|
|
مساء الخير بنات
بنات انا و زوجي الحمدالله متفاهمي بس في بعض النقاط تضايقني منه مثلاً اذا عاتبته على يرجع يقلب الموضوع علي .gif "Eh S(16)")
يحط الغلط فيني انا متضضايقه من هالموضوع
ابي حل شلون اتعامل زوجي ما يبيني احاسبه و لا يبيني اعاتبه تعبت من هالنقطه يا كثر ما بلعت اشياء ضايقتني و لا فكرت اقولها له لاني عارفه انه بيرجع يقلب الموضوع علي وش الحل معه
انا جي اسوي خير ينقلب شر خخخخخ خصوصا مع بعلي العزيز
ولما اصير شريره يكون معاي عل خط غريبه الصراحه*
ولاتزعلين وايد في نفس الحزه خليها تعدي وبعدين لين يطخ كلمي عن اللي يضايجج افضل يكون هادي وما يقلب عليج
يعني كثر ماتقولين له ان هي الشي يضايقج شوي شوي بيخفف منها
وهذا حالهم كلهم
شتبين فيه تلومينه وتعاتبينه .. الريال بطبعه ما يحب المرا اللى تسأل وتصير محقق بمخفر مو مراا ..
وسالفه انه يقلب السوالف عليج .. هالشي طبيعي اغلب الريايييل هذى حالتهم ومالهم طب لو بتقعدين عمرج كله تعابلين وتحاولين لانه داااء فيهم مستحيل يتغير الا بقدره قادر ..
دام الريال زين وياج ومو مقصر وشاريج .. لا تقعدين تنبشين علي مشاكل عشان تخلقينها وتعكر عليج حياتج ..
وهذى اهي الحياه الزوجيه يوم حلو ويوم مره . عيشوووه مثل ما الله كاتبه ولا تزنون علي خراب عشكم حبيبتي .
|
المشاركة الأصلية كتبت بواسطة فديت من سماني
 مساء الخير بنات
بنات انا و زوجي الحمدالله متفاهمي بس في بعض النقاط تضايقني منه مثلاً اذا عاتبته على يرجع يقلب الموضوع علي يحط الغلط فيني انا متضضايقه من هالموضوع ابي حل شلون اتعامل زوجي ما يبيني احاسبه و لا يبيني اعاتبه تعبت من هالنقطه يا كثر ما بلعت اشياء ضايقتني و لا فكرت اقولها له لاني عارفه انه بيرجع يقلب الموضوع علي وش الحل معه |
والله نفس حالتي تماما حتى انه يقنع اهله واهلي ويحطون الحق علي عنده طريقة غريبة للحوار حتى انه شككني بنفسي
الحين كلش ما اعاتبه بشي يعني استسلمت.gif "Eh S(1)")
خل اعطيج نصيحه احسن وحده تقلب المواضيع على الناس وتطلع اهيه الصح بالنهاية :d
لووووووووووووول
شوفي عمري ،
انتي ماعطيتني مثال حق مشكله معينة بينكم بس خل انا اتصورلج مشكله ،
مثلا المفروض زوجج اييبلج سيارة .. خل نتخيل ان هذا من واجباته الزوجية –> اخييه :d
وطول وماايبلج!
انتي زعلتي ، وقلتيله انا زعلانه ليش مايبت ..
على الهامش ( الجمبازية اهمه احسن ناس يتملصون من المواضيع ويطلعون اعذار )
فراح يقولج :
– والله انا مكفي وموفي
– والله ميزايتنا ماتسمح –> ومايكون صحيح، يعني الله مرهي عليكم
– والله الحريم مايعرفون يسوقون
طبعا، اهوه لانه ذكي! قط عليج جم قطه، تشتتج عن الموضوع الاصلي!
