ادعيه لذياده الرزق

السلام عليكم كويتيات ان اشاء الله انكم بخير
الحمد لله بنات انا مقتنعه برزقي ومو معترضه الحمدلله انا احسن من ناس كثير لله الحمد واتمني من الله ان يديمها نعمه ويمنعها من الزوال واني يارب ماانزلت بي من خير فقير انا بس حبيت اعرف ادعيه تجلب الرزق وتفرج الهم وترزقني يالولد الصالح المعافي ان شاء الله لان ياخواتي شوي متضايقه وخايفه على زوجي لايصير فيه شي على طول متضايق وشايل هم والسبب انا بصراحه وراح اقولكم شنو وبس ابي ادعيه تساعدنا بجلب الرزق
القصه ومافيها ان زوجي اول ماتزوجني اشترا بيت لان هم عايله كبيره ماشاء الله والبيت مايكفي عشان كذي اشتري بيت على قد اللي يقدر عليه بيت قديم بس موفي بالنا انه يكون بداية الهم لان البيت قديم يبيله تصليحات فاخذ قرض من البنك لان ماعنده احد يساعده ابوه متوفي من كان صغير فمافي احد يساعده فاطر واخذ من البنك عشان انصلح البيت بس والله ياخواتي مافي فايده كل مانصلحه يرد يخرب يعني الحمامات وانتم في كرامه تخر والمجاري تفيظ والبيت متروس ازهويه ونمل والحيطان تتفطر فكان لازم نشتغل فيه مما يخلينا كل مره نذيد القرض لحد ماكبر القرض وصرنا مانقدر عليه والمعاش صار مافيه بركه وانا صراحه قلت لزوجي يبيع البيت لاني دايما اقرا سورة ان اللي يخذون ربا يحاربون من الله ورسوله فقلتله يبيع البيت وبفلوس البيت نوفي القرض ونفتك من الربا وان الله راح يفتحها علينا والله هذا قصدي من بيعة البيت سبحان الله صارت بيعة البيت نغمه مو نعمه بعنا البيت قبل لا ترتفع اسعار البيوت ماندري انها راح ترتفع سبحان الله
اخذنا الفلوس اللي هي الزايده من القرض الحكومي لان الباجي الفلوس مالا ت البيت تاخذه الحكومه هذى شغله معقده مااقدر افهمكم بس المهم الزايد حوالي خمس وعشرين الف ورحنا حق البنك نبي نوفي القرض طبعا موكل القرض نصه هذا اللي قدرنا عليه ولا الموظف اللي بالبنك يقولنا مايصير ايه ليش لان والله قرضكم موثابت قرضكم متحرك ومايصير توفون نصه هذي الصدمه الاولى
طبعا ردينا البيت وحنا موعارفين شنو نسوي فقال زوجي مالى الا البورصه ربعي يمدحون البورصه ويقولون ان اللي يحط فلوسه بالبورصه ترد الدبل وبكذى نقدر نوفي القرض والله ياخواتي تخبط من صدمه ليصدمه ماحنا عارفين شنو نسوي
المهم دخل لبورصه وصارت نزلت البورصه الشهيره اللي الكل خسر فيها والحمدلله خسرنا فلوسنا وصرنا موطايلين سما ولا ارض سبحان الله
والحين سكنين بشفه ايجارها غالي موقادرين عليه وموقادرين نوفي الدين اللي علينا ولا قادرين نشتري بيت لان البيوت ارتفعة بشكل غير طبيعي والفلوس اللي هي عند الحكومه اللي باقيه من قرضنا الاسكاني ماتكفي نشتري فيها بيت والقرض موراضي يتغير
محله سر لانه احنا مخذينه ايام الفوائد المركبه والله لنا اكثر من 12او 13 سنه موراضي القرض ينوفا ولوجزء منه وزوجي موظف عادي بالحكومه تعرفون معاشاتهم موقويه وانا موموظفه عشان اساعد زوجي
وانا الحمد لله الله رزقني بنات وتعرفون البنات ومصاريفهم مومثل الاولاد الصبيان ماشاء الله مايصرفون اما البنت تربيتها صعبه ومصاريفها كثيره والله اني احاول اساعد زوجي اني مااصرف كثير وابي من الله انه يرزقنا بالولد الصالح المعافي ويقضي عنا الدين
والله ياخواتي هالوقت زوجي كله مهموم ينام ويقعد على الهم وكله يقولي انا ضعت وضيعتكم ومعاي والله حتي المعاش مومكفي يلحق علي شنو ولا شنو وانا خايفه عليه كثير خاصه اني انا مالي احد امي وابوي متوفين وانا مالي من بعد الله انا وبناتي الا الله ثم هو مالي احد بهالدنيا غيره اطالع الله ثم اطالعه هواللي ياويني انا وبناتي هو الظهر لي ولبناتي والله اخاف عليه يصير فيه شى اضيع من بعده انا وبناتي ومالنا احد غيره والله اخاف لايصير فيه مثل ماصار لبوه ابوه جته جلطه ومات واهوبالاربعين بعيد الشر عنه الله يطول عمره لي ولبناتي والله اني ادعي الله كل يوم يفرج همه ويقضي دينه ويطول عمره وانا ادري ان حالتنا احسن من حالات ناس وايد والحمد لله انا راضيه بقضائه وقدره وانا لا اسئل الله رد القضاء انما اسئل اللطف فيه مابي منكم الا ادعيه تساعد على جلب الرزق وتفرج الهم
شنو اقدر اسويه اواقراه عشان يذيد الرزق وانا الحمد لله انسانه اصلي واقراء القران وزوجي ماشاء الله من خذيته اهويصلي ويقراء القران واهو اصلا اعاني علي الصلاة والاذكار فالحمدلله ماحنا ان شاء الله مقصرين كثير بس ابي اشياء او ادعيه اقدر اسويها تزيد الرزق وتفرج الهم وترزقنا بالولد واكزن شاكره لكم *

