استفساراات عن الحمل ؟؟

بناات انا الحمدلله توني حامل ماصارلي شهر بس بغيت اعرف توه هذا بجري انشالله شسوي شنو الشي اللي لازم اوخر عنه بالاكل صج القهوه مو زينه ولا عادي اشربها ما اضر ونسكافيه وربعه … وشلون الاكل صايره اكل شي وانتو بكرامه احس بلوعه بس ارجعه غصب والكل يقولي موزين جذي بس ما اقدر ارتاح الا عقب ما ارجع وبالغصب … وشلون الجماع وقت الحمل عادي ماياثر ؟ وعن المشي يقولولي كله لاتمشين لا تمشين مايصير يعني اروح السوق واحوس وامشي؟ ودي اروح الافنيوز بس خايفه عشان مشي وايد ؟ شوري علي توني غشيمه ودعواتكم الله يتمم علي على خير

اهلييين خيتو اول شي مبروووك ويتربى بعزج … انا لا متزوجه ولا حتى حامل بس اهلي ماشالله عرفت منهم كل شي .. شوفي حبوبه الي قاعده تسمعينه كله صح لازم ما تشربين اشياء حاره بس القهوه عاااادي ما تضر بشي والله اختي من اول ما احملت واهي تشرب بس يعني مو تكثرين وايد وايد .. والمشي خاصتا بهالفتره كللللش مو زين مو زيييين ديري بالج تمشين الحين وانتي بعدج .. واذا على اللوعه عاااادي لا تخافين هذا شي طبيعي بس كثري من الفواكه والخضروات اكيد هذا حيييل زين حق صحة البيبي وديري بالج من الوجبااات وانتي حامل ترا والله مو زييييين كلش وحتى البيبسي سمعي كلامي البيبسي كلش مو زين شربي اذا كنتي حدج مشتهيته وبعدين العصير في فيتامينات اكثر وافيد

.. وكل يوم الصبح اذا كنتي تطلعين يعني لااازم تتريقييين لو انشالله نص توسته وحليب اذا طلعتي بدون ريوق راح ادوخييين وتتعبين وانشالله بس يمر عليج 3 شهور ويتثبت البيبي راح يكون كل شي عادي والله يتمم عليج حبوبه

مشكووووره وماقصرتيي صج هالمعلومات اللي احتاجهاا بس انا احاتي زياده الوزن خايفه منها

لووووووووووول زيادة الوزن نطري ما شفتي شي عيل انتي لمن تولدين شوفي زيادة الوزن على اصولها خخخ

نسيت اقولج اذا انحصرتي مو تاجلين الحماااااام لوووول تخنقين البيبي خخ حرام الله يقومج بالسلامه واذا اي شي تبين انا حاضر .. ولا تنامين على بطنج ولا على ظهرج كله عالجنب هذا اهم شي

ويييه انا ما اعرف الا على بطني والحين يالله قاعد احاول عل الجنب والظهر بس غالبا قمت انام على ظهري
لاتخرعيني عل الوزن بروحي متعقده يامعوده

لوووووول اي لي السابع تقدرين تنامين على ظهرج بس بعدها ما تقدرين لوووول بس عودي نفسج خووو

قوة حبوبة انتي تاخذين حبوب اللوعه ولا لأ؟ وفي حبوب لازم تاخينها تعرفينها؟

السلام عليكم ..الف مبروك والله يتمم لج ولي وللجميع على خير يارب…
حبيبتي بالنسبه للوعه عادي بس اذا وايد مضايقتج قولي للدكتوره مالتج توصف لج حبوب لوعه انا بيني وبينج كانت تيني لوووعه تموت بس وصفت لي دكتورتي حبوب اللوعه قالت لي وقت الضروره حسيت انها شوي قويه هالحبوب قلت اوكي والله صارلها شهرين وزود والعلبه مالمستها اضغط على عمري واتحمل ماودي اكلها والحمدلله خفت اللحين بس حاولي ماتاكلين شيء في زيت وايد ولا حامض ولا مملح لانه يسوي حموضه ولوعه بنفس الوقت …حبيبتي في حبوب لازم تاخذينها من تحملين الين شهرجالثالث وتوقفينهم اسمها حمض الفوليك هذي يساعد البيبي يعطيه حديد..لانه بهالفتره مايبي اكل يبي حديد بس اصلا في دكتورات يوصفونها للوحده قبل ماتحمل علشان يهيئ الرحم للحمل… وماتضر لانه كله يروح بالبول عزكم الله…يعني ماتخوف …وريحي روحج ولاتشيلين اشياء ثقيله توج وضعج حساس وايد هالفتره اذا عديتي الثالث سوي اللي تبينه حياتي نظمينومج بحيث انج تاكلين جميع الوجبات
لاتخافين ماراح تمتنين بالاشهر الاولى بينزل وزنج طبيعي بس بعدها لازم لانج بتبدين تاكلين عن شخصين ولاتحطين ببالج السمنه يعني مو تحرمين روحج من الاكل لاتنسي فيج روح ثانيه بذمتج لازم توكلينه وتغذينه….واذا ولدتي مو شرط تسمنين على حسب طبيعة جسمج وطريقة اكلج اهم شيء اكلي اللي فيه فايده لج وللياهل…
الله ييسر امرج ويسهل عليج رب العالمين وتقومين بالسلامه…

حبوب الللوعه اسمه Navidoxine وفي حبوب اديده نازلة اسمها بريجنا بلان بس احتمال هذا خالص لان يابو شوي منه وصار ضغط كبير عليه فاحتمال يكون خالص في بداله اسمه بريجنا كير هذا عبارة عن فيتامينات وحديد وفوليك اسيد 400 كله مع بعض هذا ضروري تاخذينه وتقدرين من الحين احسنلج اخذي وهم سالي دكتورتج موفقه حبوبة