ارضع وابي اسافر

السلام عليكم

انا ارضع وراح اسافر اربع ايام و بخلي البيبي عند امي هل ممكن خلال اربع ايام يعاف صدري ؟ اخاف من هالسالفة

انا بعد نفسج بس توني بالنفاس اللي عندها خبره تقولنا

جم عمر البيبي؟؟

انا سافرت وكنت ارضع لمده اسبوع

ورديت كملت رضاعه

بس كنت بالسفر كل يوم اسوي بمبنق و كنت اخذ حبوب عشان ماينشف الحليب

مادري اختي بس اعرف وحده راحت الحج ورجعت واهي ترضع
اشفطت وايد وثلجته في الفريزرعشان ولدها مايتعود على طعم الحليب الصناعي ورجعت كملت رضاعه
بس آنه ولامره جربت آنه ارضع طبيعي بدون صناعي فعيالي مايحبون الصناعي ويبيلهم فتره عشان اعودهم على طعمه من جذي ماقدر اخليهم لانه بموتون من الجوع
وبنتي لصغيره من دخلت لها الصناعي كان عمرها 6شهور وبدت تاكل بعد عافتني مره وحده ومن احطها على صدري اتفرفر جنه احد قارصها لي درجه ان قالولي يايتها عين بس وفطمتها مني واهي عمرها 8شهور والحمدلله

عادي انا سافرت اربع ايام وكنت كل يوم اشفط الحليب عشان صدري ما ينشف
والحمدلله لما رديت رضعت ولدي طبيعي

كان يعورني قلبي لما اشفط الحليب واكته بالحنفيه
بس شسوي عشان مابي ينشف حليبي

انا سافرت اربع ايام
وبس توهقت بالسفر سدري قام يعورني وصار يابس حتا ما قدرت انام
ما خذيت معاي للي تشفط

بس حبيبتي بنتي فقدت سدري بجم هاليوم حتا مرات ما تبي مميه ولمه كنت مسافره
بنت خالتي ترضع فرضعت بنتي مرتين

*

انا هديته 5 اياام لمن رديت تقبل صدري
هو علي حسب البيبي

اممممممممممم ، اخاف ينشف الحليب من صدرج ..

يعني اخذ معاي الشفاطة عشان ما ينشف صدري ؟ احس الشفط بروحه اهو اللي ينشف الصدر

ماينشفً اخذي معاج الشفاطه ضروري
وتروحين وتردين بالسلامه

حرام ينحرم منك كم يوووم ..
عشان ماينشف الحليب

انه ندمانه ليش ارضعه من صدري ولدي كلش مايبي الاكل ولا مميه ولا شي ومااقدر اشفط ومااقدر اطلع وايد تعبانه معاه