استفتاء عن تجاربكم مع الجاي الاخضر

هاي بنات

ابي تجاربكم مع الجاي الاخضر وشنو احسن نو ع

انا جربت الجاي الاخضر مال ليبتون بس ما سوا شي عادي حده

انا الشاي الاخضر ما اقدر عليه ما ادري ليش بس اشربه احس الم في معدتي اذا وحده تعرف ليش تفيديني لان ودي اشربه يقولون زين للكلسترول

والله ان أشتريه ويظل عندي لما تتنتهي مدته بس رفيجاتي حيل يمدحونه وبعد يمدحون شاي رويال إلي يمشي البطن

رويال معرروف احسن من ليبتون ترى ليبتون مو شي عن كلام البنات الي جربوه وكوالتي بعد يمدحونه
بالتوفيج

الشاي الأخضر وايد مفيد لأنه معروف عنه كمضاد للأكسده في محل إسمه art teaوتلاقينه في جاليريا 2000

حبيبتي شوفـي اذا من ناحية الصحه يقولون وايد زين

بس اذا ناحية الرجيم انا عادي ما اشوف فرق كلش

الشاي الاخضر مفيد لصحه والدوره الدمويه وللبشره ومضاد للاكسده والخلايا السرطانيه
واللي تبي تستخدم لرجيم تشرب مع الزنجبيل بس لا تكثرينا لان حار بصيف ونعناع

انا شربته مره وقلبت جبدي مادري شلون يشربونه مرتين و3 مرات باليوم!!
بس يقولون يضعف حتى قبل المساج الصيني يعطون الزبونه تشربه!!

أنا أحط معاه نعناع طازج أو حبق
يصير طعمه مقبول وأقدر أشربه بس طيح شعري

اخذي اي نوع
انا خففت الغدا وقطعت العشا وكنت اشرب يوميا
والله فرق معاي بسرعه بس لازم تشربينه بدون سكر وتحطين جيس الجاي لمده ثلاث دقايق بس وتشيلينه

لازم من دون سكر ؟؟

انا اشربه مع سكر بس احط شووي يعني جذي ما ينفع ؟؟

عادي سكر مو مشكله انا اشربه مع سكر بس دايت سكر

تروبيكانا او الاسمر عادي .. تقدرون تحطون معاه نعناع طبيعي بعد حلوو

وايد مفيد حق كل الجسم الجاي الاخضر ..

انا احبة واحسة يخفف الاكل بسررعة اذا كنت مثقلة ووايد نفعني مع الرجييم

اول شي ماحبيتة بس شربتة مرتين ثلاث والحيين ما استغنى عنه كلش لازم بعد كل وجبة

تجربتي معاه روعه من اسبوع فرقت مقاساتي ( بس جربت شاي اخضر من ربيع ) عجيب عجيب هالنوع ولا استمريت الا من بعده باجي الانواع ماحبيتها

واحط معاه زنجبيل شويه

وطبعا بدون سكر مفيد اكثر واحسن للضعف

شوفي موضوعي عنه واااايد مقاساتي وجسمي تغير لدرجه الكل قالي ضعفتي الحمدلله

بصراحه الشاي الاخضر عجيب ماكنت اهتم قبل بس الحين ما اشرب غيره

واااااااااايد زين

بس انا مالت علي ما استمريت

انا اشرب الربيع بدون سكر