اداريات المدارس ابيكم بكلمة راس

السلام عليكم
شلونكم وشخباركم
بما اني احب اتنقل بين الوزارات والادارات كالفراشة الداجة …
قررت احول ادارية مدارس وكنت مدرسة بالتربية وحولت ادارية بالمنطقة والحين ابي مدارس علشان العطلة

ابي اسالكم سؤال : شنو شغلكم هناك ؟ وصج تاخذون احتياط ومناوبات ؟ وصج الناظرة تكدشكم بالشغل ؟ وشنو الاحسن سكرتارية ولا شئون طلبة ؟

وسؤال خاص ببنات المنطقة العاشرة اي مدرسة ابتدائي بنات ادارتها وابلاتها زينة ؟ اشرياكم بغزية بنت جابر في الرقة او وربة في هدية … او في مدرسة غير هذول ؟

أتمنى تردون علي حتى لو بالدعاء لي بالتوفيق واروح مكان زين ؟

وشكرا

تسلمين يا الغلا

شكلي اخر شي بيحطوني وزير النقل :d

تسلمين حبوبة
بالنسبة للاخصائية صح كراف بس انا بكون ادارية مالي شغل بسوالف الطلبة والله ان شاء الله بيسهل شغلي هناك
نورتي الموضوع ومشكورة عالنصيحة الطيبة

تسلمين يا الغلا
يعني قولش اختار شئون الطلبة ؟

مشكورة عالمشاركة الطيبة

هلا وغلا باصصص

والله معاش حق باصلي استخارة بعد شوي وبشوف

نصيحة غالية من ناس غاليين

تسلمين يا عمري …

لاني ما اقدر اعطي راي الانسان نفسهــ

يحدد مستقبلهـ والاستخراه امام عينيك

تقبلي مروري البسيط … عاشقة راشد

انا مكنت بمدارس و كنت على طوووول اقعد مع شؤون الطلبه واعرف شغلهم

شوفي اهم مسكوهم الغياب يعني تفرين عالصفوف وتاخذين الغياب وتحملي ملاقة المدرسات والطالبات خصوصا الثانويه والمتوسط

وتلمين طبيات البنات طبعا وتحطينهم بسجل وكل طالبه تكتبين عدد غياباتها واللي بدون عذر ….

تلمين البطاقات المدنيه والصور عشان البيانات والكارنيهات .. ومعاهم نص دينار

طبعا مو كل البنات بيجيبون لج .. يعني بتراكضين وراهم و تحسين ما يحترمونج صج

طبعا غير طبيات البنات والاستئذانات اليوميه وتحملي اولياء الامور المعصبين اللي يبون بناتهم بثواني يجيونهم

و احنا شؤون الطلبه عندنا لان نقص مدرسات حطوهم مراقبات عالامتحانات

و تمسكين جم صف وتسحبين ارواق الامتحانات حق المدرسات وصفوفهم .. عاد تعالي شوفي اسلوب بعض المدرسات

و كل سنه بتنظمين الملفات و تكتبين البيانات الجديده وتدخلينها الكمبيوتر و انا مرات كنت اساعدهم لا فضيت و صج تعب

و غير المناوبه الصبح وآخر الدوام… شؤون الطلبه يوم اعترضوا الناظره ورتهم النشره يعني مالج حجه

———————-

شؤون الطلبه شغلهم واااجد بس الحلو لا صار ابتدائي والوكيله تطلع عسل بس وين تحصل …. لان شغلهم مع الوكيله مو الناظره .. والحلو انج تقدرين عالاقل تريحين داخل غرفة الاكل و الناظره ما تطب عليج و تناوبين انتي والبنات …يعني اذا خلصتي شغلج عادي ماكو مشكله

السكرتاريه حلو انه مافيه احتكاك مع الطالبات ( مع ان بمدرستنا حطوهم مراقبات ) بس الشين فيها ان غرفتج عند الناظره وشغلج معاها وما تخليج ترتاحين كل ساعه داشه وليش قاعده ….بس عالاقل شغلج اول باول ..بس لو الناظره قشره رحتي وطي

—————-

احسن حل تجيبين واسطه حق روضه

وانا نفسج قاعده افكر بمدارس عشان العطله بسسسسسس و محتاااره لان المنطقه راااااااااااحه بس الدوام طويل وارد البيت متأخره وما يمديني عكس المدرسه كنت اطلع 12 ونص … وزوجي يبيني ارد مدارس وقاعد يحن على راسي ..بس مادري ارد سكرتاريه ولا شؤون طلبه لان الاثنين فيهم سلبيات وايجابيات

هلا والله بعاشقة راشد …

مشكورة يا عمري ويكفي انش دشيتي الموضوع وشاركتي ودعيتي لي الدعوة الحلوة وان شاء الله ربي يوفق الجميع

اي وحـدة ادارية بالمنطقـة تقدر تنقل للمدارس والا صعبــــــــــــــــة ؟؟

يقولون عندهم زيادات حتى بوااسطه قوية ما تقدرين تروحين مدارس ..