اذا بكمل دراستي في الجامعه العربية لازم اقول حق دوامي؟؟

السلام عليكم شخباركم بنات…..؟؟

من زمان مو حاطة موضوع…

الحين انا توني مشتغله الحمدلله..وابي اكمل مع العلم ان معاي دبلوم إدارة..وانشالله ان الله كتب لي في الجامعه العربيه المفتوحة..على نفس التخصص..وهل صحيح ان يعادلون لي المواد اللي ماخذه فيهم درجات زينة؟؟!!

فالسؤال اللي يسدح نفسة…لازم اقول حق شغلي اني بكمل دراستي…ولا لا؟؟

وشلون طريقة التقديم على الجامعه العربية المفتوحة…

واللي تعرف اي شي ياريت تفيدني…

حياتي هذي جامعه خاصة ماله شغل بدوامك المهم ادفعين انا كنت موظفه وقدمة اوراقي بالجامعه العربيه المفتوحه بالفورما يسألونك هل انتي موظفه أنا كتبت لالالالالالالالالالالالالالالالا لأن معاملة الإجازة الدراسية اطوالة ويمكن وزارتك اذلك وتمشورك وآخرتها تقولك مافي لك كرسي يعني ميزانية او التخصص مايناسب الوزارة احسلك درسي بسكات طبعا انا انقبلت ادارة اعمال بس الجامعه ماعجبتني بالمره للي عندها دبلوم تدرس اربع سنين والبكلريوس ست سنين وبما ان نسبتي زينه فضلت ادرس بكلية التربية الأساسية مع اني ما احب التدريس

انا مادرست بالجامعه ماعجبني الوضع ومن قالك ان الجامعه الخاصة تعطي مكافأه اهي تاخذ من الطالب بس ماتعطيه

حبوبة انا ماتكلم عن الماديات..يعني ماتكلم عن الاعانه..

ابي اعرف الموضوع لازم اقول حق شغلي اني ابي اكمل دراستي..ولالا!!هذا السؤال..يعني لازم يكون عندهم خبر!!

مابي تصير لي مشكلة عقب..عرفتي شلون..يعني مهي سالفة فلوس..الحمدلله الفلوس متوفرة..

انا كنت ابي اكمل من هالكورس..بس انصدمت يوم طلع اسمي..

عرفتي شلون

اللي اعرفة الحين طلبة الخليج تمشي لهم اعانه من الحكومة..

مبروك حبيبتي عالوظيفه

وانا اللي اعرفه .. ان لازم تقولين لهم

واصلا يقولون لج لازم تشتغلين 3 – 5 سنين

عشان تكملين دراستج ..

ولا تاخذين موافقه من الدوام .. م تروحين على الله

…

اما يعادلون المواد .. اي يعادلون لج

بالتوفيق

الله يبارج في عمرج زيتا..ويوفق الجميع يارب…

بس انا ابي اكمل على حسابي….مابي بعثة..

يعني لو اطنش بالدوام ماعلي مشاكل..

المكافأه للمتفوقين بس على حسب علمي واذا تنزل للكل لاتسجلين وماراح تنزل لك وفعلا مثل ماقالت الأخت الإجازه الدراسية تكون بعد 3 سنوات ومافوق وتقدمين قبل السنه الدراسيه بسنه تقريبا لان المعامله وموافقتهم اطول حبيبتي انتي أي وزارة لأن كل وزارة غير عن الثانية انا وزارتي تعبانه وتشرطو علي وايد لما خلوني اقدم استقالتي وابدي الدراسة لأني كنت حابة اغير تخصص مرة وحده

**((مادري والله))::لا والحين المكافأه بيسوينها 200..الله يهنيهم ويوفقنا..قبل كانت 40 دينار لوووووووووول..

عموما حبيبتي يعني الحين لازم اقول حق شغلي اني ابي اكمل دراستي..في اوراق بس آخذها من دوامي.!!

مهي سالفة العب على الحبلين…بس لاني ماعرف الاجراءات…عرفتي..**

**وي ياحسرتي استقيل وانا ماصار لي اسبوع!!لوووووووووووووووووووووووول حدج راهيه….

في كذا وحدة للحين اسمعهم يدرسون ويشتغلون…بس مو ميانة اني اسألهم…**

((مادري والله )) انتي من وين جايبه هالمعلومات ياماما انا صارلي 10 سنين موظفه وعارفة كل القوانين وكنت راح ادرس لوما الجامعه كحيانه والتخصص موعاجبني

عليج بالعافية حبوبة..مو حيل ربع مع الحلو..

تروحون وتردون على الاعانه….الاعانه يبيلها تقديم طلب والحالة حالة..ومو هذا القصد..((**مشفوحة!!**حدها قوية..

اهم شي الحين عرفتي قصدي..مشكورة حبيبتي وماقصرتي..لاني اول يوم داومت فيه..سمعت انهم مقدمين لفت نظر حق جم واحد مكمل دراسته بدون علم الادارة..مادري هذا اللي فهمته

**انشالله على خير…كل شي بيبيّن في الايام الياية فري سويت..شلون كانت اجراءاتج…؟؟؟وشنو كان التخصص
**

معلومه ثانية انا لما سجلت بالجامعه العربية ماطلبو مني ورقة من التأمينات تثبت إني مااشتغل عكس التطبيقي اطريت اقدم استقالتي عشان اعطيهم الورقه وانقبل معناته ان الجامعه العربيه تساعدك انك تدرسين وتشتغلين اسأل مجرب وعندي رفيجاتي وايد يشتغلون ويدرسون وعشان ترتاحين سألي البنات إلي معاك مافيها شي انا كنت مثلك وإلي يسأل مايتوه بس سألي ناس مجربه مو تفتيلك من غير علم وخبره

**صحيح كلامج فري سويت..

انا ناوية اسأل بس مو من أول يوم!!!!!!!على الاقل آخذ عليهم..لان تو الناس على التقديم في الجامعه..عرفتي..

والله كريم…**