|
|
اختي حامل في نصف الشهر الثامن وراس الطفل فوق عندها اطفال من قبل وكلهم جايبتهم طبيعي وراحت لعيادة الدكتور وقالها احبي وقالولها ناس روحي لدكتور محسن طلبة في مستشفي السلام يفرة لك وهي خايفة من الفر احد عندة خبر عن هالموضوع
في حريم ماينقلب راس الياهل إلا اذا ياها الطلق..خصوصا اذا ثاني ولادة والولادات المتكررة..
خالتنطر بعد اسبوع واتشوووووف بالسونار بعدين وخلال هالاسبوع خالتتمشى ودوها الافنيوز ولا البحر خالتتمشى عالخفيف د
لأن المشي يخلي راس البيبي تحت… أوكي
بما انها بنص الثامن خليها تروح يفرونه عادي ماكو اي خوف اصلا بيشوفون الطفل ويشوفون الماي اللي حوله وبعدها يقررون اذا يصلح يفر او لا لاتخاف بالعكس اللحين خل تروح لا تتأخر علشان مايضيق البطن على الياهل وتبتلش
وبعدين الياهل احيان يفر باخر الثامن من روحه بس الافض تروح لطبيب يفره عادي ماكو اي خوف او خطوره لاتحاتون…
وإذا على الفر مممكن يفرونه حتى قبل الولادة اذا سمح لهم يقدرون … سبحان الله فيه يهال يكونون اصلا تحت ووقت الولادة يستعرضون أو يرجعون فوق … وممكن الحين يفرونه ويرجع يفر نفسه مرة ثانية … قولي لها الخيرة فيما اختاره الله … ما تدري شنو الله كاتب لها خل تتوكل على الله وتنطر … مممكن تمشي بوضع الحباي كل يوم شوية … يمكن يخلي الطفل يعدل وضعه … اخو يخلونها لمدة ربع ساعة تسوي دائرة بالحباي جنها تدور دار مدار نفسها … رفيجتي نصحوها وسوتها وتعدل وضع البيبي ، طبعا النصيحة من دكتور .. الله يسهل عليها … ولا تخاف ويسهل عليها ولادتها
وان شا الله
ما تحتاج شي
يارب
ويفتر من كيفه يارب
الله يسهل عليها
الله يسهل عليج وعلينا ياربي …
والدعااء اهم شي
والخيره فيما اختاره الله
|
المشاركة الأصلية كتبت بواسطة نورا1000
 اختي حامل في نصف الشهر الثامن وراس الطفل فوق عندها اطفال من قبل وكلهم جايبتهم طبيعي وراحت لعيادة الدكتور وقالها احبي وقالولها ناس روحي لدكتور محسن طلبة في مستشفي السلام يفرة لك وهي خايفة من الفر احد عندة خبر عن هالموضوع
|
اختي …………خليها تحبي مثل الجاهل
تراها من زمان يقولون ان المره لما تدخل شهرها تعدي من تحت الناقه جم مره باليوم….وطبنا الحديث يقولون هذا تمرين يساعد على نزول الراس للاسفل…………حتى الطب الشعبي
والله يسهل عليها وعلينا
انا بقولج سالفتي شوفي حبيبتي انا ولدي من الثامن راسه كان فوق وصلت لي الاسبوع 37 ومافتر وماكان ايلي طلق ولا شي والياهل اصلا ماكان نازل الحوض وطولت بالولاده المهم رحت عند دكتوره قالتلي ممنوووع نفر البيبي بالحكومه بالخاص ما ادري بس اعتقد هم ممنوع المم قتلها مافي امل اولد طبيعي قالت لي امبله ممكن تنطرين ويفتر الياهل من الله بس الي بوضعج نولدها قيصري لان ممكن يظل الياهل بنفس الوضعيه ولا سمح الله ينزل الماي وفي حالات ينزل الحبل السري قبل فهذا موزن حق البيبي وممكن ينولد البيبي مقعديه فحاله الولاده الطبيعيه بس راح تطولين بالطلق وممكن تصكين على راس البيبي والحين منعو الولاده المقعديه من الحكومه وسويت العمليه والحمدلله كنت وايد مرتاحه وميخالف حتى لو الله ماكتبلها تولد طبيعي اهم شي البيبي يكون بخير وانا سمعت ان المفروض تحبي وانشالله ماكو الا العافيه سامحيني عالاطاله