|
|
ما استغني عن ارائكم
زوجي جاتله دورة في الصيف في القاهره مدة اسبوعين وبناتي مايبون يسافرون يقولون زحمة لاننا عادة نسافر في نص السنه ونروح الاسكندرية ابني يدرس طب هناك وما اقدر اخليهم واسافر
يقولون احنا عارفين ما نقدر نتمشى لان اخونا مو معانا وبننحبس في الشقه احسن نجلس في بيتنا نسبح ونزوربنات خالاتنا ونسجل دورات وابوهم ملتزم واخوهم يقول احسن ماتروحون القاهرة ما تصلح مع ابوي في الصيف وزوجي وده نجي معاه
محتاره ايش اسوي
وينكم فشلتوني ابي رايكم
خلي بناتج عند اهلج وروحي مع زوجج
روحي انتي وبناتج والبنات ريلهم على ريل امهم لاتخلينهم بروحهم
مشكورين ام جودي ود.شريفة بس مثل ماقلت مااقدر اخليهم في سن المراهقه ولازم احد الحلين يانروح مع بعض يا نجلس
روحييييييييييييييييييييييييي
مع زوجج واخذيهم معاج
اصلا مصر حتى بالبيت وناسه
وانتي قلتيها بسن مراهقه
مايتخلون ومايصير تتركين زوجج بروحه
مع زوجج واخذيهم معاج
اصلا مصر حتى بالبيت وناسه
وانتي قلتيها بسن مراهقه
مايتخلون ومايصير تتركين زوجج بروحه
اجل تشوفون انا نروح وبكيفهم البنات يزعلون والله حتى انا ودي اروح مع زوجي مشكوره نواره الدنيا وافقتوا اللي في رايي
انتي كيييفج لوبنقولج لا تروحين واللا روحي فشووفي ضروووفج احسنلج
رووووووووووحي لا تخلين زوجج
شفيج اختي تخلين زوجج يروح مصر بروحه والله بناتج مايفيدونج لي طار الريال انا اعرف وحده زوجها تزوج عليها من ورا روحه مصر الغبيه كان يقولها تعالي معاي وماراحت اخرتها طقها بالطوفه اهي وعيالها فقيره عيالها 3 اخذ عليها وحده ولاكويتيه بعد وكاهي قاعده على جبدها ديييييييييييييييييؤي بالج
أنا أقول روحي مع زوجك أفضل مو بعلشان مسأله يتزوج عليك أو شي لكن السفر تغيير جو ووناسه والبنات بيزعلون
أول الأمر لكن بيعرفون إن أي مكان يروحون فيه أمهم وأبهم ملزووح يروحون له حتى لو مايبون مثلك حالهم حالك ..
وترى السفر حلو وصدقيني النفووس تتغير بالسفر 
عسى الله يسهل لكم سفركم وموفقين إن شاء الله
توكلي على الله وروحي كلش كلش خلي اخوهم يمر القاهره ياخذ خواته وياه
روحي مع زوجك واخذي البنات معااااج
انا اقول روحي ونبسطي مو لازم يرحون الاولاد خليهم باقين
صح انه موضوع شخصي بس والله ما تصدقون اني اتخذت قرار الروحه مع زوجي اقنعتوني من جد الله لا يحرمني منكم حبيباتي ويسعد ايامكم