|
|
بنات اكو سؤال دايما يي فبالي .. واكيد انتوا نفسي .. ألحين اذا انا تصدقت وأحد سالني تصدقتي ؟ وقلت إي تصدقت ..
اكيد راح اخذ اجر .. بس هل راح اخذ اجر الصدقة السرية ؟
اكيد بتقولولي لا ماراح تكون بهلحاله صدقة سرية .. لانج قلتي حق احد .. انزين واذا قلت لأ ماتصدقت ؟ هل يعتبر كذب ؟
وانا نيتي ان ابي تكون صدقتي مخفية عشان اجر اكبر ..
(إن تبدوا الصدقات فنِعِمَّا هي وإن تخفوها وتؤتوها الفقراء فهو خير لكم ويكفر عنكم من سيئاتكم والله بما تعملون خبير)
سبعة يظلهم الله في ظله يوم لا ظل إلا ظله -فذكر الحديث، وفيه-: ورجل تصدق بصدقة فأخفاها، حتى لا تعلم شماله ما تنفق يمينه
….
وجزاكم الله خير ..
انا اسوي طريقه محايده اذا احد سألني هالسؤال أو سؤال قريب منه مثل : صليتي ؟ وانا بوقت الدوره الشهريه
أقول : الحمدالله ……. يعني لا إيه ولا لأ
أتمنى إني أكون أفدتج
اذا سالني احد تصدقتي ولا صايمه اقول (الله اعلم ) بهذه الحاله اانا لم اكذب وانا صادقه بكل الحالتين
لان الشي هذا صدقه او صوم او قيام بالليل صلاه بينك وبين ربك فقط
واذا تكلمتي انا اصلي او انا اصوم او صدقه يعني اذا قلتيها بقصد مراءات الناس لكي هذا يدخل في باب الرياء
اما انتي اخيتي حاولي تكون اجوبتك لاتدل علي علم اجعليها بينك وبين ربك
قبل جم يوم كنت اتساءل نفس تساؤلاتك بالضبط !!
بس رسيت لي ع حل 
اذا حد سألج تصدقتي …
قولي [ إن شاء الله بتصدق ] وانتي تكونين متصدقه بس قولك [ ان شاء الله ] هذا لصدقه اخرى رح تتصدقينها في ايامك الجايه ان الله احياك
فهمتي قصدي ؟
يعني اللي سألك يسألك عن صدقه ماضيه و انتي اجابتك تكون عن صدقه مستقبليه ؟ وبكذا لاتكونين كذبتي ولاشي .ههههههه << عليها حركات
اشرايك مو خوش حل
راح اطبقهم كلهم هههههه
يعطيكم العافيه
الواصلية .. والله عليج خوش حركات 
جزاج الله خير ..
ذبحتني … والله نرفزتني .. تزف ماتصدقتيي جان اقولها امبلا تقولي جم جم ؟؟ ذبحتني اقوووولها بيني وبين ربي وترد تسئل جمممممممم واعيد اقولها يمكن تميت على هالحاله اعيد واهيا ترد 5 مرات !!
وآخر شي اقوولها بسسسسسسسسس خالتي مابي اقوووووووووول ,, لازم شي بالسر تقول لالا عادي قوولي قولي
بطت جبدي ويهي صار احمر جان تقولي انا خالتكم وتخشووون علي لووووووووول شكووووووووو !!
تقولي جم 10 اقولها لا 50 اقولها لا تقول قولي قوووووووولي جممم واهيا تزيد ليما وصل العدد قلت لهاا اي اي جان تسكت !
يعني عقب هالحنه والرنه مادري شنو استفادت !
فمادري عالسالفه اللى قلتها شالرد ؟ ((بس بسؤالها اول مره تصدقتي حسيت جنها تدري لانه في اوراق مقطوطه بالسياره فماحبيت اجذب !!))
شرايكم ؟ لووول
جزاكم الله خير
والله لو مكانج ماقولها لو انها امي مو خالتي !!
لو تضغط علي اقولهاا ياخاله مايجوز كذا ندخل بالرياء الله يعيذنا منه << يمكن تخاف لاقلتي جذي
.
بس انا ماتخيلت ان في ناس جذي !! تسأل تصدقت وجم بالضبط !!!!!!
ياربيييييه !
تنرفزت
^
عيل انا شنو ارتفع ضغطي !!!
قت بالاخير يمكن يكون في سبب شي بس من عرفت جم سكتتتتتتتتتت ولا كلمه وانتهى الموضوع !! كل هاللويه عالفاااضي
حلو الرد : الله اعلم
انا بقول مثل الواصليه إن شاء الله بتصدق