحيسسه صج قلبج يعورج اذا نفس ما تقولين …

بس

اذا ياخذون منج ويردونهم نفس ما كانوا ما فيها شي مارده بيي يوم ناسيه ورقه ولا وسيله بتطلبين منهم عادي ما فيها شي

بس ياخذونها وعندجح حصه ويتاخرون لا والله يضايق

انا معاج اختي و الله حرام يعني تتعبين و تسوين وسايل
وغيرج يبي عالجاهز
و اللي يقهر انه يتأخرون ما يردونه بالوقت المناسب
انا تدرين شنو قمت اسوي اللي تطلب مني شي اقولها ما عندي او بستعمله ف ما قامو يطلبون مني شي
ما عدا صديقتي الصدوقة قاعدة يمي انا مثلا اسوي صور و اهي تسوي شفافيات و نتبادل مع بعض
اذا حصتي ورا حصتها اتطرشهم لي الصف والعكس

مشكورين حبايبي انا مثلج كريمه وحده من رفيجاتي اتينن انا وياها دايم نتبادل شغلنا الافضل دايما بالفسم اعطيها وتعطيني لكن الباجي بس تاخذ ماتعطي ياربي يعني يعز عليج والله لا وتطلبه قبله بيوم يعني تبيه زاهب وساعات تاخذ وسيله ماترجعها يعني مو حريصين الا اذا قلتيليها فلانه وين وسيلتي مو حاله والله مليت من الفوضى

لايشوفون شغلج كلش اوو قولي سوري بستخدمه

اي او قوليها بصوت عالي للكل بنات سووري وسايلي تعز علي انتووا ماتحافظون عليها بلليز لحد يستعير مني يعني نغزة للكل

اذا ماكنتي جريئة ياكلونج بقشورج
حلالج وكلهم ماعليهم قاصر

اي والله لا تروح صج بعض الابلات للاسف ما يستحون لازم شوي اغير اسلوبي معاهم واصير جريئه

بالتوفيق