ارجو مساعدتي في اتخاذ القرار

السلام عليكم بنات ،،،

انا كنت اليوم عندالدكتور ثالث يوم الدورة ، لان ابي اعيد التلةيح الصناعي للمرة الثانية لاني سويته الشهر اللي طاف ومانجح ، فحصت وطلع في تكيس عاليمين وعالشمال ولكن الدكتور خبرني انه ما يضر لانه حجمه وايد صغير ومافي منه اي ضرر ، طبعا ه نصحني احمل بالطريقة الطبيعية (الجماع) لان والحمدلله ماعنا اي مشاكل انا وزوجي ، ولكن انا ابي تلقيح لان زوج يبي ولد لان قبل عنه 3 بنات من طليقته ، فالدكتور حكالي اعملي اطفال انابيب اضمن لاني ابي ولد ، بس انا بخاف من اطفال الانابيب ، احترت مو عارفة شو اقرر لاني راجعة عنده الاحد ولازم اقرر .

حبيبتي انا عمتي عندها اربع بنات وبكل حمال كانت تروح تعالج عشان الولد
ويقولون لها 99% ولد و 1% بنت
وسبحان الله كلهم طلعوا بنات
يعني اذا الله كاتب شي محد يقدر يغيره

انتي اذا تبين ولد انا سمعت ان لازم يكون الجماع بنفس وقت خروج البويضة
يعني مو قبل التبويض
لان الحيوانات المنوية الذكور تموت اسرع من الاناث

والله يوزع رزقه على من يشاء

التلقيح الصناعي مايححدلج ولد ولا بنت سوي انابيب وتوكلي على الله ولي ايي من الله حياه الله اهم شي طفل سليم

مشكورة اختي boliana_q8 ، والله انا مو فارقة معي اللي يجي من ربنا زين
ولكن زوجي يبي ولد والله محتارة مو عارفة شو اسوي ، بنت والا ولد نعمه من رب العالمين
الله يرزقنا يارب ويرزقج يا الله

اختي Dodo مشكورة ع الرد ، و بالنسبة للتلقيح والدكتور قال نقدر نسوي فصل يفصل الحيوانات المنوية الذكرية عن الانثوية ويلقح البويضة بالذكرية بس ولكن نسبة نجاح التلقيح الصناعي 24 % في المرة الاولى والثانية 18 % ،وانا سويتها اول مرة ومانجحت ، ولكن اطفال الانابيب اخاف من سحب البويضات وارجاعهم

حبيبتي خليه طبيعي وخلي كلي شي على ربك صدقيني ربك ما يقصر وياك

مشكورة اختي شكرية ع الكلام الطيب ، والله وانا هذا رايي بس زوجي مو مقتنع