ارجوووكم ادشون البنت محتاجتكم

صباااااح الخير ::مساااااء الخير

شلونكم حبايب قلبي بصراااحه عندي لكم ساااالفه واتمنى القى الحل عند الخوات وانشالله ما يخيب ظني فيكم

السالفه تقول … رفيجتي من ايام المدرسه دقت علي وقالت لي سالفتهاا الي تعور القلب وبصراااحه وضعهااا مايطمن فقررت اني اروح لهااا واطبطب عليهااا

اهيه مالجه من شهر 9 من واحد كانت تحبه المهم الريال كانت ظروفه شوي صعبه بحكم ما عنده وظيفه وعلى اساس الملجه راح تنحل المشكله يعني يقدم بالديوان (الاولويه للمتزوجين ) وما صار نصيب قرر يتوظف بالقطاع الخاص والحمدالله توظف شهر 11 وماعطاها من المهر غير 2000الحكومه الهديه بس… والالفين الثانيه ما خذاهااا وقتهااا ما عنده معاش فما يصير وماعنده كفيل

وطول الفتره من شهر 11لي الحين ما عطاهااا شي واهلهااا مستنفرين وصارت لهم مشاكل وايد والبنت بموقف حرج الابو تهاوش مع الريال وصارت بينهم مشكله كبيره وتدخل الاخو وتدخلت ام الولد وخالته وصارت يعني كبيييييييييره وماخلوا فيهااا احترام من الطرفين

الريال يحبهااا وما يبي يطلقهااا والابووو مصر على الطلاق واهيه باجي لهااا من المهر 4 بس وبصراااحه بنات اهيه تحبه يعني ما تخيل تكون مع واحد غيره واهوه ما بقااا له شي بس يمكن شهرين ويخلص وياخذ القرض ويعطيهااا حقهااا وزود بس الاهل راح يشتكون عليه بالمحكمه وحطوا محامي وقال لهم المحامي يقدر يطلقهم بجلسه وحده يعني اخلا بطرفين من عقد الزواج اولا :عدم توفر السكن الشرعي وثانياا:عدم تقديم المهر

واهوه كلامهااا من اسبوعين وكان الوضع جدا عااادي وكلام حب وعطاهااا مصروفهااا العادي لمن درا اخوهااا كبرت المشكله وحذروها انهااا ما تكلمه حلو؟؟؟ واهيه وافقت عشان ما تخسر اهلهااا وصار لهااا الحين 15يوم ما كلمته واشتاقت له وراحت دقت عليه من تلفون الخدامه وطبعااا حصل الغير متوقع :::زفهااا وصارخ عليهااا وعايرهااااا وقال لهاااا كلام كسر فيهاااا وحاولت اتفهمه الوضع الي اهيه فيه المهم قال لهااااروحي قولي لابوج انه سعرج راح يوصل انشالله قريب مو مهرج اشرايكم بنات بهالجمله

المهم الحين اهيه مو عااارفه شنو تسوي وطبعااا استاذنت منهااا اني اكتب المشكله بالمنتدي ووافقت

والحين خواتي ابي منكم ارائكم بس… واهيه راح تقراهااا من خلال النك نيم مالي وانشالله ينشرح قلبهااا ولاتنسونهاااا بدعائكم لهااا وعسا ربي يوفقكم انشالله ويبعد عنكم المشاكل

مادري بس ليش اهلها مصعبينها لهدرجه واهوا ماعنده احد يكفله سواء ام او ايو ولا اخوو؟؟

او يتسلفهم من رفيجه باي حجه ؟؟

اتطلق لان الرجال كلش ما عنده احترام لا لها ولا لابوها
المهر مو بيع وشراااء
وكون الاهل مصرين على المهر لانهم يعرفووون ان المهر شي مهم .. انا ما اتكلم انه بيعه وشروه .. بس كلنا عارفين ان المهر يروح على اغراض البنت و مشترياتها .. وفيه تكريم للمرأه وأهل المرأة
بس واحد كاشت !! مثله واعصابه باااارده جذي وصار غلط من البدااايه
لا و الله الاحسن اني اطيع اهلي و خليه يولي

لانه مو تكانه محد يبي يكفله !!! عرفتي ليش ؟

الله يعينها والكلمه صاجه تجرح
خل ادزله مسج اتفهمه الحجي تقوولي حبيبي انا تقولي هالكلمه ؟؟؟ وتعاتبه وتقووله الي بقلبها كله واهوا اكيد معصب ترا لو انا مكانه اعصب بيفكر ان اهلها داشين على طمع والواحد ترا لما يعصب يقط خيط وخيط ميخالف

