استفسار بخصوص العلاج داخل الكويت لزوج كويتي وزوجة غير كويتية!!

حبيباتي كيفكم بتمنى تكونو بأتم صحة وعافية عندي سؤال الله يخليكم تفيدوني بأسرع وقت ممكن لإنه هدا قرار مصيري ولازم نتوكل على رب العالمين ونرتب أمورنا أنا وزوجي قبل ما نعمل أي شيء

سؤالي حبيباتي: أنا زوجي كويتي وأنا غير كويتية هل بيحقلنا نقدم أوراقنا إنه نعمل عملية طفل الأنابيب ونتعالج في مستشفى خاص داخل الكويت على حساب الحكومة؟؟؟ ولو ممكن نقدم بما إنه زوجي كويتي شو الخطوات يلي لازم نتبعها ؟؟

بليز يلي عندها أي فكرة ترد علي وتفيدني والله يجزيكم ألف خير ويرزقكم ويرزقنا

1- تزوجنا من أربع سنوات وما حملت ولا مرة.
2- أنا فيني تكيس ونسبة الحمل الطبيعي عندي 10%
3- زوجي عنده ضعف شديد في الحركة (الحيوانات المنوية) والحيوانات المنوية يلي بتوصل داخل الرحم للبويضة 0 صفر.
4- تعالجت أنا في أكتر من مكان في الكويت كلوميد ومنشطات ومافي فايدة.
5عملنا عملية طفل الأنابيب خارج الكويت قبل شهر وفشلت.
6- حابين نحاول نسوي العملية داخل الكويت في مستشفى خاص على حساب الحكومة.

هاي بعض المعلومات وبتمنى تفيدوني والله العظيم مستعدة اعطي قطعه من قلبي للي محتاج بس اشوف الضنى وأحمل يا الله بس أحمل أصير أم ادعولي وفيدوني خواتي الله يخليكم

زوجج وين يشتغل؟؟

توكلي علي الله و قدمي اوراقك الله يرزقك

زوجي يشتغل في وزارة الكهربا. شلون يعني وزارة الدفاع يعني كيف ممكن نقدم؟؟ أنا بصراحة مو حابة أقدم أوراقي برا الكويت حابة في الكويت في دار الشفاء عند أسامة صالحة وايد مدحولي فيه بعدين انا مستحيل أروح برا بروحي ما أقدر بدون امي أو حد يكون وياي مستحيل طيب وين أروح أقدم اوراقي جزاكم الله خير على ردكم حبيباتي

حبيبتي خلي زوجج يروح لمبنى العلاج بالخارج عند مستشفيات الصباح ويستفسر ويسأل
تراهم متساهلين حيييل واتوقع بيعالجونكم على حسابهم بالكويت واذا وافقوا عليكم وكل شيء اوكي راح يقولون لج اي مستشفى تبين
عاد انتي طلبي اسامه صالحه وان شاءالله كل شيء سهالات و الله يرزقج يارب

ونسيت اقولج لااااازم تاخذون معاكم تقرير من المستشفى اللي سويتوا عنده طفل انبوووب علشان تقدمونه على العلاج بالخارج

لا تحاتين بما انك زوجت كويتي وام كويتين باذن الله بس كتبي كتاب استثناء للوكيل او الوزير تري جدا عادي واقل من العادي يوقع لك لامانع وتتكلين علي الله ….

ضى الايمان

ياعمرى يا اوتار الحنين اول شى عسى الله يرزقج بالذرية الصالحه عاجلا غير اجلا اللهم امين يارب 000

ياعمرى عادى يصير لانه احد الشروط انه يكون احد الزوجين كويتى ودام زوجج كويتى يحق لكم ما فيها كلام ياعمرى قدموا اوراقكم بادارة العلاج بالخارج اللى بمستشفى الولادة اللى بالصباح واخذوا معاكم كل تقاريركم واوراق العمليات اللى سويتها والله يوفقكم ان شاء الله ويرزقكم بالذرية الصالحة عاجلا غيلا اجلا اللهم امين يارب العاملين 000

وعسى الله يرزقنى ويرزقج ويرزق كل محروم ومحرومه منهم اللهم امين يارب

!!

غريبه

عمر الكويت ما تنظر لجنسيه الزوجه

اذا زوجك كويتي انتي بتصيرين كويتيه بس اعتقد في فتره اذا عديتيها تصيرين كويتيه
وهالقانون بالكويت فقط لان كل دول العالم ما تطلع الزوجات الاجنبيات من اصلهم الا الكويت تمنح الجنسيه
وطبعا الجنسيه الكويتيه مو اي جنسيه يابختها اللي تاخذها

ياحلو الكويت والله

حبيبتي عادي
زوجي رفيجه كويتي وزوجته ايرانية وعالجو بالكويت سنه كامله ( بعد 3 سنوات زواج ) تالي الدكتورة رائدة الفضلي بمستشفى الانابيب بالصباح لمن شافت الريال ماله علاج بالديه حولته على لجنة العلاج بالخارج تالي وافقوعليهم وراحو امريكا من نص 9 وارجعو شهر 2 او 3 مااتذكر المهم وزوجته حامل الله يثبته لها
فعااااااادي

الله كريم يا رب يرزقنا ويسهللنا مشكورة حبيبتي ما قصرتي وإن شاء الله يرزقنا ويرزقكم بالذرية الصالحة

ممكن أنا أروح لإنه زوجي عنده دورة بالوزارة وما يقدر أبدا ياخد أذونات أو إجازة لغاية آخر شهر 6 ؟؟ وشو الأوراق بالضبط يلي ناخدها معنا؟؟؟ ويعطيكي العافية حبيبتي

عمي والد زوجي كان يشتغل عقيد في الجيش لكن الحين توفى الله يرحمه ممكن هذا الشي يفيدنا؟؟ وبعدين وزوجي وحمولتي كلهم بيتعالجو في المستشفى العسكري هل هذا الشي راح يساعدنا نقدم ؟؟؟ ولو في وزارة الدفاع وين وشلون الطريقة آسفة طولت عليكي

ممكن حبيبتي تفهميني أكتر شنو نوع الكتاب يلي أكتبه وشنو أذكر فيه بالضبط؟؟

يا عمري تسلميلي والله يرزقك من أوسع أبوابه ياااااااااااااااااااااااااا كريم أنا سويت عملية طفل أنابيب وحده آخدها وأخد التقرير عن حالتي وحالة زوجي كافي أو بعد يبون اوراق أكتر؟؟؟