اسئلة بسييييييطه بخصوص العلمي ؟؟؟؟؟؟

السلام عليكم ورحمة الله وبركاته

بناااااااات العلمي الي تخرجواااااا من الموحد او حتى من 11 علمي

ابيييييييي سوااااااااالفكم عن 11 علمي وشنو الصعب فيها واي كورس اصعب الاول ولا الثاني وليش

وهمن الي تخرجوااااا قولولي ليش 11 اصعب من 12 مثل مانسمع

لالالالالالالا تبخلووووون علينا بالرد

:g gdw:

وعليكمـــــ السلام ورحمة الله وبركاته

.
.

11 ع .. سهلة متى ما درستي اول بـ أول وجابلتيها وشديتي حيلج وصعبة اذا اهملتيها

ومعروف ان 11 ع اصعب من 12 ع بس هذا مو معناته ان 11ع سهلة

اول شي ركزي ع العررررررررربي حيييييل + الانجليزي وبعدين العربي حذفوا كم شي وسهلوه عليكم

ثاني شي المواد العلمي ادرسيها اول بـ أول واذا صادفتج كلمة وحدة موفاهمتها بالكتاب روحي اسئلي الابلة لا تقولين فشلة ومادري شنو المدرسة هذي شغلتها توضح كل ابهام موجود عندج واذا ظليتي وما سألتي انتي بتتوهقين

* كل اسئلة الكتاب بالمواد العلمية حليهم ولا تطوفين شي والله ثلاثة ارباع اسئلة الفاينل منهم >> وانا مجربة هالشي

خصوصا الرياضيات + الفيزيا + الكيميا

لا مرة الفيزيا مسألة جايبينها موجودة بالضبط بالكتاب ما غيروا حتى الارقام

والجيولوجيا وما ادراك عن الجيولوجيا .. انا اهملته وما درسته وحفظته اول بـ أول بنهاية السنة قمت ابجي توهقت مادري احفظ شنو ولا شنو

فـ احفظيه اول بـ أول

اما باقي المواد سهالات ان شاء الله

ربي يوفقج ان شاء الله وتاخذين اعلى النسب

الله يعطيج العافيه على الرد ويوفقج يااااااارب وتيبين النسبه الي تبينها

مآآزييد شيي على كلام خيتوو ابسنت
ديري بالج على درااستج و11 سهله وماعليها كلام
واسهل من 10 بعد والله يوووفقج

الله يوفقنا اجمعييييييين

بس ياريت لو تقولوووون نسبكم لنا

اممممم انا الحمدلله نسبتي كانت

97 فاصلة شي وشويات

وعلى فكرة نسبتي بـ 11 كانت اعلى من نسبتي بـ 10 بــ واااااااااايد

الحمدلله

ماشاءالله أبسنت بالتوفيق يا رب واقري على روحج دوم ولا تعلمين أحد على درجاتج
بالنسبة حق الدراسة مثل كل سنة درسي أول بأول، يعني اشلون؟
يعني تردين البيت حفظي اللي أخذتوه اليوم وإقري دروس باجر
يعني لا تدشين الحصه إلا وانتي قارية درس اليوم وحافظة درس أمس ..

ونصيحتي لج بالفيزيا نصيييييييحة من قلب صااااادق لوول والله جد لأني كليتها السنة اللي طافت
أول شي الفيزيا فهم مو حفظ، تروحين الامتحان اللهم حافظة القوانين والتعاريف أقولج مع السلامة !
لاااااااازم تدربين إيدج على حل المسائل والتعاليل والموضوووووعي، اشلوووووووون؟
تحلين أسئلة الكتاب وهذا أهم شي، وبعدين الله يسلمج وشي مهم جداً انج تحلين امتحانات قديمة ومراجعات فيزيا
تقولين لي من وين؟ أقولج الله ما كثرها بالنت !!!! موجودة ترى ..

وبس حبيبتي بالتوفيق والله يسهل عليج واتييبين النسبة اللي تبينها وتصيرين أولة الدفعة =)

لووول هذا اللي اسويه بس هالسنة تخرج يعني نسبتي بتطلع بالجرايد والكل بيشوفها

إي علقولتج، فـ حصني نفسج بالقرآن والأذكار وعسى الله يوفقج دنيا وآخرة اسم الله عليج =)

Absent Hope ماشاء الله عليييييج وشدي حيلج اكثر نبيج تصكييين على المصرياااات وترفعين راس الكويت وموفقه ياااارب ب12

واختي z8rtia تسلمييييين على النصااايح

انا اول ما دشيت 11 قلت امبي مو صج صعبه حيل شكلها
و شفت الكيميا 200 صفحه قلت امبي شلون ادرس هذا بالعكس طلعت اسهل ماده و ما فيها شي كلش حتا الفيزيا بس كان اول فصل المتجهات صعب و الباجي حده سهل و الجيولوجيا الكورس الاول اسهل اب وايد من الثاني و الاحياء العكس و الرياضيات الكورس الاول اصعب وبس باجي المواد عادي بس اول كورس راح تحسينه صعب لانج اول مره تدرسين هالكميه تحسين وايد بس بعدين عاااااااااادي حدا تتعودين تحسين عادي و عالعموم 11 سهله ما فيها شي و الله يفوقج و انشاللله كلامي فادج اب شي

مشاءالله عليكم بنات .. عطيتونا فكره عن 11 .. لاني انا بعد 11 علمي ومخترعه وانا احب المواد العلمية بس دشيت 11 جان اخترع لووول .. بس زين عطيتوني فكره عنها انشتءالله احاول ادرس اول بأول انشاءالله يعني لووول
مشكورين بنات