شنو سعرج ؟ شهالحجي ! الاخ عبآله بفلوسه بيشتريهآ المهر مجرد تقدير للبنت .. وأبوهآ مآسوىآ جذي الا لـ مصلحتهآ
لا تقولين تحبه ومادري شنو .. القلب قلاب مثل ماحبته تحب غيرهـ هذا شي .. الشي الثاني اذا من الحين اهو لا محترمهآ
ولا محترم أهلهآ شتبي فيه ؟ .. وخليهآ تصف مع أهلهآ وتطلب الطلاق دامهآ للحين ع البر

اختي عزيزتي ابوه متوفي وامه ايرانيه وما عندهااا معاش وحاااول يتسلف بس ماصارت المبلغ وايد اعتقد محد يسلف

شوفي الكلام ما يفيد

قولي لها تصلي أستخارة و ربي يسهل لها أذا زوجها فيه الخير لها !

يمكن حزتها كان معصب ليش 15 يوم موداقة عليه بالهداوه كل شي ينحل

بعد عمري والله الله يا رب يحل مشكلتها وتتزوجه وترتاح
شوفي في البدايه شلون ابوج واقف على واحد ما عنده وظيفه وتالي قام يطالب بالمهر
وثاني شي صج ما الوم ابوج واهلج يستنفرون لانه تاخر حيل في المهر بس يعني ما الومه يمكن صج عنده ظروف
زبدة الحجي
دام الرجال شاريها
ويبيها
خل تكلم اهلها وتقول لهم انا مابي يكون مسماي مطلقه
وابيه دامه بيجيب المهر بعد جم شهر نصبر ونشوف
وبدال ما تلكمه ويتنرفز عليها
خل تدز له مسج عن كل اللي في قلبها
وعيب عليه انه يقول سعرج قولي ابوي خايف علي وماقال هالكلام وماصارت هالمشاكل الى من خوفه وحرصه علي
واذا يبيلها والله ثم والله بيجي ويجيب المهر لو ورى الشمس
صدقيني
واهم شي تصلي وتدعى وتستغفر ترى الاستغفار يحل كل المشاكل باذن الله
والله كريم يا رب وبشرينا عنها شصار معاها

والله رايي توقف مع اهلها مالها غيرهم
واذا الريال يبيها ويحبها بيجيب المهر
الوحده اذا ما احترمت اهلها وعزتهم جدام ريلها عمرررررره الريال ما احترمها

لحظة شنوو " ســــــعرج " !! هذا من اولها جذي باجر شيسوي فيها !!

خل اتطلق منه و تقوله انا مو شي تشتريه بفلوسك اصلا مو فلوسك بعد !!

لا لا جد انا انبطت جبدي ماعندي رد الا انه اذا هذا اولها ينعاف تاليها
واهلها مااغلطوا حق بنتهم و شافوا انه مو كفوو زين منهم رضوا يزوجونه واهو مو متوضف
واذا مطوله وضيفته و يبي يتزوج لازم اهله يتكفلون بكل شي حتى مصرف حق مرته كل شهر

بس بصراحه زين سوو فيه اهلها .. و خل ترد له ال 2000 و تفك عمرهااا .. لا تقولين ماقدر اعيش من غيره كلها جم دمعه و جم يوم من غير اكل و بعدين تصير اقوى و تحصل على سيد سيده ان شاء الله

بس خل تفكر عدل شنو سعرج وين قاعدين ! لا تقولين لي معصب حتى اللي معصب مايقول هالكلمه و مو من حقه يعصب !!

حبيبتي قولي لها تصبر لا تستعجل

وقولي لها تقول لهلها خلونا ننطر واذا ما جب المهر سووو للي تبونه

صبري هم شيء الصبر لا تستعجلون رحمو الشباب لا تضيعون مستقبل الشباب والبنات

الصبر مفتايح الفرج

ربي يفرج لهاعاجلاغير اجل

ويجمعها مع اللي تبية ويبها يارب ولايحرمهم من بعض

ويهون مصيبتها بإذن واحد احد

الله يعينها
دام اهي تبيه و اهو يبيها الفلوس ما اح تسوي شي
و يوم قال سعرج مادري شنو اكيد معصب و ما يقصد الانسان لمن يعصب يطلع منه حجي ما يقصده و يخورها
خل يدبر له اي مبلغ يعطيها اياه عشان البنت توريهم اهلها على اساس انه عطاها مهرها بعدين تقولهم باخذهم بحطهم بالبنك ترجعهم له عشان ما يكون عليه دين و سلف من اولها
والل يفرج عليهم انشالله