فانتي شراح تسوين اهني ياغافلين لكم الله ؟؟
بتقولين لااااااا ،، وتردين على النقاط الي فوق :
– انت ماعندك وقت لي
– ميزانيتنا تكفي ، معاشي كيت معاشك كيت
– سالفه ان حرمه وحده دعمت شبه مو معناته كل الحريم بيدعمون الشبات
ومره ثانية لانه اذكى منج ، وعشان يشتتج ازياده شراح يقول؟ :
– اناااااااااا ماااااااعندي وقت لج ؟؟؟ انا ماعندي وقت لج؟
انا الي هاد ربعي وديوانيتي ، سهرات ومخيمات وشاليهات
الحين ماعندي وقت لج؟
انتي الي ماعندج وقت لي ،، 24 ساعه مع اليهال
24 ساعه مع رفيجاتج
وانتي لانج ياغافلين لكم الله ، بتردين وباستنفار :
لااااااااا انت هذاك اليوم رحت مع ربعك وقعدت لي الساعه 4 الفير
وبعدها ييتني نمت عندي ساعتين و رحت الدوام
وبعدها شلعتها نوم لي الفير
عاد اهوه باستبسال تام :
انتي ماتذكرين يوم نمتي عند اهلج اسبوع ومهملتني !!!
تلومني اذا طنشتج؟؟ في زوجه بالدنيا ماتدري عن زوجها اسبووووع؟؟
تتذكرين لمه خذيتي اجازه من الدوام وماشوف الا مره كشتها عباره عن شجرة
وبيجايم قطن ، لا جنج عند ريال ولا جنج متزوجه ؟
وهكذا يستمر النقاش ويستمر نجاحه في تشتيتج!!
لاحظي اخر النقاش وين وصلتوا ؟؟ طلعتوا من الموضوع نهائيا!!
وصرتي انتي الغلطانه !!!!!
وبالضبط اجزم ان هاذي طريقته في النقاش معاج.
الحل مع هالفئة هو كالتالي : ( على المثال السابق )
– تتمسكين بنقطتج لو شنو يقول جدامج!
مثلا، زعلتي لانه ماياب سياره
وقالج مثلا انا مكفي وموفي
قولي ايي انت ماقصرت لكن انا ابي سيارة!
يقولج الميزانية ماتكفي، قولي عندنا خير وبركه بس انا ابي سيارة!
يقولج الحريم مايعرفون يسوقون، قولي ميخالف اتعلم واسوق ، انا ابي سياره
خلج متمسكه بنقطتج وكرري نفس الجمله طووول النقاش
لا تركضين ورا التفاصيل وتخلينه يطلعج بره الموضوع ويحملج الغلط
لو شنو يقووول ، لو انشالله كلام مو صح، قولي ميخالف بس انا ابي كيت كيت!
اهو ريلي طبعه جذي مع الكل ما يحب يطلع غلطان ويقلب السالفة علطووول
ينني صرت الحين كل مرة اقووله لا تقلب السالفة يقوول زين انا غلطان وادري مو من قلبه بس يسكتني
وبالاخير اقوله خلاص واحاول اهدي نفسي وانسى شوي شوي بس لو رجع يعاتبني اعصب وهذي حالتنا
الله المستعان
وارد عليه الرد اللي يريح خاطره اقوله اي انا غلطانه عندك شي بعد
حزتها يكره نفسه
خاصه اذا كان زوجج يحب ويحاول يكون مثالي .. ماراح يتقبل انج تفاتحينه بعيوبه واخطائه ..
وراح يلف الكلام وينشف ريجج وتالي يلقي اللوم عليج ..
عزيزتي هالوضع يتعب القلب ونصيحه اذا كانت المشاكل بسيطه او عاديه مثل المشاكل الي تواجهنا بشكل يومي لاتعاتبين ولاتتكلمين وحاولي تتجاهلين كثر ماتقدرين ..
وبالعكس ينحاش منج وبالنهايه انتي الخسرانه لانج عورتي قلبج عالفاضي وبنفس الوقت طفشتيه منج الحل الطناااااااااش
وما رده رح يحس على دمه