|
|
بنات بسألكم جم سؤال يدور فبالي
اول شي قبل لا اسأل ادعولي ان شاء الله يارب اولد طبيعي مو قيصري بس كمعلومات بعرفها
1- جم يوم ما تقدرين تمشين من الجرح وتحسين بالالم؟!
2- تضعفين بسرعه عقب العمليه نفس الطبيعي؟!
3-عقب شكثر تبدين رياضه ؟!
4- عقب شكثر يبرى الجرح ؟!
5- صج القيصريه تخرب الجسم وتسوي كرشه ؟!
6- شنو مساوئ القيصريه ؟!
الحين بالنسبه للطبيعيه:
1- هل يكون الجرح تحت واضح وكبير ؟!
2- يعني الوحده شلون تدش الحمام عزكم الله وفي خياط من تحت ؟!
3- وهل عوار الخياط يعور واايد ؟!
4- شكثر ياخذ على ما يبرى ؟!
5- وعقب شكثر اقدر اسوي رياضه ؟!
6-وعقب شكثر الجسم يرجع طبيعي واضعف؟!
وبنات بسألكم بالنسبه للصروال اللي يصير نفس كورسيه اللي ينباع في ماكس
انا احس سيره شوي قوي يمسك يعني
هذا اقدر البسه اول ما اولد ؟! ولا حاله حال الكورسيه بعد اسبوع عالاقل ؟!
وثانكيووو
وبلاربعين تربط البطن بشماغ احسن شيء الكورسيه ينزل الرحم مو زين
اب
أنا بعد بجرية وياريت تفيدونا
يعطيج العافية اختي على الأسئلة صج مفيدة *
اول جم يوم عذاب لانج ماتقدرين تتحركين وعوار يتم وراها بفتره
يعني وقت الدوره تحسين بعوار مكان جرح خفيف اهو مثل نغزات
وانا ماراحت بطني كلش
بس شفت بنات راحت ماشاء الله واهم قيصري والدين
عشان جذي يعتمد على عنايه الوحده
وشريته ولبسته عقب اسبوع
حيل ريحني بصراحه
وبطني بعد الاربعين البس كورسيه من انور طول اليوم واقطه بليل طبعا
والحمدلله كرش عادي
اشد حيلي بالرجميم بعد الربعين ودايماً اشفط بطني عشان تشد العضلات
وبعد ستة شهور ارجع للوزن المثلالي والحمدلله
عوار العمليه انا اخر قيصري خذيت ابرة ظهر تهبل مفهولها يطول صوب الجرح يعني حيل فرق عم البنج الكامل
مفروض او اسبوع يحوشني عوار بس صج حاشني بس حيل حيل خفيف وعادي فرق عن البنج العام
واسال الله ان يرزقج بالولاده السهله الي فيها الخير لج وللبيبي
ترا السهالات من ربج
وكلي امرج مع يقين من قلبج وراح تشوفين العجب العجاب
ويسخرلج عبيده من الى
ويسهل كل امورج
لكل حدثٍ ٍٍ حديث
عن أبي هريرة – رضي الله عنه – قال : قال النبي – صلى الله عليه وسلم – : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم
يا رب تبشرينا عن قريب
حبيبتي انا جربت قيصريتين
اول قيصرية علي بنتي البجر وثاني قيصرية سويتها قبل ١٢ يوم ؛) وولدت بالسلامه وولله الحمد ويبت ولدي
بالنسبه لاول مرة انا اقولج اياها كنت وايد تعبانه خذيت بنج عام وماقدر اكح ماقدر امشي او اعطس لان الجسم كله معتمد علي عضلات البطن
كانت السستر تقولي امشي امشي كلما ما مشيتي تتحسنين وانا ما كنت امشي بنصيحتها وكنت وايد اتألم
بس الحمدلله العوار راح بالتدريج يعني باليوم الخامس تعافيت عدل مدل
بالنسبه للولادة الثانية
خذيت نص بنج وايد اريح لان البنج العام يدوخ ويخليج تعبانه طول الوقت ومو بوعيج
بالنسبه للعوار الحمدلله رب العالمين وماشاءالله ما طولت خلال ٢٤ ساعه من بعد العملية مشيت عدل والالم خفيف جدا
والسبب شنو ؟! اول شي المسكنات والابر واهم شي اني انا قمت من السرير وقعدت امشي امشي امشي بالغرفه كلما مشيت كلما عطاني قووة وسبحان الله بس ارد انام عالسرير ارد انتكس
واذا رديت مشيت يعطيني ويعطي لعضلات البطن قوووه فانصح الكل ان يمشووون بالغرفه ويستحملون العوار ويحاولون يمشون مستقيم
بالنسبه للبطن علي بجري ما طلعلي كرشة كبيرة لا والله خفيفه جدا ماشاءالله جني بالاساس ما كنت حامل
بس الحين بولدي هذا ولدت بطني شكبره بس بعد ١٠ ايام 
اهوه صج خف عن قبل بس هم في كرشةتضيق الخلق وللاسف عكس اول مرة في بجري وللاسف الكرشة مترهله الحين
كلمت دكتورة قالتلي تخف لي الاربعين ومع المشي وممارسة الرياضه ولا تاكلين عيوش ومعجنات
وبالنسبه للرياضه
كلمت دكتورتي وقالتي بعد ٦ الي ٨اسابيع من الولادة تقدرين تسوين رياضه بس مو رياضه عنيفه يعني اول شي بلشي بالمشي بالتدريج *
وحبيبتي ان شاءالله تولدين طبيعي لا تحاتين