اسأل الله العظيم رب العرش العظيم ان يفرجها عليكم
اسأ ل الله العظيم رب العرش العظيم ان يفرجها عليكم
اسأ ل الله العظيم رب العرش العظيم ان يفرجها عليكم
والله ما ادري شقولج يا اختي
كل الي اقدر اقولج اياه كثري استغفاااااااار
ودعااااااااء بيقين ان الفرج من رب العالمين
وحاولي تتصدقين كل يوم الصبح حتى لو بعشرين فلس
او تودين طبق صغير للجيران او حارس العماره او اي شي المهم ان يطلع منج شي

اقري هذي القصه عجيييبه ومؤثره ان شاء الله تفيدجقصة تستحق القراءة ,

قبل حو ا لي ثلاث سنوات زرت وحده من اعز صديقاتي بعد زواجها بفتره في منزلها المتواضع
(شقه صغيره) قريب من بيت اهل زوجها , ثم انقطعت الزيارات وظل التواصل الهاتفي
بيني وبينها..احدثها عن اخباري وهي كذلك وكنت اعرف ان امورهم في تحسن وان زوجها
بدأ في بعض الأعمال
التجاريه… حتى سنحت الفرصه لزيارتها مره اخرى .
.لكن هذه المره في منزلها الجديد بأحد ارقى احياء
الرياض .
وحقيقه منذ وطأت قدمي بيتها وأنا اقول ماشاء الله تبارك الله ماشاء الله تبارك الله ..
.بصراحه تفاجأت بمنزل راقي جدا وأثاث فخم لا يشريه الى ذوي القدرات الماليه العاليه ,
وأنا لا اقول هذا الكلام تنقيص من قدر صديقتي وزوجها ولكن لعلمي السابق
بأمكانياتهما الماديه؟؟
وبعد جلوسي عندها وتجاذب اطراف الحديث دفعني الفضول بعد ان دعيت لها بالبركه
لسؤالي لها عن سر هذا التحول المادي الكبير… ؟؟؟
قالت لي سبحان الله والله اني ناويه افتح هالموضوع معك
وطيب انك انتي اللي سألتي ,,
السالفه اني انا وزوجي قررنا من اكثرمن سنتين اننا نحط حصاله فلوس في غرفة النوم
( على التسريحه) وكل يوم نقوم من النوم اول شي نسويه نحط اي مبلغ في الحصاله ريال
خمسه عشره ميه المهم لازم نحط مبلغ ..يوميا..علشان نكون مثل اللي ذكرهم الرسول
صلى الله عليه وعلى آله وسلم((ما من يوم تطلع فيه الشمس الى وملكان يناديان اللهم
أعطي منفقا خلفا واللهم أعطي ممسكا تلفا)). ويقوم زوجي اسبوعيا بفتح الحصاله ووضع
مابها في جيبه الأيمن دون معرفة المبلغ…ثم
يتصدق بها بعد صلاة الجمعه من كل اسبوع .
تقول صديقتي وهذي الفايده نقلها زوجي من الأنترنت قبل ان يطبقها ووالله اننا من يوم بدأنا
نطبقهاوحنا بخير وتفتحت لزوجي ابواب الرزق من كل مكان,,( مَّن ذَا الَّذِي يُقْرِضُ اللّهَ قَرْضًا
حَسَنًا فَيُضَاعِفَهُ لَهُ أَضْعَافًا كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ )
وهذا اللي انتي شايفته والله اني ماكنت احلم فيه ولا اتخيله مجرد
خيال لكن الله اذا اعطى
فلا حدود لعطائه والحمدلله والشكر ,,,

اللهـ يعينج..

