|
|
السلام عليكم ورحمة الله وبركاته
سؤالي للمعلمات اللي عندها اكثر من صف واحد:
.gif "Eh S(10)")
شنو نظامج بدفتر التحضير؟؟
1) دفتر تحضير واحد تقسيمنه بالنص من بداية الكورس وكل نص لواحد من الصفوف والكورس الثاني تييبين يديد ونفس الموضوع؟؟
2) لكل صف دفتر تحضير؟؟
3) دفتر تحضير واحد وما تقسمينه تحضرين تتابعي : يعني تحضرين للصف اللي حصته قبل لهذا اليوم والصفحه اللي وراها تحضرين للصف اللي حصته عقب؟؟
أنزين اذا بقى اخر الكورس الاول اوراق بغض النظر عن اي طريقه للتحضير من اللي فوق:
1) تكملين الكورس الثاني تحضيرج فيه لين يخلص بعدين تييبين يديد؟؟
2) من بداية الكورس الثاني تييبين يديد وتبدين بدايه يديده؟؟
أنا بالنسبه لي بالميداني والكورس اللي فات اتبعت الطريقه الثالثه بالتحضير وسألني الموجه انتي متبعه هالطريقه؟؟ قلتله اي يضايقك في مشكله؟؟ قاللي لا براحتج بس يفضل تفصلينهم لمصلحتج في حال تغير الجدول او بتغيرين تحضيرج او كتبتي شي غلط وبتردين تعيدينه فما تشقين ورقه وراها كاتبه للصف الثاني ويصير عليج الشغل دبل .gif "Eh S(4)")
والحين محتاره اي طريقه استخدم .gif "Eh S(1)")
نبي رايكم ياحلويييييييييييين .gif "Eh S(17)")
يعني الموضوع مبين من العنوان وماعتقد ماعندكم فكره عن التحضير
فيكون عندي دفترين تحضير واحد لمرحله ثالثه و دفتر لمرحلة رابعه
اذا عندي صفين ثالثه الصفين في نفس الدفتر لان بيدرسون نفس الدروس بس اذا صادف صف سبق الثاني بالدروس التاريخ الي اكتبه على الدرس يوضح هذا
و الكورس الثاني افضل دفتر تحضير يديد لان يكون اخف على لما اشيله لان دفتري بالكورس الاول ملصقه اوراق العمل و الاختبارات و توجيهات التوجيه الفني
يعني مليان و افضل دفتر يديد
انا هذي طريقتي
حاطه فوق مكان تاريخ ويوم والصف
اول ما ادش الحصه اسجل مثلا تاريخ 7|9 يوم الاربعا صف 12|3
طبعا انا ادرس ثنويه
تبين نصيحتي الاريح و الارتب و الاخف
كل صف بدفتر
اخف و احسن
انا بالميداني صفين بملف بس الملف ثقل صار ثقيل و انا عندي طريق كل دفتر تحضير اخصص اخر 20 ورقه حق اوراق العمل الزايد ماقطه عشان البنات لي ضيعوا و لا الغيابه الا يكون اوراق العمل موجوده
نصيحتي خلي كل صف بروح و غلفي الدفترين بنفس الاسلوب بس مع تغيير الالوان
يعني صف خلفيه ورديه و صف برتقاليه
و احسنلج خاصه انج دفتر مو ملف
بس اخرتي باخذ دفترين لكل مرحله دفتر وافتك :
انا بالميداني صفين وهذي طريقتي وحيل عجبت الموجه والمدرسة الأولى
وانا افضل طريقه كل مرحله دفتر تحضير
بس كل صف الدفتر نفسه
اذا كل صف دفتر بيصير لويه يمكن يصادفون الصفوف نفس اليوم فحده لويه
واذا خلص الكورس ..
أبدي بدفتر ثآني .. شحقآ وآحد ..
مآ أأيد التقسيم أبداً ..
موفقه ..
اما اذا عطونا صفين لمرحلة وحده فراح اطتفي بدفتر واحد
ومشكورة على الموضوع
تقريبا درست 4 صفوف بالميدااني وكله مرحله حااطه قبلها الصف الثاني او الثالث ودرست مرحلتين ثانيه وثالثه
أحس مادري ملف واحد احسن من واايد ملفات وبعطيج مثال
اليوم عندج صف مثلا ثااانيه وقعدتي بالمدرسه ومااعندج شيء وتبين تحضرين حق مثلاا درس باجر او اللي عقبه حق مرحله ثالثه !! ودفترج مال مرحله ثالثه ما يبتيه وتبينه ضروري تبين منه جم شغله !! شتسوين راح تتوهقيين !! وتتعطليين وراح تحتااجين اتيبيين كل المرااحل وملفاااتج اللي ادرسينهااا وهل شيء رااح يتعبج
اماا اذا كاان ملف وااحد ومقسم واايد افضل عن نفسي اشوووف ,, مع احتراامي براي بااجي المعلمااات .gif "Eh S(7)")
كل مرحله لها دفتر
هذا موضوع منتهين منه
مو كل صف
و العملي غير .. يطوفون لكم على اساس انكم للحين مو معلمات رسمي
مثلا عندج صفين اولى و صف رابعه .. خلاص دفتر حق اولى و دفتر حق رابعه حسبو حسابكم مو عقب اسبوع تحطون موضوع تتحلطمون على رئيسات اقسامكم لانهم قالو لكم هاتو دفتر يديد .. هههههههههه <<< خافت على زميلاتها : ))
فراي .. الملف يتحمل الاضافة و التعديل حتى لو ما شريتي جيوب تكفي بعدين عبيه … مبدئيا الفصل الاول تقريبا 16 اسبوع
5×16 = 80
انا عن نفسي اشتري علب من الجيوب هذي اللي فيها 100 حبه لان سجلاتي وايد ما اذكر حسبت بصراحه بس حاولت افيدج و موفقه
|
المشاركة الأصلية كتبت بواسطة ابلة غزالة
 بالنسبه لمادتي العلوم احنا يعطونا مرحلتين مثلا ثالثه و رابعه
فيكون عندي دفترين تحضير واحد لمرحله ثالثه و دفتر لمرحلة رابعه اذا عندي صفين ثالثه الصفين في نفس الدفتر لان بيدرسون نفس الدروس بس اذا صادف صف سبق الثاني بالدروس التاريخ الي اكتبه على الدرس يوضح هذا و الكورس الثاني افضل دفتر تحضير يديد لان يكون اخف على لما اشيله لان دفتري بالكورس الاول ملصقه اوراق العمل و الاختبارات و توجيهات التوجيه الفني |
نفس طريقتها بالضبط .gif "Eh S(15)")