ارجو المساعدة ؟؟؟؟؟؟؟؟؟؟

كيفكم يااحلى بنات واحلى امهات ::::: ماطول عليكم انا سويت اختبار حمل وطلعت حامل لان الدورة متاخرة عني اسبوع وانا الحين خايفة ومرتعبة والسبب اني اخذ حبوب كبد الحوت وكمان من كم يوم سويت اشعة اكس لولدي ودخلت معاة لغرفة الاشاعة ……. ايش رايكم بحبوب الاجهاض ؟؟؟؟؟؟؟؟؟؟؟؟؟ وكيف عوارها للي جربتها ؟؟؟؟؟؟؟؟؟؟؟ومين مر عليها مثلي ردو علي بليز ولو بدعوة حلوة ………

اذكري الله ياختي ليش حبوب الجهاض ياساتر ناس يتمنون الطفل وانتي تبين اجهاض
انا اقول توكلي على الله وانشالله ما عليه شر الجنين

حرام وراح تاخذين ذنب اسالي دكتور يمكن ماتاثر

اعرف ناس خذو مضادات حيويه وسوو اشعه والحمد الله الله رزقهم بالذرية السليمهه المعافاه .. توكلي على الله ولا تجهضين ولا شي

راجعي الطبيبة افضلج هذي نصيحتي

وفكرة الاجهاض شيليها من مخج

الحمدالله والشكر الله يتممج بعقلج
شكلج تبين الاجهاض بدون سبب

حبيبتي سوينا اسنانا واشعه ومضادات وسافرنا طياره مع عيالنا علاج مو سياحه وتحملنا كل شيء والله رزقنا الحمدلله بتمام الخلق والخلقه وانت الله يهديج استغفري ربج يغفرلج
والف الف الف مبروووك الحمال

عادي مايضر حبيبتي غيرج يتمنون ريحه الياهل اذكري ربك واستغفري بس

شكرا لكل اللي رد علي …..والله العظيم اني اموت بالاطفال واحبهم بس لو تدرون اشعة اكس خطيره وتسبب تشوهات للاجنه خاصة الثلاث الاشهر الاولى والله اني مرعوبه ولو خليت الحمل وما اجهضته بجلس اوسوس طول فترة الحمل مااقول الا الله يقدم اللي فيه الخير :::::::::

الله يرزقك بالطفل السليم المعافى

حبيبتي اذكري الله ولاتوسوسين

اشعه مرة وحدة ماتأثر مافي الا كل خير

وحبوب زيت كبد الحوت ماتأثر بشي لانها دهون طبيعيه

استغفر الله .. يعني انتي بتصيرين اكرم من ربك ..
وش له تفكرين بها التفكير .. انتظري استشيري . مهوب الشي من راسك بس
اسالي دكتوره اخصائيه ..
لا تسوين شي بكرى تندمين عليه طول عمرك ..

حبيبتي اذا ماكو نبض عادي تنزله مو حرام

اذا طاف على الحمل 40 يوم اهني حرام تنزله لان صار فيه روح

استغفري ربج وتعوذي من الشيطان ولا توسوسييين ..

وقولي اللهم لك الحمد ..