اللهم اجرني في مصيبتي واخلفلي خير منهاا..رددي ع طول والله يفرج همج..

رددي
اللهم اكفني بحلالك عن حرامك
اللهم اغنني بفضلك عمن سواك
اللهم فارج الهم.. وكاشف الغم.. مجيب دعوة المضطرين.. رحمن الدنيا والآخرة ورحيمهما.. ان ترحمنا فارحمني برحمة يغنيني بها عن رحمة من سواك..
عن ابن مسعود رضي الله عنه قال:قال رسول الله صلى الله عليه وسلم: (من قرأ سورة الواقعة في كل ليلة لم تصبه فاقة ابدا)
قال تعالى فقلت استغفروا ربكم انه كان غفارا¤ يرسل السماء عليكم مدرارا¤ ويمددكم بأموال وبنين ويجعل لكم أنهارا )

عن جرير رضي الله عنه قال:قال رسول الله صلى الله عليه وسلم : من قرأ (قل هو الله أحد) حين يدخل منزله نفت الفقر عن أهل ذلك المنزل والجيران)..

وان شاء الله ربي يفتح عليكم ابواب الرزق ويفرج همكم آمين

جزاج الله خير ومشكوره على الدعاء الطيب والله يوفقج وانا ان شاء الله اسوي اللي قلتي عليه مشكوره ياقلبي

مشكوره وانا دايما ادعي الله ان يفرج همنا ويقضي الدين عنا وانا على يقين ان الله ماراح يخلينا كذى لابد لها حل وجزاج الله خير ووفقج لما يحبه ويرضاه

مشكوره ياقلبي وجزاج الله خير والله يوفقج ويوفج كل وحده ترد وتقولي ادعيه اقدر فيها ان الله يقضي عنا الدين لان الله وحده العالم بالحال وانا وزوجي بعنا البيت عشان رضي الله علينا وان نفتك من الربا والدين ونرضي رب العالمين بس ماادري شقول قدر الله وماشاء فعل سبحان الله ولا حول ولا قوة الا بالله انا على امل من ان رب العالمين يفرجها علينا
وانا لولا الامل ماكنت اقدر اعيش وانا راضيه بقضائه وقدره وصابره ومحتسبه عند الله عز وجل وجزاكم الله خير

اكثري من الاستغفار والتسبيح و التصدق .. والتقرب الي الله سبحانه بكثرة السنن .. والله يفرج همج ا للهم امين يارب العالمين ووجميع امة المسلمين

الله يصبرج انشالله واهم شى الاستغفااار خليج على طول عليه اهو اللى يجيب الرزق دايما

وجزااكم الله خير على الكلام الحلوو

الله يفرج همج وهم زوجيج وخلي لكم
اولا قيمي ليلي ودعي ربج وستغفري ربج في كل وقت ولا تنسين اذكار مساء وصباح واذكار بعد صلاة ونوافل
وهذا ابتلاء من ربج بجوف صبركم
وقال تعالى: {إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ} الزمر.

مشكوره اختي وجزاج الله خير والله يوفقج وان اشاء الله يعني على ذكره وطاعته وحسن عبادته

مشكوره ياقلبي وجزاج الله خير وفقج لما يحبه ويرضاه وان شاء الله بكثر من الاستغفار

ومشكوره ياقلبي على الدعاء جزاج الله خير وفقج دنيا واخره وانا عارفه انه ابتلاء واقول الحمدلله على البلاء وان شاء الله يعوضني خير انما لا اسئل الله رد القضاء انما اسئل الله اللطف فيه ويفرج الهم في القريب العاجل باذن واحد احد وانا الحمد لله اصلي الشفع والوتر موهو هذا قيام الليل

مرحبـــــــــا اخيتي
اولا"" اكثري من الدعاء في الثلث الاخير من الليل لقول الله تعالى"ادعوني استجب لكم"
قولي اللهم فارج الهم كاشف الظلم مجيب دعوة المضطرين رحمن الدنيا والاخرة ورحيمهما ارحمني ب""قضاء الدين عنا واكفنا بحلالك عن حرامك واغننا بفضلك عمن سواك""رحمة تغنيني بها عن رحمة من سواك

ثانيا""الاستغفاااااااااااااار اكثر من الف مره باليوم لقول الرسول صلى الله عليه وسلم" من لزم الاستغفار جعل الله له من كل ضيق مخرجا ومن كل هم فرجا ورزقه من حيث لايحتسب"

ثالثا""تقوى اللـــــــــــــــــه عزوجل وخشيته في كل شي لقول الله تعالى" من يتق الله يجعل له مخرجا ويرزقه من حيث لايحتسب" يحتسب= يدري او يتوقع

عسى الله يفرجها عليج وعلى زوجج اللهم امين